Isaías 45:18 - Chayahuita (Shahui)

¹⁸ Siniorosoꞌ Yosë niꞌton, piꞌiroꞌtë acorin. Isoroꞌpanta acohuachina, noyá acorin. Co topinan nicacaso marëꞌ acorinhuëꞌ. Piyapiroꞌsari yaꞌhuëtacaiso marëꞌ acorin. Ina chachin nontatonpoaꞌ: “Caso Sinioroco. Co aꞌninquëchin yaꞌnorahuëꞌ. Co aꞌna ca pochin yaꞌhuërinhuëꞌ.

Isaías 45:18 ပူးပေါင်းရင်းမြစ်များ

Génesis 1:1

Yosë nani maꞌsha acorinso shaꞌhuichinquëmaꞌ: Iráca co manta yaꞌhuërinhuëꞌ. Yosëíchin yaꞌhuërin. Caniaritapon, piꞌiroꞌtëꞌton acorin. Ina quëran isoroꞌpantaꞌ, acorin.

Génesis 1:2

Naporoꞌ isoroꞌpasoꞌ, co ipora pochin nishátërarinhuëꞌ. Yaꞌipi marësáchin ninin, paꞌpi anpotërin. Tashiri noyá iꞌcopitërin. Naporo chachin Yosë ispiritonënsoꞌ, iꞌ aipi yanpo yanpónantarin.

Génesis 1:26

Naporo tahuëri chachin tapon: “¡Iporaso huachi piyapi niahuaꞌ! Inaso canpoa pochachin nisarin. Chiníquën nanantaton, samiroꞌsaꞌ, anpiantëhuanoꞌsaꞌ, inapita huaꞌanëntarin. Maꞌsharoꞌsa pëꞌtahuacaiso nipisopita, tananquë yaꞌhuëcaiso nipisopita, niohuaratërinsopita, yaꞌipi inapitanta huaꞌanëntarin,” tënin.

Génesis 1:28

Noya yonquirapiton iso pochin shaꞌhuitërin: “Nóya yaꞌhuëcoꞌ. Naꞌa huaꞌhuasha yaꞌhuëchinquëmaꞌ. Shiparimapita naꞌatonaꞌ, yaꞌipi parti yaꞌhuëꞌinaꞌ. Yaꞌipi huaꞌanëntocoꞌ. Samiroꞌsaꞌ, maꞌsharoꞌsaꞌ, anpiantëhuanoꞌsaꞌ, niohuaratërinsopita, inapita huaꞌanëntocoꞌ,” itërin.

Génesis 9:1

Naporoꞌ Noi, huiꞌninpitarë chachin, Yosëri nóya yonquirapiton iso pochin shaꞌhuitërin: “Naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ.

Salmos 115:16

Siniorosoꞌ, piꞌiroꞌtë huaꞌanëntërin. Isoroꞌpaso nipirinhuëꞌ, piyapinpoa ahuaꞌanëntërinpoaꞌ.

Isaías 42:5

Siniorosoꞌ Yosë niꞌton, piꞌiroꞌtë acorin. Ina acoaton nëꞌmëtë pëi ótënëso pochin nitërin. Isoroꞌpantaꞌ, nani maꞌsha yaꞌhuërinsopitarë chachin acorin. Ina nohuanton piyapiꞌsa inaquë nanpipi. Inari chachin niinta acotërin.

Isaías 44:24

Siniorosoꞌ nichaꞌërinquëmaꞌ. Coꞌhuara nasichátërasënquëmahuëꞌ acorinquëmasoꞌ, naporin: “Ca mini Sinioroco. Yaꞌipi maꞌsha cari acorahuë. Cari piꞌiroꞌtë nëꞌmëtë pëi pochin ótënahuë. Ca nohuanton isoroꞌpanta chinirin. Caoraíchin acorahuë. Co insonta catahuarincohuëꞌ.

Isaías 45:12

Cari isoroꞌpaꞌ ninahuë. Yaꞌipi piyapiroꞌsanta cari ninahuë. Piꞌiroꞌtëntaꞌ, cari nëꞌmëtë pëi ótënatë pochin acorahuë. Ca camaitërahuë quëran yaꞌipi tayoraroꞌsa yaꞌhuërin.