Isaías 44:9 - Chayahuita (Shahui)

⁹ Mamanshi ninaꞌpiroꞌsasoꞌ, co maꞌmarë tëranta paꞌtopihuëꞌ. Mamanshi nipachinara paꞌyatopi. Paꞌyatopirinahuëꞌ inahuanta co maꞌmarë tëranta paꞌtopihuëꞌ. Somaraya pochin cancantopisopita ina chinotopi. Apiroꞌsa nipisopita napopisoꞌ. Napopiso marëꞌ tapanacaisoꞌ yaꞌhuëapon.

Isaías 44:9 ပူးပေါင်းရင်းမြစ်များ

2 Reyes 19:18

Mamanshinënapitantaꞌ, pënquë aꞌpëraꞌpiapi. Inapitasoꞌ co Yosëhuë niꞌton, napotopi. Piyapiꞌsari naꞌpi quëran, nontë quëran, inaranpita nipi niꞌton, napotëraꞌpiapi.

Salmos 115:4

Inpioroꞌsasoꞌ, oro quëran mamanshiroꞌsa nipi. Prata quëraonta nipi. Inaora imirina quëran nicatonaꞌ, moshapi.

Salmos 115:8

Ina ninaꞌpiroꞌsantaꞌ, mamanshiroꞌsa pochin niconpi. Ina moshapisopitantaꞌ, inapita pochachin niconpi.

Isaías 41:24

Napotopiranquëmahuëꞌ, canpitaso co máquëmahuëꞌ. ¡Co manta nicacasoꞌ nanitaparamahuëꞌ! Chinotiinëmaso marëꞌ huayoninquëmasopitasoꞌ, apiroꞌsa niꞌton, napopi.

Isaías 41:29

¡Yaꞌipi mamanshiroꞌsasoꞌ co máquënhuëꞌ! Co manta nicacaisoꞌ nanitopihuëꞌ. Capanantë mamanshiroꞌsa niconpi,” itërin.

Isaías 42:17

Mamanshi chinotatonaꞌ: ‘Canpitaso yosënëhuënquëmaꞌ,’ topisopitaso nipirinhuëꞌ, tapanatona taꞌananpiponaco,” tënin.

Isaías 42:18

Israiroꞌsa pënënaton Siniorori napotërin: “Canpitaso nëꞌhuëya pochinquëma nipomarahuëꞌ, natancoꞌ. Canpitaso somaraya pochinquëma nipomarahuëꞌ, noya niꞌcoꞌ.

Isaías 43:8

Piyapinëhuëpitaso yaꞌpirahuanaponaraihuëꞌ, somaraya pochin cancantopi. Huëratëhuanaponaraihuëꞌ, nëꞌhuërinso pochin cancantopi. Ina pochin nipirinahuëꞌ, quëantacoꞌ.

Isaías 43:9

Yaꞌipi nacionquë yaꞌhuëramasopita niyontoncoꞌ. Nisha nisha piyapiroꞌsanquëma niyontonatomaꞌ, shaꞌhuicoꞌ: ¡Co insonquëma tëranta aꞌna tahuëri maꞌsona onpocasoꞌ, shaꞌhuichinamahuëꞌ! Iracanta naporinsopita, co insonta inapocaso shaꞌhuichininhuëꞌ. Co noꞌtëquën nonahuë nipachinsoꞌ, niꞌpisopitari noꞌtëquën shaꞌhuiinaꞌ,’ itarahuë.

Isaías 44:11

Ina moshapisopitasoꞌ, taparo nisapi. Ina ninaꞌpiroꞌsantaꞌ, topinan piyapiroꞌsaꞌ. Napopináchin huëꞌsahuatonaꞌ, napopisoꞌ coisëquë shaꞌhuipi naporini, paꞌpi tapanatona paꞌyaintonahuëꞌ.

Isaías 44:18

Napopisopita napoonpi. Co manta yonquipihuëꞌ. Somaraya pochin cancantatona co nanitopihuëꞌ noꞌtëquën yonquicaisoꞌ.

Isaías 44:20

Napoatonaꞌ, inapitaso huariano caꞌpiso pochin nisapi. Nonpi nanan imatona napopi. Inapitasoꞌ co onporonta chaꞌësapihuëꞌ. Co nanitapihuëꞌ: “Iso mamanshisoꞌ, topinan quëran mosharahuë,” taꞌcaisoꞌ.

Isaías 45:16

Yaꞌipi mamanshi ninaꞌpiroꞌsasoꞌ, taparo nicaponaꞌ. Mamanshinënari co catahuarinhuë niꞌton, naní quëran tëhuayataponaꞌ.

Isaías 45:20

Naquëranchin Sinioro nontaantarinpoaꞌ: “Canpitaso taꞌhuantamaso nipirinhuëꞌ, chaꞌëramasopita huëcatoma niyontonco shaꞌhuichinquëmaꞌ. Naꞌa piyapi yaꞌhuërin co manta yonquipisohuëꞌ. Inapitasoꞌ nara quëran mamanshi nipiso pitënahuatona ichiconipi. Inapitasoꞌ co piꞌpian tëranta nichaꞌëcasoꞌ nanitopihuëꞌ. Napopirinahuëꞌ, ina chinotatona nontopi.

Jeremías 14:22

Inpioroꞌsasoꞌ, nisha nisha mamanshiroꞌsa moshapi. Co inapita nohuanton oꞌnaninhuëꞌ. ¡Co piꞌiroꞌtë tëranta nohuanton oꞌnaninhuëꞌ! Quëma Sinioro Yosënëhuëinquën niꞌton, oꞌnan aꞌpaimaran. Quëma nohuanton yaꞌipi inapita yaꞌhuërin. Napoaton quëmasáchin ninarainquën, itërahuë.

Jeremías 2:11

¡Co inso nacionquë tërantaꞌ, yosënëna aꞌporahuatonaꞌ, aꞌna chinotaantapihuëꞌ! Inapitasoꞌ nonpin yosëroꞌsa imaponaraihuëꞌ, ¡co onporonta inapochinpihuëꞌ! Piyapinëhuëpitaso nipirinhuëꞌ, aꞌporinaco. Noya noya nipirahuëꞌ, mamanshiroꞌsa co manta catahuatopisopitahuëꞌ, imacaiso marëꞌ aꞌporinaco.

Jeremías 2:26

Ihuatë quënayatohuachinara, tapanin. Inapochachin israiroꞌsantaꞌ, tapanaponaꞌ. Topinan piyapiroꞌsaꞌ, copirnonënapita, huaꞌanoꞌsaꞌ, corto huaꞌanoꞌsaꞌ, pënëntonaꞌpiroꞌsaꞌ, inapita napoaponaꞌ.

Daniel 5:23

Yosë tëꞌhuataton natëcaso nipirinhuëꞌ, nocanatë pochin ninan. Inapoaton minëroꞌsa ina pëinën quëran quëpiso amatohuatana, quëshirinën. Quëpachinara, inaquë përaransopita huino ichioꞌoran. Naporahuaton mamanshinënpita oro quëran nipisoꞌ, mosharan. Prata, shaꞌpi huaꞌna, huaꞌnamia, nara, naꞌpi, inapita quëran nipisontaꞌ, mosharan. Inapitaso co máquënoꞌsahuë niꞌtonaꞌ, co quënantopihuëꞌ, co natantopihuëꞌ, co manta nitotopihuëꞌ, napopi. Napopirinahuëꞌ, inapitaso chinotëran. Yosëso ananpirinquën. Ina nohuantohuachin maꞌpitaso yonquiranso ninan. Inaso napopirinhuëꞌ, co chinotëranhuëꞌ.

Romanos 1:22

“Yaꞌipiya nitotërai,” topirinahuëꞌ, co noya yonquipihuëꞌ.

1 Corintios 8:4

Nosha mamanshi chinotacaiso marëꞌ acopisoꞌ aꞌchinchinquëmaꞌ nitotocoꞌ. Co mamanshi nanpirinhuëꞌ. Co ina chinotacasoꞌ yaꞌhuërinhuëꞌ. Tata Yosëíchin chinotacasoꞌ yaꞌhuërin, tënëhuaꞌ.

2 Corintios 4:4

Sopai nohuanton, co nanitopihuëꞌ noꞌtëquën yonquicaisoꞌ. Maꞌsha aꞌpintërëso pochin nanamën quëran Yosë anitotërinpoaꞌ Quisocristo nohuitacaso marëꞌ. Inasoꞌ Yosë chachin ninin. Inapitaso nipirinhuëꞌ somaraya pochin cancantatonaꞌ, co nanitopihuëꞌ natëtacaisoꞌ.

Efesios 5:8

Iráca tashi pochin cancantopiramahuëꞌ, iporasoꞌ Yosë imaramaꞌ niꞌton, anoyacantërinquëmaꞌ tahuëri pochin nicacamaso marëꞌ. Napoaton tahuëri pochin nicoꞌ.

Deuteronomio 4:28

Inaquë quëpahuachinënquëmaꞌ, nisha nisha mamanshiroꞌsa piyapiꞌsari nipisoꞌ moshaaramaꞌ. Aꞌnaquën nara quëran, aꞌnaquënso naꞌpi quëran nipi niꞌton, co manta quënantopihuëꞌ, co natantopihuëꞌ, co coshatopihuëꞌ, co niipihuëꞌ. Napoaponahuëꞌ, canpitaso moshatapataramaꞌ.