Isaías 45:11 - Chayahuita (Shahui)

¹¹ Caso Sinioroco noyasáchin ninahuë niꞌton, Israiro chinotërinco. Carima canpitasoꞌ, piyapinëhuëpita nicamaso marëꞌ acoranquëmaꞌ. Huiꞌnahuëpita maꞌsona onpotaꞌhuasoꞌ yonquirahuësoꞌ, ¡co naniarin quëran huarëꞌ natanamacoso yaꞌhuërinhuëꞌ! Maꞌsona nicacaꞌhuaso marëntaꞌ, ¡co canpita camaiamacoso yaꞌhuërinhuëꞌ!

Isaías 45:11 ပူးပေါင်းရင်းမြစ်များ

Génesis 32:26

Quëmapi yaꞌnorinsosoꞌ, Cacopo itapon: —Aꞌpoco huachi, nani tahuëririarin, itërin. —Coꞌsoꞌ noya yaꞌhuëcaꞌhuaso marëꞌ shaꞌhuitohuatancohuëꞌ, co aꞌpoaranquënhuëꞌ, itërin inarintaꞌ.

Isaías 43:1

Israiroꞌsanquëmaꞌ, nininquëmasoꞌ nontarinquëma natancoꞌ. Canpitaso Cacopo shinpitanquëma niꞌtomaꞌ, noya natancoꞌ: “Carinquëma nichaꞌëranquëma niꞌton, ama tëꞌhuacosohuëꞌ. Carima nininëma quëran përaranquëma niꞌton, huaꞌanëntëranquëmaꞌ.

Isaías 43:15

Caso Sinioroco. Ca nohuanton israiroꞌsanquëma yaꞌhuëramaꞌ. Caso Yosëco noyasáchin nicato huaꞌanëntëranquëmaꞌ,” tënin.

Isaías 43:21

Piyapinëhuëpitasoꞌ, chinotiinacoso marëꞌ cari acorahuë.

Isaías 43:3

Caso Sinioroco niꞌto, napoarin. Carima nichaꞌësaranquëmaꞌ. Caso Yosëco noyasáchin ninahuë niꞌton, Israiro chinotërinco. Aꞌnapita huaꞌanëntapirinënquëmahuëꞌ, cari paꞌananquëmaꞌ. Iquipito, Itiopia, Sapa, inapita nacionoꞌsa pahuërë pochin quëtato, paꞌananquëmaꞌ.

Isaías 43:7

Inapitasoꞌ ca pochachin ninintopi. Cari chachin inapitaso acorahuë. Catahuarahuëso nicatonaꞌ, yaꞌipiya quëran paꞌyatiinacoso marëꞌ acorahuë.

Isaías 45:10

Inapochachin huaꞌhuaroꞌsantaꞌ, co paꞌpina noꞌhuicaiso yaꞌhuërinhuëꞌ: ‘¿Maꞌmarëta huiꞌnaranco niꞌton, isoroꞌpaquë poꞌsarahuë?’ co taꞌcaiso yaꞌhuërinhuëꞌ.

Isaías 54:5

Nininquëmasoꞌ, saꞌatatë pochin nitarinquëmaꞌ. Inasoꞌ nininën, Sinioro yaꞌipi nanitaparinsoꞌ. Inasoꞌ Yosë, noyasáchin ninin niꞌton, Israirori chinotërin. Ina nichaꞌërinquëmaꞌ. Yaꞌipi isoroꞌpaꞌ huaꞌanëntaton napotarinquëma niꞌton, yaꞌipi inapita naniantaramaꞌ.

Isaías 60:21

Yaꞌipi inaquë yaꞌhuëramasopita, noya nicatënëmaꞌ, natëponëmaꞌ. Noꞌpanëma huaꞌanëntomiataramaꞌ. Shanëhuë, papoyantërinso pochin nisaramaꞌ. Chini chiníquën nanantërahuësoꞌ aꞌnocaꞌhuaso marëꞌ carima noya noya acoaranquëmaꞌ.

Isaías 63:16

¡Quëmasoꞌ, tatahuëi pochin ninan! Apraanso co aꞌna nohuitomarincoihuëꞌ. Cacoponta co aꞌna yonquimarincoihuëꞌ. Quëmaso Sinioro tatahuëi pochin ninan. Iráca quëran huarëꞌ nichaꞌërancoi.

Isaías 64:8

Napopiraihuëꞌ, quëmaso Sinioro tatahuëi pochin ninan. Quiyaso tëshiroꞌpa pochin ninai. Quëmaso tëshitonaꞌpi pochin ninan. ¡Quëmasáchin yaꞌipicoi ninancoi!

Isaías 8:19

Aꞌnaquënsoꞌ, shaꞌhuitëranquëmasopita co natëtatonahuëꞌ: ‘Chimipiroꞌsa apërahuaꞌyantatomaꞌ, natancoꞌ. Pënotonoꞌsanta sacaronquë nonpisopita natahuan. ¡Nisha nisha piyapiꞌsa yosënëna natanacaiso yaꞌhuërin! ¡Chimipiroꞌsa tëranta nanpiarëhuasopita maꞌsona onpocasoꞌ anitotiinpoaso marëꞌ natanacaiso yaꞌhuërin!’ itaponëmaꞌ. Inapitaso napopirinahuëꞌ, co piꞌpian tëranta noya yonquiatona naporapihuëꞌ. Co tahuërianpitërëso pochin nishátërapihuëꞌ.

Jeremías 31:1

Ina quëran taantarin: “Ina tahuëri nanihuachin, casáchin yaꞌipi Israiro huëntonoꞌsa chinotarinaco. Inapitanta piyapinëhuëpita nisapi,” tënin.

Jeremías 31:9

Orarëꞌnachin, naꞌnërëꞌnachin, huëꞌsapi. Cari chiniiꞌ yaꞌhuërinquë quëpaarahuë. Noyá tapapinan ira quëshihuato co iꞌpaponahuëꞌ. Ca mini israiroꞌsa paꞌpina pochin ninahuë. Inapitantaꞌ, paninanëhuë pochin nipi,” tënin.

Ezequiel 36:37

Naporahuaton maꞌmarë tëranta nontohuatamaco, aꞌnaroáchin catahuararanquëmaꞌ. Ca nohuanton notohuaroꞌ naꞌasaramaꞌ. Panca huënton ohuicaroꞌsa pochin nisaramaꞌ. Ca Sinioroco shaꞌhuitaranquëmaꞌ.

Oseas 1:10

Napoaponahuëꞌ, aꞌna tahuëri israiroꞌsaso notohuaroꞌ naꞌaponaꞌ. Marë yonsanquë inotëraꞌhuaya yaꞌhuërinso pochin naꞌaponaꞌ. Co incari tëranta pichicasoꞌ nanitaponhuëꞌ. Iporasoꞌ pënënatënquëma shaꞌhuitëranquëmaꞌ: ‘Canpitaso co piyapinëhuëpitanquëmahuëꞌ,’ itëranquëmaꞌ. Naporoso nipirinhuëꞌ: ‘Canpitaso huiꞌnahuëpitanquëmaꞌ. Caso Yosëco nanpito napotaranquëmaꞌ,’ itaranquëmaꞌ.

Marcos 11:24

Napoaton Yosë nontatomaꞌ maꞌsona nipatamaꞌ, natëcoꞌ. “Tëhuënchachin Yosë catahuarinco,” topatamaꞌ, catahuaarinquëmaꞌ tënahuë.

2 Corintios 6:18

Tataparinquëma pochachin noya nosoroaranquëmaꞌ. Huiꞌnahuëpita pochin cancantëranquëmaꞌ, itërinpoaꞌ Tata Yosë. Chini chiníquën nanantaton, yaꞌipiya huaꞌanëntërin,” tënin quiricanënquë.

Efesios 2:10

Yosë anoyacancantërinpoaꞌ. Anoyacancantahuatonpoaꞌ, acorinpoaꞌ nóya nicacaso marëꞌ. Quisocristo catahuahuachinpoaꞌ, noya nisarëhuaꞌ. Iráca quëran huarëꞌ yonquirinpoaꞌ ina pochin nicacasoꞌ. Ina marëꞌ nichaꞌërinpoaꞌ.

Josué 10:12

Sinioro nohuanton israiroꞌsari amororoꞌsa canapi. Naporo tahuëri chachin Cosoi Yosë nontërin. Sontaronënpita natantonënquë Sinioro nontaton, tapon: “Piꞌi, Capaon ninanoquë tachitëquëꞌ. Quëmanta yoqui, Acaron motopianaquë tachitëquëꞌ,” itërin.

Jueces 16:23

Aꞌna tahuëri huiristino huaꞌanoꞌsa niyontonpi. Sanson canapiso yonquiatonaꞌ, capa cancantacaiso marëꞌ niyontonpi. Naporahuaton, mamanshinëna Tacon itopisoꞌ chinotacaiso marëꞌ maꞌsharoꞌsa tëparapi. Capa cancantatona iso pochin cantarapi: “Sansonsoꞌ inimiconënpoa nipirinhuëꞌ. Mamanshinënpoa catahuarinpoa niꞌton, ina canarëhuaꞌ,” tosápi.