Isaías 44:22 - Chayahuita (Shahui)

²² Tëhuëtatomaco oshahuanamasopita inquitëranquëmaꞌ. Chitoro inquirinso pochin inapita ayatërahuë. Carima nichaꞌëranquëma niꞌton, ca chachin tahuërëtaantaco,” tënin.

Isaías 44:22 ပူးပေါင်းရင်းမြစ်များ

Nehemías 4:5

Co noyahuëꞌ cancantopiso marëꞌ ama nichaꞌëquësohuëꞌ. Oshahuanpiso yonquiráquëꞌ. Paira nicasocoi noꞌhuiatërinacoi niꞌton, inapotëquëꞌ,” itërahuë.

Salmos 103:12

Piꞌi pipirin quëran, yaꞌconinquë huarëꞌ áquë tënëhuaꞌ. Ina quëran áquë áquë pochin Yosëso oshanënpoa inquitatonpoaꞌ, naniantërin.

Salmos 130:8

Canpoasoꞌ ina piyapinënpoa niꞌton, yaꞌipi co noyahuëꞌ ninëhuasopita, inquitarinpoaꞌ.

Salmos 51:1

Quëmasoꞌ Sinioro noyanquën niꞌton, nosoroco. Nosoromiatatonco oshanëhuë inquitoco.

Salmos 51:9

Oshahuanpirahuëꞌ, ama huachi ina yonquiquësohuëꞌ. Yaꞌipi co noyahuëꞌ ninahuësoꞌ, inquitoco.

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Isaías 1:27

Quirosarinquë yaꞌhuëpisopita casáchin tahuërëtaantahuachinaco, nichaꞌësarahuë. Caso noyaco niꞌto, napotarahuë.

Isaías 31:6

Israiroꞌsanquëmaꞌ. Canpitaso co natëtomacohuëꞌ, naꞌcon tëhuëtëramaco. Inapotopiramacohuëꞌ, huëco casáchin natëantaco.

Isaías 33:24

Quirosarinquë yaꞌhuëpisopitasoꞌ, Siniorori oshanëna inquitarin niꞌton, co huachi aꞌnaya tërantaꞌ, “caniorahuë casoꞌ,” tëcaponahuëꞌ.

Isaías 41:14

Canpitaso israiroꞌsanquëmaꞌ, co naꞌashanquëmahuëꞌ. Chaꞌcho co chinirinsohuë pochin nipiramahuëꞌ, carima chachin catahuaranquëmaꞌ. Caso Yosëco noyasáchin ninahuë niꞌton, chinotëramaco. Carinquëma nichaꞌësaranquëmaꞌ.

Isaías 43:1

Israiroꞌsanquëmaꞌ, nininquëmasoꞌ nontarinquëma natancoꞌ. Canpitaso Cacopo shinpitanquëma niꞌtomaꞌ, noya natancoꞌ: “Carinquëma nichaꞌëranquëma niꞌton, ama tëꞌhuacosohuëꞌ. Carima nininëma quëran përaranquëma niꞌton, huaꞌanëntëranquëmaꞌ.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Isaías 52:9

Quirosarin ninanoquë yaꞌhuëantaramasopita, capa cancantatoma cantaco huachi. Sinioro ayontoantarinquëma niꞌton, inapocoꞌ. Nichaꞌërinquëma niꞌton, inapocoꞌ.

Isaías 55:7

Co noyahuëꞌ nipisopita, co noyahuëꞌ nipisoꞌ aꞌpoinaꞌ. Nitapicancanpisopitantaꞌ, co noyahuëꞌ yonquipisoꞌ aꞌpoinaꞌ. Yosë chachin tahuërëtaantatomaꞌ, natëantacoꞌ. Inaso noya niꞌton, oshanëma inquitarinquëmaꞌ.

Jeremías 18:23

Quëmaso napoaponahuëꞌ, yaꞌipi yonquirapirinacoso nitotëran. Tëpainacoso marëꞌ napopisontaꞌ, nitotëran. Co noyahuëꞌ nipi niꞌton, ama nichaꞌëquësohuëꞌ. Oshanënanta ama naniantëquësohuëꞌ. ¡Noya noꞌhuitahuaton, anaꞌintomiatëquëꞌ. Iꞌparëso pochin nicatona copichinaꞌ!” itërahuë.

Miqueas 7:18

Siniorosoꞌ noya niꞌton, ina nontato: “¡Quëmaíchin Yosënquën. Co aꞌna quëma pochin yaꞌhuërinhuëꞌ! Piyapiꞌsa co noyahuëꞌ nipirinahuëꞌ, oshanëna marëꞌ sëtatona nontërinën niꞌton, nichaꞌëran. Caraya israiroꞌsacoi quëparitëraisopita, co natantochináchinhuëꞌ cancantatoi tëhuëtërainquën. Inapopiraihuëꞌ nontërainquën niꞌton, tëhuëtërainquënsoꞌ naniantëran. Noꞌhuípiro nipiraihuëꞌ nosororancoi niꞌton, noꞌhuitëransoꞌ asanoran. Inapoaton catahuantarancoi.

1 Corintios 6:20

Quisocristo chiníquën parisitaton, chiminin nichaꞌëinpoaso marëꞌ. Nichaꞌërinpoaꞌ niꞌton, yaꞌipi nonënpoa quëran huarëꞌ huaꞌanëntinpoasoꞌ yaꞌhuërin. Napoaton noyasáchin nicoꞌ aꞌnapitantaꞌ nicatënënquëmaꞌ Yosë chinochinaꞌ.

Deuteronomio 32:43

Cantarinso tiquiapon pochin Moisësësoꞌ taantarin: “Canpitanta nisha nisha nacionoꞌsaquë yaꞌhuëramasopita, israiroꞌsarëꞌquëma capa cancantocoꞌ. Piyapinënpita tëpahuachinaꞌ, Siniorori noꞌtëquën iꞌhuërëtarin. Huaꞌanën niꞌton napotarin. Yaꞌipi inimiconënpita anaꞌintaton iꞌhuërëtarin. Israiroꞌsa oshanën inquitahuaton, noꞌpanëntaꞌ, tapararin,” tënin Moisësë cantaton.