Isaías 49:21 - Chayahuita (Shahui)

²¹ Napotohuachinëmaꞌ, canpitaso yonquinëmaquë napoapomaꞌ: ‘¡Isopitasoꞌ, co yaꞌhuëhuanoꞌsahuëꞌ! Quirosarinquë yaꞌhuëraisopitasoꞌ, quiquirinacoi. Inapoatoi Quirosarinsoꞌ, tananhuantárin patërai. Co onpo naꞌacaꞌhuaisohuëꞌ nitërinacoi. Isopita huëꞌpisopitasoꞌ, co isëquë soꞌsopihuëꞌ. ¡Intohuaranso aꞌna huëꞌmaraiꞌ!’ tosaramaꞌ,” tënin.

Isaías 49:21 ပူးပေါင်းရင်းမြစ်များ

Isaías 1:8

Quirosarin ninanoáchin quëparitërin. Oparo aꞌpaicaiso marëꞌ ina huancánachin pëi acopiso pochin quëparitërin. Pipinoroꞌ huáncana naꞌicaiso marëꞌ pëi acopiso pochin ninin. Inimicoroꞌsari ninano tancapitërinso pochin inaora quëparitërin,” tënin Sinioro.

Isaías 52:2

Quirosarinquë yaꞌhuëramasopita, ¡huanico huachi! Sëtatoma amocanquë nitaꞌsatëramaꞌ. Inaporamasoꞌ, nipaꞌtancoꞌ. Tapan inquiaton, huaꞌanëntacaso shiranënquë huënsëpisopita pochin cancantocoꞌ. Quirosarinquë yaꞌhuëramasopita, huiꞌnapinquëma nipomarahuëꞌ, inimicoroꞌsa macatënënquëmaꞌ, naraquë tonpoconotërinënquëmaꞌ. Inapotërinënquëmasoꞌ, paꞌcoicoꞌ. Co huachi huaꞌanëntërinënquëmasohuëꞌ nitotacaiso marëꞌ, inapocoꞌ.

Isaías 60:15

Ina tahuëri nanihuachin, co huachi pataranquëmahuëꞌ. Co huachi noꞌhuiaranquëmahuëꞌ. Co huachi canpitaora quëparitaramahuëꞌ. Carima noya noya acoaranquëmaꞌ. Co huachi onporonta nishataramahuëꞌ. Napoatoma capa cancantomiatarama huachi.

Isaías 60:8

¡Niꞌcochi pasopita! ¡Chitoro pochin co osharapihuëꞌ huëcaponaꞌ! Nëpëroꞌsa huaꞌhuatopiquë huëꞌsapiso pochin niriapi. ¿Maꞌpitacha huëcatona naporiacai?

Isaías 64:10

Ninanonënpitasoꞌ noya noya nipirinahuëꞌ, iporasoꞌ tanahuantápi. Inimicoroꞌsari Quirosarin ninano ataꞌhuantatona tapipi.

Lucas 21:24

Inimicoroꞌsaꞌ huëcatonaꞌ, naꞌa piyapiꞌsaꞌ sahuëniquë tëparapi. Nisha nisha sontaroꞌsari yaꞌhuëpiquë quëparapi asacatacaiso marëꞌ. Nisha piyapiꞌsaꞌ Quirosarinquë yaꞌconahuatonaꞌ, camaitapi. Huaꞌquiꞌ inaquë yaꞌhuaponaꞌ. Tahuërinën nanihuachina, Yosë nohuanton, pipiapi.

Romanos 11:24

Nani aꞌchintëranquëmaꞌ. Canpitasoꞌ apinapin nara pochin ninamaꞌ. Apinapinsoꞌ nara sëꞌparaꞌhuain nishitëtahuatëꞌ, oripo nara sëꞌparaꞌhuain achinpihuatëra, papotërin. Aquëtë huarëꞌ sëꞌparaꞌhuain chachinsoꞌ achinpitaantahuatëra, aꞌnaroáchin papotaantarin. Inapochachin israiroꞌsaꞌ noya imapachinaꞌ, Yosëri noya niantarin.

Gálatas 3:29

Quisocristo imapatëhuaꞌ, Apraan shinpitanpoaꞌ ninëhuaꞌ canpoantaꞌ. Apraan shaꞌhuitërinso pochachin naꞌcon catahuarinpoaꞌ.