Isaías 45:5 - Chayahuita (Shahui)

⁵ Ca mini Sinioroco. Co aꞌna yaꞌhuërinhuëꞌ. Casáchin Yosëco. Co quëma nohuitopirancohuëꞌ, ca nohuanton míso ahuëtaran.

Isaías 45:5 ပူးပေါင်းရင်းမြစ်များ

1 Reyes 8:60

Inapotohuachinpoaꞌ, Sinioronënpoasáchin Yosë nininsoꞌ, yaꞌipi isoroꞌpaquë nitotapi. Nisha nisha piyapiroꞌsa yaꞌhuëpiso nohuitapi.

Esdras 1:2

“Caso Siroco. Pirsia copirnoco niꞌto, napotaranquëmaꞌ. Siniorosoꞌ Yosë niꞌton, inápaquë huaꞌanëntërin. Ina acorinco nisha nisha nacionoꞌsa huaꞌanëntaꞌhuaso marëꞌ. Camairinco niꞌton, Quirosarinquë ina chinotacaso pëi anitarahuë. Inaso ninanoꞌ, Cota parti yaꞌhuërin.

Éxodo 9:14

Co aꞌpahuatanhuëꞌ, iporasoꞌ chini chiníquën anaꞌintaranquën. Catahuarinquënsopita huaꞌanoꞌsaꞌ, piyapinënpita, inapitanta inapotarahuë. Co insonta isoroꞌpaquë ca pochin yaꞌhuërinhuëꞌ. Ina ipora anitotaranquën.

Isaías 43:10

Israiroꞌsanquëmaso nipirinhuëꞌ, nani niꞌnamaco. Piyapinëhuëpita nicacamaso marëꞌ huayonatënquëma acoranquëmaꞌ. Nohuitatomaco chinotamacoso marëꞌ acoranquëmaꞌ. Maꞌninsoꞌ ninahuësontaꞌ, nitotamaso marëꞌ acoranquëmaꞌ. Coꞌhuara ca yaꞌhuëyátërasocohuëꞌ, co aꞌna yosë yaꞌhuërinhuëꞌ. Ca piquërantaꞌ co aꞌna yaꞌhuëaponhuëꞌ.

Isaías 44:6

Siniorosoꞌ yaꞌipi nanitaparin. Inasoꞌ, israiroꞌsa nichaꞌësahuaton huaꞌanëntërin. Ina nontatënquëma naporin: “Coꞌhuara isoroꞌpaꞌ yaꞌhuëyátërasohuëꞌ, caꞌton yaꞌhuërahuë. Nani maꞌsha yaꞌhuërinsopita taꞌhuantopiriontaꞌ, caso yaꞌhuëápo. Casáchin Yosëco.

Isaías 44:8

Ama tëꞌhuacosohuëꞌ, chiníquën cancantocoꞌ. Coꞌta cari iráca quëran huarëꞌ maꞌsona onpoamasoꞌ nani shaꞌhuitëranquëmaꞌ. Canpitaso nani natanamaco. Casáchin Yosëco. Co aꞌna yosë ca pochin paꞌpoyatonaꞌpi yaꞌhuërinhuëꞌ,” tënin.

Isaías 45:1

Pirsia copirno nicacaso marëꞌ Siniorori Siro acorin. Imirin quëran sëꞌquëatë quëparëso pochin nacionoꞌsa minsëcaso marëꞌ inari catahuararin. Copirnonënapitanta ahuëtacaiso marëꞌ ohuarapisoꞌ, matapon. Ina nohuanton ninano yaꞌcoanaroꞌsa iꞌsoataponaꞌ. Iꞌsoatohuachinaꞌ, co incari tëranta oncotaponhuëꞌ. Ipora chachin ina shaꞌhuitaton itapon:

Isaías 45:6

Yaꞌipiya quëran nitotacaiso marëꞌ catahuararanquën. Piꞌi pipirinso parti yaꞌhuëpisopita, piꞌi yaꞌconinso parti yaꞌhuëpisopita, inapitanta nitochinaꞌ. Casáchin Sinioroco niꞌton, co aꞌna yaꞌhuërinsohuëꞌ, nitochinaꞌ.

Isaías 46:9

Iráca quëran huarëꞌ nani maꞌsha onpopisoꞌ yonquicoꞌ. Casáchin Yosëco. ¡Co aꞌna ca pochin yaꞌhuërinhuëꞌ! Caso Yosëco. ¡Co insonta aꞌna ca pochin yaꞌhuërinhuëꞌ!

Juan 1:1

Iráca quëran huarëꞌ Yosë noninsoꞌ yaꞌhuërin, Quisocristo itërëhuasoꞌ. Tata Yosërëꞌ yaꞌhuërin. Yosë pochachin ninin antaꞌ.

Deuteronomio 32:39

Casáchin Yosëco. Mamanshiroꞌsasoꞌ, co ca pochin nipihuëꞌ. Ca nohuanto piyapiꞌsa nanpirapi, ca nohuanto chiminapi. Ca nohuanto piyapiꞌsa maꞌsha onpopi. Ca nohuanto chachin noyataantapi. Anaꞌintaꞌhuaso chinotohuato, co insonta chaꞌëtarincohuëꞌ. Chini chiníquënco niꞌto, anaꞌintarahuë.

Deuteronomio 4:39

Napoaton noya yonquirahuatomaꞌ: ‘Sinioroíchin Yosësoꞌ. Inápaquë huaꞌanëntërinso pochachin isoroꞌpaquënta huaꞌanëntarin. Co aꞌna ina pochin yaꞌhuërinhuëꞌ,’ tocoꞌ.