Isaías 45:16 - Chayahuita (Shahui)

¹⁶ Yaꞌipi mamanshi ninaꞌpiroꞌsasoꞌ, taparo nicaponaꞌ. Mamanshinënari co catahuarinhuë niꞌton, naní quëran tëhuayataponaꞌ.

Isaías 45:16 ပူးပေါင်းရင်းမြစ်များ

Isaías 41:19

Inotëroquë nonararoꞌsa shaꞌsarahuë. Acasiaroꞌsaꞌ, mirtoroꞌsaꞌ, oriporoꞌsaꞌ, inapitanta shaꞌsarahuë. Yaniroquëntaꞌ, siprisëroꞌsaꞌ, pino nararoꞌsaꞌ, apitoroꞌsaꞌ, inapita shaꞌsarahuë.

Isaías 42:17

Mamanshi chinotatonaꞌ: ‘Canpitaso yosënëhuënquëmaꞌ,’ topisopitaso nipirinhuëꞌ, tapanatona taꞌananpiponaco,” tënin.

Isaías 44:11

Ina moshapisopitasoꞌ, taparo nisapi. Ina ninaꞌpiroꞌsantaꞌ, topinan piyapiroꞌsaꞌ. Napopináchin huëꞌsahuatonaꞌ, napopisoꞌ coisëquë shaꞌhuipi naporini, paꞌpi tapanatona paꞌyaintonahuëꞌ.

Isaías 44:9

Mamanshi ninaꞌpiroꞌsasoꞌ, co maꞌmarë tëranta paꞌtopihuëꞌ. Mamanshi nipachinara paꞌyatopi. Paꞌyatopirinahuëꞌ inahuanta co maꞌmarë tëranta paꞌtopihuëꞌ. Somaraya pochin cancantopisopita ina chinotopi. Apiroꞌsa nipisopita napopisoꞌ. Napopiso marëꞌ tapanacaisoꞌ yaꞌhuëapon.

Isaías 45:20

Naquëranchin Sinioro nontaantarinpoaꞌ: “Canpitaso taꞌhuantamaso nipirinhuëꞌ, chaꞌëramasopita huëcatoma niyontonco shaꞌhuichinquëmaꞌ. Naꞌa piyapi yaꞌhuërin co manta yonquipisohuëꞌ. Inapitasoꞌ nara quëran mamanshi nipiso pitënahuatona ichiconipi. Inapitasoꞌ co piꞌpian tëranta nichaꞌëcasoꞌ nanitopihuëꞌ. Napopirinahuëꞌ, ina chinotatona nontopi.