Isaías 43:9 - Chayahuita (Shahui)

⁹ Yaꞌipi nacionquë yaꞌhuëramasopita niyontoncoꞌ. Nisha nisha piyapiroꞌsanquëma niyontonatomaꞌ, shaꞌhuicoꞌ: ¡Co insonquëma tëranta aꞌna tahuëri maꞌsona onpocasoꞌ, shaꞌhuichinamahuëꞌ! Iracanta naporinsopita, co insonta inapocaso shaꞌhuichininhuëꞌ. Co noꞌtëquën nonahuë nipachinsoꞌ, niꞌpisopitari noꞌtëquën shaꞌhuiinaꞌ,’ itarahuë.

Isaías 43:9 ပူးပေါင်းရင်းမြစ်များ

Isaías 41:1

Naquëranchin Sinioro taantarin: “Marë yonsanquë nacionoꞌsa yaꞌhuëramasopita, taꞌtatoma nontaranquëmasoꞌ natancoꞌ. Chiníquën cancantatoma huëco noanhuaꞌ. Chiníquën nanan yaꞌhuërin niꞌton, niyontonatëhua noanhuaꞌ.

Isaías 43:26

Tëhuëtëranquëma nipachinsoꞌ, anoyatahuaꞌ. Canpitanta shaꞌhuicoꞌ, tapona co manta tëhuëápiramahuëꞌ.

Isaías 44:6

Siniorosoꞌ yaꞌipi nanitaparin. Inasoꞌ, israiroꞌsa nichaꞌësahuaton huaꞌanëntërin. Ina nontatënquëma naporin: “Coꞌhuara isoroꞌpaꞌ yaꞌhuëyátërasohuëꞌ, caꞌton yaꞌhuërahuë. Nani maꞌsha yaꞌhuërinsopita taꞌhuantopiriontaꞌ, caso yaꞌhuëápo. Casáchin Yosëco.

Isaías 46:10

Tahuëri caniaritërin quëran huarëꞌ taꞌhuantacaisoꞌ shaꞌhuitërahuë. Aꞌna tahuëri maꞌsona onpocaisoꞌ iráca quëran huarëꞌ shaꞌhuitërahuëꞌ. Maꞌpitasona nicaꞌhuasoꞌ yonquihuatora, ina inachachin nisarin. Maꞌsona nicaꞌhuasoꞌ yonquirahuësopita, nisarahuë.

Joel 3:11

Yaꞌipi nacionoꞌsanquëma Cota huënton yaꞌyoranamasopita, manorahuatoma ahuëtamaso marëꞌ huëcoꞌ. Sano piyapiroꞌsa quëran huarëꞌ ahuëtonaꞌpi taraꞌin.