Isaías 44:10 - Chayahuita (Shahui)

¹⁰ Huaꞌna asoquirahuatona mamanshi nipachinara, topinan quëran napoapi. Inasoꞌ yosë pochin chinotopirinahuëꞌ, co catahuaponhuëꞌ.

Isaías 44:10 ပူးပေါင်းရင်းမြစ်များ

1 Reyes 12:28

Inapo yonquirinso huaꞌanoꞌsa shaꞌhuitërin. Inapitarë nonsahuaton, cato toroaꞌhua oro quëran anitërin. Tënihuachinara israiroꞌsa itapon: “Canpoaso israiroꞌsanpoaꞌ, nani naꞌaro Quirosarinquë paꞌnëhuaꞌ. Maꞌtana yosënënpoapita. Isopita mini Iquipito quëran ocoirinpoaꞌ,” itërin.

Salmos 115:4

Inpioroꞌsasoꞌ, oro quëran mamanshiroꞌsa nipi. Prata quëraonta nipi. Inaora imirina quëran nicatonaꞌ, moshapi.

Isaías 41:29

¡Yaꞌipi mamanshiroꞌsasoꞌ co máquënhuëꞌ! Co manta nicacaisoꞌ nanitopihuëꞌ. Capanantë mamanshiroꞌsa niconpi,” itërin.

Isaías 45:20

Naquëranchin Sinioro nontaantarinpoaꞌ: “Canpitaso taꞌhuantamaso nipirinhuëꞌ, chaꞌëramasopita huëcatoma niyontonco shaꞌhuichinquëmaꞌ. Naꞌa piyapi yaꞌhuërin co manta yonquipisohuëꞌ. Inapitasoꞌ nara quëran mamanshi nipiso pitënahuatona ichiconipi. Inapitasoꞌ co piꞌpian tëranta nichaꞌëcasoꞌ nanitopihuëꞌ. Napopirinahuëꞌ, ina chinotatona nontopi.

Daniel 3:1

Ina piquëran Napocotono copirnosoꞌ, aꞌnara mamanshi oro quëran anitërin. Inasoꞌ, cara shonca mitro naporopitahuaton, cara mitro pancanatërin. Nani tënihuachinara, Tora itopisoꞌ noya roꞌtëquë acocaiso camaitërin. Ina noya roꞌtësoꞌ, Papironia propinciaquë chachin yaꞌhuërin.

Habacuc 2:18

Aꞌnaquën naꞌpi quëranhuë nipon, nara quëranhuë nipon patëtahuatonaꞌ, mamanshi tënipi. ¡Tënipirinahuëꞌ, inaso co maꞌmarë tëranta paꞌtërinhuëꞌ! Aꞌnaquëonta mamanshinën nontaton: ‘Quëmaso yosënëhuënquën,’ itërin. ¡Napotohuachina, nonpiánin inasoꞌ! Mamanshiroꞌsasoꞌ, co nonacaso tëranta nanitopihuëꞌ. Napoaton ina ninaꞌpiroꞌsasoꞌ, ¡co inapita natëcaiso yaꞌhuërinhuëꞌ!

Hechos 19:26

Paonoso nipirinhuëꞌ isëquë huëcaton, pënëntarin. ‘Aꞌnaíchin Yosë yaꞌhuërin. Piyapiꞌsari nipisoꞌ co inasoꞌ Yosëhuëꞌ,’ tosarin, natanamaꞌ canpitantaꞌ. Yaꞌipi Asia partintaꞌ nahuinin. Naꞌa piyapiꞌsaꞌ natanahuatonaꞌ, natëpi. Natëtonaꞌ, mamanshi aꞌpopi.

1 Corintios 8:4

Nosha mamanshi chinotacaiso marëꞌ acopisoꞌ aꞌchinchinquëmaꞌ nitotocoꞌ. Co mamanshi nanpirinhuëꞌ. Co ina chinotacasoꞌ yaꞌhuërinhuëꞌ. Tata Yosëíchin chinotacasoꞌ yaꞌhuërin, tënëhuaꞌ.