Isaías 46:2 - Chayahuita (Shahui)

² Mamanshiroꞌsasoꞌ, nonpin yosëroꞌsaꞌ. Napoaton nanitopi nopanpitacaisoꞌ, noꞌpaquë anotacaisoꞌ, inapocaisoꞌ. Co inahuara tëranta nanitopihuëꞌ chaꞌëcaisoꞌ. Inimicoroꞌsari inahuanta quëpaponaꞌ.

Isaías 46:2 ပူးပေါင်းရင်းမြစ်များ

2 Samuel 5:21

Huiristinoꞌsasoꞌ, co ahuantatonaraihuëꞌ, taꞌapi. Taꞌatona mamanshinënapitanta patopi. Patohuachinara Tapisoꞌ sontaronënpitarë chachin inapita mapi.

Isaías 30:6

Pëꞌtahuaroꞌsanta huaꞌanoꞌsari quëpapisoꞌ yonquiato shaꞌhuitaranquëmaꞌ: Camiyoquë, moraquë, inaquëpita yaꞌmitëatona Iquipitoquë huaꞌanoꞌsa paꞌsapi. Naꞌcon paꞌtërinsopita tapapisoꞌ, inapitaquë aꞌmitëatona Iquipito huaꞌanoꞌsa quëpataponaꞌ. Niquipi inotërotaquëchin paꞌsapi. Paꞌpi huëhuëpiro noꞌpaꞌ paꞌtapi. Inaquësoꞌ, paꞌpiniroꞌsa përarantapi. Quëtëton yaꞌhuanoꞌsaꞌ, yanponaꞌpi yaꞌhuanoꞌsaꞌ, inapitanta yaꞌhuërin. Iquipitoroꞌsa co maquë nanitopirinahuëꞌ, inapita quëpataponaꞌ. Napoaton carisoꞌ, iquipitoroꞌsa apoyatërahuë: “Topinan quëran përanaꞌpi maꞌsha,” itërahuë.

Isaías 44:17

Ina yaꞌsorin quëran chachin mamanshi niantarin. Nani nipachina, isonahuaton noꞌpaquë huarëꞌ monshorin quëran mosharin. Paꞌpi nohuantaton itapon: “Quëmaso yosënëhuënquën niꞌton, nichaꞌëco,” itërin.

Isaías 45:20

Naquëranchin Sinioro nontaantarinpoaꞌ: “Canpitaso taꞌhuantamaso nipirinhuëꞌ, chaꞌëramasopita huëcatoma niyontonco shaꞌhuichinquëmaꞌ. Naꞌa piyapi yaꞌhuërin co manta yonquipisohuëꞌ. Inapitasoꞌ nara quëran mamanshi nipiso pitënahuatona ichiconipi. Inapitasoꞌ co piꞌpian tëranta nichaꞌëcasoꞌ nanitopihuëꞌ. Napopirinahuëꞌ, ina chinotatona nontopi.

1 Samuel 5:3

Tahuëririnquë tashíramiachin moshatopiso pëiquë paꞌpachinara, mamanshinënasoꞌ anotërin niꞌconpi. Sinioro caposonën notënanquë chachin anotaton quëhuëánin niꞌconpi. Napohuachina panca paꞌyanpi. Ahuanirahuatonaꞌ, acopiquë chachin acoantapi.