Isaías 44:16 - Chayahuita (Shahui)

¹⁶ Ina nara chachin aꞌpërinquë, nosha cancatërinso anpiaton caꞌnin. Nani caꞌpachina natërin. Naporahuaton napëntërarin quëran tapon: “Ma noyacha pënso paya. Nani huënocatarahuë,” tënin.

Isaías 44:16 ပူးပေါင်းရင်းမြစ်များ

Copo naporinso' 39:14

Inotëroquë huairahuaton patërin. Piꞌiri piꞌcahuachina huaꞌhuin taranin huachi.

Isaías 44:15

Aꞌnëhuachinara, napopinchin pëiquë quëpatona aꞌpëpi. Aꞌpëhuachinara napëntopi. Inaquë chachin paonta anpipi. Inapotápirinahuëꞌ, napopinchin masahuatona yosëroꞌsa nonanpi. Nani tënihuachinara, moshacaiso marëꞌ isonahuatonaꞌ, noꞌpaquë huarëꞌ monshomapi.

Isaías 44:17

Ina yaꞌsorin quëran chachin mamanshi niantarin. Nani nipachina, isonahuaton noꞌpaquë huarëꞌ monshorin quëran mosharin. Paꞌpi nohuantaton itapon: “Quëmaso yosënëhuënquën niꞌton, nichaꞌëco,” itërin.