Isaías 49:3 - Chayahuita (Shahui)

³ Sinioro chachin nontatonco: ‘Quëmasoꞌ Israironquën. Piyapinëhuënquën. Quëmá quëran noya noya ninahuësoꞌ aꞌnoarahuë,’ itërinco.

Isaías 49:3 ပူးပေါင်းရင်းမြစ်များ

Isaías 41:8

Piyapinënpitanpoaso napoaponahuëꞌ Sinioro chachin achinicancaninpoaꞌ: “Natanco israiroꞌsanquëmaꞌ: Canpitasoꞌ piyapinëhuë Cacopo itopisoꞌ shinpitanquëmaꞌ. Amiconëhuë Apraan itopisonta shimashonëmaꞌ.

Isaías 42:1

Sinioro naporin: “Natanco shaꞌhuichinquëmaꞌ. Piyapinëhuë nohuitocoꞌ. Cari chachin ina achiniapo. Huayonahuëso niꞌton, nóya niꞌnahuë. Ispiritonëhuë nani ayaꞌcoancantërahuë. Noya coisë pochin nicaton, yaꞌipi nacionoꞌsa noꞌtëquën shaꞌhuitapon.

Isaías 43:21

Piyapinëhuëpitasoꞌ, chinotiinacoso marëꞌ cari acorahuë.

Isaías 44:23

Piꞌiroꞌtëꞌ, quëmanta piyapi pochin nicaton cantaquëꞌ. Sinioro naporinso yonquiaton cantaquëꞌ. Capa cancantaton, inapoquëꞌ. Noꞌpaꞌ acoporonta piyapi pochin nicaton, “yai, yai,” charaꞌin. Motopiroꞌsaꞌ, tananoꞌsaꞌ, yaꞌipi nararoꞌsaꞌ, canpitanta capa cancantocoꞌ. Nichaꞌësahuatonpoaꞌ, Sinioro chiníquën nanantërinsoꞌ aꞌnotërinpoaꞌ.

Isaías 50:10

(-)

Isaías 52:13

Sinioro chachin naporin: “Niꞌcoꞌ. Piyapinëhuë maꞌpitaso nipachin, noya pipitarin. Cari chachin noya nicato, noya noya acoarahuë.

Isaías 53:10

Sinioro nohuanton parisitaton co napion cancantarin. Piyapiꞌsa oshanëna marëꞌ ina chiminin niꞌquëhuarëꞌ, huaꞌqui tahuëri niꞌsarin. Huiꞌninpita pochin nipisopitanta niꞌsarin. Ina naporin quëran Sinioro yonquirinsopita noya naniarin.

Levítico 10:3

Ina quëran Moisësëri Aaron itapon: —Pocamasoꞌ mini apiratatënquëma iꞌhua Sinioro naporin: “Yaꞌcaririnacosopita, noya noya ninahuëso aꞌnotarahuë. Israiroꞌsanta huënaratërahuësoꞌ, aꞌnotarahuë,” tënin. Aaronso nipirinhuëꞌ, co manta tëninhuëꞌ.

Mateo 17:5

Nonaquëyaꞌ, chitorori imotërin. Huënaráchin huënaráchin ninin. Chitoroꞌ huáncana quëran Yosëri shaꞌhuitërin: “Isosoꞌ ca huiꞌnahuë, naꞌcon nosororahuësoꞌ. Nóya niꞌnahuë. Ina noya natancoꞌ,” itërin.

Juan 12:28

“Catahuaco Tata nohuantëranso nii. Ina quëran piyapiꞌsaꞌ nóya niꞌsarinënquën,” itërin, Yosë nontaton. Itohuachina, inápa quëran Yosëri itërin: “Nani catahuaranquën. Nohuantërahuëso ninan niꞌton, piyapiꞌsaꞌ nóya niꞌninaco. Iporasoꞌ catahuaantaranquën nohuantërahuëso nicacaso marëꞌ. Napoaton noya noya niꞌsarinaco,” itërin Yosëri.

Juan 15:8

Opa naꞌcon nitërinso pochin canpitantaꞌ noya noya nicoꞌ. Ina quëran aꞌnapitantaꞌ nicatënënquëmaꞌ, Yosë yonquiaponaꞌ. Naporahuatomaꞌ, noya noya imasaramaco.

Juan 17:1

Ina tosahuaton, inápaquë nëꞌpëtërin Yosë nontacaso marëꞌ: “Nani Tata ora naniarin chiminaꞌhuasoꞌ. Aparisitohuachinaco, catahuaco quëma pochachin cancantato, noya natëinquën. Ina quëran aꞌnapita nicatonaco, noya noya yonquiarinënquën. Quëma huiꞌnanco niꞌto, napotaranquën.

Juan 17:4

Piyapiꞌsaꞌ nichaꞌëcaꞌhuaso marëꞌ aꞌpaimaranco. Yaꞌipi shaꞌhuitërancosoꞌ natëarahuë. Yaꞌipi tiquirahuë. Quëmasáchin natëranquën niꞌton, piyapiꞌsaꞌ noya niꞌsarinënquën.

Efesios 1:6

Huiꞌnin naꞌcon nosororin. Ina imapatëhuaꞌ, canpoantaꞌ naꞌcon nosoroarinpoaꞌ. Ina yonquiatëhuaꞌ, “Ma noyacha Tata Yosësoꞌ niꞌton, inaora nohuanton, nosororinpoa paya,” tosarëhuaꞌ.

2 Tesalonicenses 1:10

Oꞌmantahuachin, imarëhuasopitasoꞌ quënanarihuaꞌ. “Ma noyacha Quisocristoso paya. Anoyacancantërinpoaꞌ. Inasáchin yaꞌipiya chinochinaꞌ,” tosarëhuaꞌ. Yaꞌipi imarëhuasopita napoarëhuaꞌ. Aꞌchintohuatëinquëmara, canpitantaꞌ natëramaꞌ niꞌton, noya niꞌsaramaꞌ.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.