Isaías 50:4 - Chayahuita (Shahui)

⁴ Sinioro piyapinën naporin: “Canotërëso pochin cancantopisopita achinicancanacaso marëꞌ, Sinioro aꞌchintërinco. Nani tashiramiachin taꞌtato natantaꞌhuaso marëꞌ catahuarinco.

Isaías 50:4 ပူးပေါင်းရင်းမြစ်များ

Salmos 40:7

Napoaton naporahuë: Maꞌtana Sinioro isëquë nisarahuë. Quiricanënquë naporinso chachin nitocoꞌ.

Isaías 28:9

Canta yonquiatonaco napopi: “¡Isaiasëntachi yaaꞌchintërinpoaꞌ! ¡Sinioro anitotërincoso aꞌchinchinquëmaꞌ! taꞌton atosárin. Huaꞌhuaroꞌsa quirica nontacaso nitotahuachinara: ‘ta ta tata të të tëtë ti ti titi to to toto,’ tosápi. Inapita pochin cancantatonpoa napotápirinpoahuëꞌ, ¡macari natanapon!” topi.

Isaías 35:5

Naporoꞌ somarayaroꞌsa quënantaponaꞌ. Nëꞌhuëyaroꞌsanta natantaponaꞌ, nonaponaꞌ. Sonpacharoꞌsantaꞌ, yo pochin niiponaꞌ. Inotërosoꞌ, yaꞌshi yaꞌshin nipirinhuëꞌ, noꞌpa quëran notohuaroꞌ iꞌsharoꞌsa pipirantapon. Sonoroꞌsanta yaꞌhuëapon. Ipora asaniroꞌsa yaꞌhuërinquëntaꞌ, piquiraroroꞌsaꞌ, shiꞌshinamatëroꞌsaꞌ, inapita yaꞌhuëapon. Ina noꞌpanëmataëchin aꞌnara caritira pëntonapon. Co oshanëna inquihuachinahuëꞌ, co nanitapihuë inataëchin paꞌtacaisoꞌ. Naponin yonquipisopitantaꞌ, co inataquëchin paꞌsapihuëꞌ. Ina caritirasoꞌ: “Yosë caritiranën,” itaponaꞌ.

Isaías 40:29

Canotopisopita, inari achiniantarin. Sanpatopisopitantaꞌ, ananitaantarin.

Isaías 50:10

(-)

Isaías 54:13

Yaꞌipi inaquë yaꞌhuëcaiso nipisopita cari aꞌchintarahuë. Yaꞌipi inaquë yaꞌhuëpisopitasoꞌ, noya yaꞌhuëatona sano yaꞌhuëaponaꞌ.

Isaías 8:16

Ina quëran aꞌchintërahuësopita pënënato: “Ipora shaꞌhuitëranquëmasoꞌ, noya natëcoꞌ. Aꞌchintëranquëmasopita, anitotëranquëmasopita, inapitanta ama naniantocosohuëꞌ.

Jeremías 1:9

Ina quëran imirin ihuësahuaton cariananinco. Inapotahuatonco nontaantarinco:

Jeremías 31:25

Tanarëso pochin cancantopisopita aꞌcatë pochin nitarahuë. Yamororëso pochin cancantopisopitantaꞌ, oꞌshitatë pochin nitato achinicancanarahuë,” itërinco.

Mateo 11:28

Huëcoꞌ casáchin imaco catahuainquëmaꞌ. Isoroꞌpaquë maꞌsha onporamaꞌ niꞌton, sëtaramaꞌ. Naporahuaton, nisha nisha yanatëpiramahuëꞌ, co canpitaora nanitëramahuëꞌ noya cancantacamasoꞌ. Pëꞌpëto quëquën quëparamaso pochin ninatanama niꞌton, napion cancantëramaꞌ. Napoaton huëcoꞌ catahuainquëmaꞌ sano cancantacamaso marëꞌ.

Mateo 13:54

Yaꞌhuërinquë chachin paantarahuaton, niyontonpiso pëiquë aꞌchintarin. Piyapiꞌsaꞌ natanahuatonaꞌ, nisha nisha yonquiatonaꞌ, ninontopi. —¡Maꞌpítacha nitotërin paya! ¿Macarisoꞌ aꞌchintomara? Piyapiꞌsaꞌ aꞌnaroáchin anoyatërin. ¿Onporahuatoncha nani maꞌsha nanitaparin nicaya?

Mateo 22:46

Natanaponaraihuëꞌ, co mantaꞌ aꞌpanitopihuëꞌ. “Yosë huiꞌnin chachin niꞌton, Tapiri Cristo chinotërin,” taꞌcaiso nipirinhuëꞌ, co yanatëpihuëꞌ. Napoaton naporo quëran huarëꞌ tapanatonaꞌ, co huachi nohuantopihuëꞌ Quisoso natanacaisoꞌ.

Lucas 21:15

Catahuaranquëmaꞌ noya nonacamasoꞌ. Ca nohuanto, noya yonquiaramaꞌ. Inimiconënpita co nanitapihuëꞌ aꞌpaniinquëmasoꞌ.

Lucas 4:22

Yaꞌipiya natantapi. “Maꞌpítacha nitotaton, naporin paya. Nóya aꞌchintërinpoaꞌ,” taꞌtonaꞌ: —¿Coꞌna isoꞌ Cosi huiꞌninhuëꞌ? topi.

Juan 7:46

—¡Co insontaꞌ ina pochin aꞌchinchininhuëꞌ! itopi.

Deuteronomio 18:17

Ina natanaton, Sinioro tënin: ‘Noꞌtëquën napopi. Ca nohuanto aꞌnara Israiro quëmapi acoarahuë quëma pochin pënëntacaso marëꞌ. Inari maꞌsona camaitërahuësopita, nohuantërahuësopita, inapita shaꞌhuitarinquëmaꞌ.