Isaías 50:6 - Chayahuita (Shahui)

⁶ Yahuihuihuachinacora, co pinëhuë apirarahuëꞌ. Shinoratënta yahuaꞌtohuachinacora co apirarahuëꞌ. Noꞌhuitonaco ipirayatohuachinacora, co niquë tahuërërahuëꞌ.

Isaías 50:6 ပူးပေါင်းရင်းမြစ်များ

Salmos 69:7

Imaranquënso marëꞌ naꞌaro maꞌsha onpotërinaco. Inapotatonaco atapaninaco.

Salmos 69:8

Iyahuëpita tëranta nisha pochin niꞌninaco. Mamahuë huaꞌhuinpita niponaraihuëꞌ, inapotërinaco.

Isaías 53:5

Napopirëhuahuëꞌ, co natantochináchinhuëꞌ cancantërëhuaso marëꞌ ina ohuanapi. Co noyahuëꞌ ninëhuasori naꞌintërin paꞌpi parisitarin. Ina anaꞌintërin quëran noya ninicatëhua yaꞌhuarihua huachi. Ohuanpisopita quëran noyatarihuaꞌ.

Isaías 53:7

Inimiconënpitari aparisitohuachina, co manta tosarinhuëꞌ. Co piꞌpian tëranta nonsarinhuëꞌ. Carniroaꞌhua tëpacaso marëꞌ quëpapiso pochin nitapi. Oꞌhuica yaꞌicaso marëꞌ quëpahuachinara, co manta tëninsohuë pochin inantaꞌ, co manta tosarinhuëꞌ.

Miqueas 5:1

Naquëranchin Sinioro taantarin: “Iporaso napoaponahuëꞌ, Quirosarinquë yaꞌhuëramasopita, inimiconëma chinitamaso yonquicoꞌ. Inapitaso huëꞌsahuatonaꞌ, ninanonëma tancapitopi. Inapitari Israiro copirno chiníquën anaꞌintaponaꞌ,” tënin.

Mateo 26:67

Ina quëran ipirayatahuatonaꞌ, ahuëpi. Aꞌnaquënintaꞌ tonporayatahuatonaꞌ, chiníquën panpirayapi.

Mateo 27:26

Napohuachinara, Pirato camaitërin Parapasë ocoicaisoꞌ. Quisososo nipirinhuëꞌ chiníquën ahuihuitërin. Chiníquën huihuitonaꞌ, pëꞌsha pëꞌshatopi. Nani huihuihuachinara, shaꞌhuitërin corosëquë patanantacaiso marëꞌ.

Mateo 27:30

Ina quëran iraiquë ipitopi. Piquiranantaꞌ matantarahuatonaꞌ, ahuëmotopi.

Mateo 5:39

Napopirinahuëꞌ, carimaꞌ shaꞌhuichinquëmaꞌ. Co canpita capinisoꞌ niiꞌhuërëtacasoꞌ yaꞌhuërinhuëꞌ, tënahuë. Maꞌsha onpotohuachinënquëmaꞌ, ama noꞌhuicosohuëꞌ. Panpirayahuachinënquëmaꞌ, ama mantaꞌ iꞌhuërëtocosohuëꞌ. Naquëranchin panpiantahuachinquëmaꞌ, co naporo tërantaꞌ noꞌhuicasoꞌ yaꞌhuërinhuëꞌ.

Marcos 14:65

Naporahuatonaꞌ, Quisoso ipitopi. Tonporayatahuatonaꞌ, chiníquën panpirayapi. —Quëmasoꞌ Cristonquën nipatan, ninoton noꞌtëquën shaꞌhuitocoi. ¿Intaꞌ ahuërinquën? itoonpi. Ponisiaroꞌsarintaꞌ chiníquën ahuërayapi.

Marcos 15:19

Piquirananquë ahuëmotopi. Ahuërahuatonaꞌ, ipitopi. Isonahuatonaꞌ, nito mosharapi.

Juan 18:22

Itohuachina, ponisiari panpirayarin. —Corto huaꞌan chini chiníquën nanantërinso nipirinhuëꞌ, ¿ina pochin aꞌpaniran ti? itërin ponisiari.

Hebreos 12:2

Quisocristo naꞌcon yonquiaꞌahuaꞌ. Inasáchin catahuarinpoaꞌ Yosë natëcasoꞌ. Naporahuaton, inasáchin catahuarinpoaꞌ noya noya natëtacasoꞌ. Isoroꞌpaquë oꞌmahuachina, chiníquën parisitërin. Corosëquë parisitohuachina, naꞌcon tëhuapirinahuëꞌ, co ina yonquirinhuëꞌ. “Chiminpato, piyapiꞌsaꞌ nichaꞌësarahuë,” taꞌton, nóya cancantërin. Ina quëran inápaquë panantarahuaton, Yosë inchinanën quëran chachin huënsëarin.