Isaías 45:19 - Chayahuita (Shahui)

¹⁹ Maꞌsona yanipatora, co poꞌoana quëran nonato naporahuëꞌ. Cacopo shinpitanquëmantaꞌ: ‘Topinan tëranta chinotoco,’ co itëranquëmahuëꞌ. Caso Sinioroco noya coisë pochinco niꞌto, noꞌtëquënáchin nontëranquëmaꞌ,” itërinpoaꞌ.

Isaías 45:19 ပူးပေါင်းရင်းမြစ်များ

Salmos 24:6

Ina pochin cancantohuatëhuaꞌ, Yosë nóya chinotarëhuaꞌ. Cacoponta ina pochin cancantaton ina chinotërin.

Salmos 69:13

Caso nipirinhuëꞌ, Sinioro chiníquën nontëranquën. Quëmaso Yosënëhuënquën niꞌton, ipora catahuaco. Nosoroatonco aꞌpanico huachi. Yácatahuaranco niꞌton, nichaꞌëco.

Salmos 69:32

Ina nicatona parisitopisopita capa cancantapi. Chinotërinënquënsopita chiníquën cancantapi.

Proverbios 1:21

Naꞌcon yamopiquë naporin. Ninano yaꞌcoanaroꞌsaquëntaꞌ, yonquirinso shaꞌhuiton atosárin:

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Proverbios 8:6

Noya nininsoꞌ shaꞌhuitaranquëma niꞌton, noya natancoꞌ.

Isaías 1:15

Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Isaías 43:12

Ina quëran Sinioro taantarin: “Iráca chachin nichaꞌëcaꞌhuanquëmasoꞌ anitotëranquëmaꞌ. Napoaton nichaꞌëranquëmaꞌ. Co aꞌna mamanshi tëranta ina pochin nininhuëꞌ. Canpita nani niꞌnamaco.

Isaías 44:8

Ama tëꞌhuacosohuëꞌ, chiníquën cancantocoꞌ. Coꞌta cari iráca quëran huarëꞌ maꞌsona onpoamasoꞌ nani shaꞌhuitëranquëmaꞌ. Canpitaso nani natanamaco. Casáchin Yosëco. Co aꞌna yosë ca pochin paꞌpoyatonaꞌpi yaꞌhuërinhuëꞌ,” tënin.

Isaías 45:23

Caso Yosëco niꞌto, nani shaꞌhuirahuë yaꞌipi inimiconëhuëpita minsëcaꞌhuasoꞌ. Nani shaꞌhuirahuë niꞌton, napoarahuë. Aꞌna tahuëri yaꞌipi piyapiꞌsa isonatona chinotarinaco. ‘Quëmasáchin Yosënquën,’ itatonaco chinotarinaco. Inapotatonaco: ‘Sinioroíchin noꞌtëquën yonquirin. Inaíchin chini chiníquën nanantërin,’ taponaꞌ. Yaꞌipi noꞌhuirinacosopitasoꞌ, taparo nicaponaꞌ.

Isaías 45:25

Israiroꞌsasoꞌ cari catahuarahuë niꞌton, noꞌtëquën yonquiaponaꞌ: ‘¡Ma noyacha Sinioro imatëhua naporëhua paya!’ tëcaponaꞌ,” tënin.

Isaías 63:1

Aꞌnara huëꞌsarinso nicato: —Itomoroꞌsa copirnonëna yaꞌhuërinso ninanoꞌ, Posora itopi. Inatohuaran aꞌnara quëmapi huëꞌsarin. Quëhuanën quëran aꞌshitahuatë aꞌmorëso pochin huëꞌsarin. Chiníquën nanantonaꞌpi aꞌmorinso pochin aꞌmorin. Co macari tëranta chinitochináchinhuëꞌ, yaꞌnorin. ¿Incha inaso nicaya? tënahuë. Napoasoco chachin: —Ca huëꞌsarahuë. Canatërahuësoꞌ, shaꞌhuitaranquëmaꞌ. Chiníquën nanantato nichaꞌëcaꞌhuasoꞌ nanitaparahuësontaꞌ, shaꞌhuitaranquëmaꞌ, itërinco.

Isaías 8:19

Aꞌnaquënsoꞌ, shaꞌhuitëranquëmasopita co natëtatonahuëꞌ: ‘Chimipiroꞌsa apërahuaꞌyantatomaꞌ, natancoꞌ. Pënotonoꞌsanta sacaronquë nonpisopita natahuan. ¡Nisha nisha piyapiꞌsa yosënëna natanacaiso yaꞌhuërin! ¡Chimipiroꞌsa tëranta nanpiarëhuasopita maꞌsona onpocasoꞌ anitotiinpoaso marëꞌ natanacaiso yaꞌhuërin!’ itaponëmaꞌ. Inapitaso napopirinahuëꞌ, co piꞌpian tëranta noya yonquiatona naporapihuëꞌ. Co tahuërianpitërëso pochin nishátërapihuëꞌ.

Jeremías 2:31

Canpitanta ipora yaꞌhuëramasopita, Sinioro shaꞌhuitërinpoasoꞌ noya natancoꞌ. Israiroꞌsanquëmaꞌ: Inotëroquësoꞌ, paꞌpi chiníquën piꞌi piꞌcatërin. ¡Co carimasoꞌ, inapochin aparisitëranquëmahuëꞌ! Noꞌpaꞌ nanin acopontaꞌ, huëhuëpiro tashinantërin. ¡Co carimaso ina pochin aꞌpayananquëmahuëꞌ! Canpitaso piyapinëhuëpitanquëma nipomarahuë napotëramaco: ‘Nani huachi quëmá quëran chaꞌërai. Co huachi onporo tërantaꞌ, tahuërëtarainquënhuëꞌ,’ itëramaco.

Juan 18:20

—Casoꞌ aꞌninquëchin piyapiꞌsaꞌ aꞌchintërahuë. Niyontonpiso pëiquë, Yosë chinotopiso pëiquë, inaquëpita cotioroꞌsaꞌ niyontonpachinara, aꞌchintërahuë. Co poꞌoana quëran aꞌchinahuëꞌ.

Juan 7:26

Niꞌcochi. Aꞌninquëchin aꞌchinapirinhuëꞌ, co incari tërantaꞌ noꞌhuirinhuëꞌ. Huaꞌanoꞌsarintaꞌ natëtonaꞌ: “Inasoꞌ Cristo, Yosëri aꞌpaimarinsoꞌ,” ¿tomarai huachi ti? nitopi.

Juan 7:28

Quisososo nipirinhuëꞌ, Yosë chinotopiso pëiquë chiníquën itaantarin: —¿Nohuitëramaco ti? Intohua quëransoꞌ huëꞌnahuësoꞌ nitotapomarahuëꞌ, co tëhuënchachin nohuitëramacohuëꞌ. Co caora nohuanto, oꞌmarahuëꞌ. Yosë nohuanton, oꞌmarahuë. Inasoꞌ noꞌtëquën nonin. Nipirinhuëꞌ, inantaꞌ co nohuitëramahuëꞌ.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.

Santiago 4:3

Aꞌnaquëmaꞌ Yosë nontohuatamara, maꞌsha nipiramahuëꞌ, co quëtërinquëmahuëꞌ. Canpitaora nipaꞌyatacamaso marëꞌ maꞌsha nohuantëramaꞌ niꞌton, co quëtërinquëmahuëꞌ.