Isaías 45:23 - Chayahuita (Shahui)

^23-24 Caso Yosëco niꞌto, nani shaꞌhuirahuë yaꞌipi inimiconëhuëpita minsëcaꞌhuasoꞌ. Nani shaꞌhuirahuë niꞌton, napoarahuë. Aꞌna tahuëri yaꞌipi piyapiꞌsa isonatona chinotarinaco. ‘Quëmasáchin Yosënquën,’ itatonaco chinotarinaco. Inapotatonaco: ‘Sinioroíchin noꞌtëquën yonquirin. Inaíchin chini chiníquën nanantërin,’ taponaꞌ. Yaꞌipi noꞌhuirinacosopitasoꞌ, taparo nicaponaꞌ.

Isaías 45:23 ပူးပေါင်းရင်းမြစ်များ

Génesis 31:53

Canpo capini nanan yaꞌhuëhuachin, Yosë chachin anitochinpoꞌ, inquënposona tëhuërësoꞌ. Ina Yosë chachin quëmaquën tata masho Apraan, chinotërin. Caquën tata masho Nacoronta chinotërin. Inquënposo tëhuëhuatëꞌ, ina chachin anaꞌinchinpoꞌ, itërin. Napotohuachina, Cacoposoꞌ: “Caquën tata chinotërinso niꞌsárinco niꞌton, co napoarahuëꞌ,” tënin.

Salmos 63:11

Piyapinënpitacoi chinotatëinquën capa cancanchii. Copirnonëhuëintaꞌ, chinotatënquën capa cancanchin. Nonpintëroꞌsaso nipirinhuëꞌ, quëmari Sinioro anaꞌintaton ataꞌhuantapon.

Isaías 45:19

Maꞌsona yanipatora, co poꞌoana quëran nonato naporahuëꞌ. Cacopo shinpitanquëmantaꞌ: ‘Topinan tëranta chinotoco,’ co itëranquëmahuëꞌ. Caso Sinioroco noya coisë pochinco niꞌto, noꞌtëquënáchin nontëranquëmaꞌ,” itërinpoaꞌ.

Isaías 49:18

Quirosarinquë yaꞌhuëramasopita itohuaran itohuaran noya notëtocoꞌ. Nisha nisha parti israiroꞌsa quëpapisopita huëantarapi. Caso Sinioroco yaꞌhuëárahuë niꞌton, noꞌtëquën shaꞌhuitaranquëmaꞌ: Yaꞌipi israiroꞌsa huëꞌpachina, nitapaantaranso pochin acoarinën. Nanon yasoꞌyaton nitaparinso pochin nitarinën.

Isaías 55:11

Inapochachin nonahuësontaꞌ, co topinan caquë huënantarinhuëꞌ. Inasoꞌ, ca nohuantërahuëso nisarin. Maꞌsona camairahuëso nisarin.

Isaías 60:14

Aparisitërinëmaso shinpita huëcapairahuatënëmaꞌ, nosorochináchin nontaponëmaꞌ. Yaꞌipi nocaninëmasopitantaꞌ, isonahuatona moshaponëmaꞌ. Quirosarintaꞌ, ‘Sinioro ninanonën,’ itaponaꞌ. Siniorosoꞌ noyasáchin ninin niꞌton, israiroꞌsari inaquë chinotopi.

Isaías 61:11

Sharoꞌsa noꞌpaquë pichopitërin. Yanco namënën iꞌtorohuatëra, papoyantërin. Inapochachin Sinioronta noꞌtëquënáchin nininsoꞌ aꞌnoarin. Ina marëꞌ yaꞌipi nacionoꞌsaquë: “¡Ma noyacha Sinioroso paya!” taꞌtonaꞌ, cantaponaꞌ.

Amós 6:8

Ina quëran Yosëso taantapon: “Caso Yosëco yaꞌipi nanitaparahuë. Caso Sinioroco niꞌto, noꞌtëquën shaꞌhuitaranquëmaꞌ: ‘Israiroꞌsasoꞌ, yanocantopi. Inapopiso co quëꞌyarahuëꞌ. Noya pëiroꞌsa yaꞌhuëtopi niꞌton, “co manta onpoaraihuëꞌ” topisontaꞌ, co quëꞌyarahuëꞌ. Ca nohuanton inimiconënapitari Samariaquë yaꞌhuëpisopita minsëaponaꞌ. Inapotatonaꞌ, yaiꞌpi maꞌshanënapita mataponaꞌ,’ tënahuë,” tënin.

Números 23:19

Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Romanos 11:4

Napotopirinhuëꞌ, ¿maꞌtaꞌ Yosëri itantarin? “Aꞌnaquën mini mamanshi moshapi, Paaro itopisoꞌ. Nipirinhuëꞌ, ca nohuanto, canchisë huaranca quëmapiꞌsaꞌ chinotarinaco. Co mamanshi moshapihuëꞌ,” itërin. Nani ina nitotëramaꞌ.

Deuteronomio 6:13

Sinioroíchin chinotocoꞌ. Inasáchin natëcaso yaꞌhuërin. Inasoꞌ huaꞌanëntërinpoaꞌ. Maꞌmarësona tëranta natëtacaiso marëꞌ shaꞌhuihuatamaꞌ, Yoscoarëꞌ taꞌtoma shaꞌhuicoꞌ.

Filipenses 2:10

Napoaton Quisocristo yonquiatonaꞌ, yaꞌipi piyapiꞌsari isonahuatonaꞌ chinochinaꞌ. Inápaquë yaꞌhuërinsopita, isoroꞌpaquë yaꞌhuërinsopita, noꞌpaanaquë yaꞌhuëpisopita, inapitarintaꞌ chinochinaꞌ.