Isaías 43:25 - Chayahuita (Shahui)

²⁵ Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Isaías 43:25 ပူးပေါင်းရင်းမြစ်များ

Salmos 103:12

Piꞌi pipirin quëran, yaꞌconinquë huarëꞌ áquë tënëhuaꞌ. Ina quëran áquë áquë pochin Yosëso oshanënpoa inquitatonpoaꞌ, naniantërin.

Salmos 103:3

Yaꞌipi co noyahuëꞌ ninahuësoꞌ inquitërinco. Yaꞌipi caniorahuësontaꞌ, anoyatërinco.

Salmos 51:3

Iꞌhua tëhuënchachin co noyahuëꞌ ninahuë. Oshahuanahuësoꞌ yonquiato, co napion cancantërahuë.

Salmos 51:4

Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Salmos 51:9

Oshahuanpirahuëꞌ, ama huachi ina yonquiquësohuëꞌ. Yaꞌipi co noyahuëꞌ ninahuësoꞌ, inquitoco.

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Isaías 43:11

Casáchin Yosëco. Casáchin nanitërahuë nichaꞌëtaꞌhuasoꞌ,” itërinquëmaꞌ.

Isaías 44:22

Tëhuëtatomaco oshahuanamasopita inquitëranquëmaꞌ. Chitoro inquirinso pochin inapita ayatërahuë. Carima nichaꞌëranquëma niꞌton, ca chachin tahuërëtaantaco,” tënin.

Isaías 55:7

Co noyahuëꞌ nipisopita, co noyahuëꞌ nipisoꞌ aꞌpoinaꞌ. Nitapicancanpisopitantaꞌ, co noyahuëꞌ yonquipisoꞌ aꞌpoinaꞌ. Yosë chachin tahuërëtaantatomaꞌ, natëantacoꞌ. Inaso noya niꞌton, oshanëma inquitarinquëmaꞌ.

Isaías 64:8

Napopiraihuëꞌ, quëmaso Sinioro tatahuëi pochin ninan. Quiyaso tëshiroꞌpa pochin ninai. Quëmaso tëshitonaꞌpi pochin ninan. ¡Quëmasáchin yaꞌipicoi ninancoi!

Isaías 64:9

Sinioro ama huachi aquëtë noꞌhuitëquësohuëꞌ. Paꞌpi co noyahuëꞌ ninaisoꞌ, ama yonquiráquësohuëꞌ. ¡Piyapinënpitacoi niꞌton, ama naniantocoisohuëꞌ!

Jeremías 31:34

Co huachi insonta aꞌnapita aꞌchintaponhuëꞌ. Co iin nontaton: ‘Sinioro nohuitëquëꞌ,’ co itaponhuëꞌ. Yaꞌipiya quëran nohuitarinaco. Huaꞌhuishinoꞌsa quëran mashoroꞌsaquë huarëꞌ nohuitarinaco niꞌton, co huachi niaꞌchintaponahuëꞌ. Inapitasoꞌ co noyahuëꞌ nicatona oshahuanpirinahuëꞌ, oshanëna inquitato nanan anoyatarahuë. Ca Sinioroco shaꞌhuitaranquëmaꞌ,” tënin.

Ezequiel 18:22

Iꞌhua paꞌpi co noyahuëꞌ nipirinhuëꞌ, yaꞌipi naporinso naniantarahuë. Noya nisarin niꞌton, ina marëꞌ nanpipon.

Ezequiel 33:16

Iporasoꞌ noyasáchin nicaton noꞌtëquën yonquirin niꞌquëhuarëꞌ, nanpipon. Iꞌhua co noyahuëꞌ nicaton oshahuaninsoꞌ, co huachi piꞌpian tëranta yonquiapohuëꞌ.

Ezequiel 36:22

Napoaton Siniorosoꞌ israiroꞌsa nontaꞌhuasoꞌ camairinco: “Sinioro naporin: ‘Canpitasoꞌ co nichaꞌëahuanquëmasoꞌ inashitëramahuëꞌ. Napoaponahuëꞌ, canpita naꞌin quëran nisha nisha parti quëparinëmaquë, piyapiꞌsa naponin yonquirapirinaco. Inapoatona tëhuarinaco. Napoaton napopisoꞌ acopitaꞌhuaso marëꞌ nichaꞌësaranquëmaꞌ. Inapotohuatënquëmaꞌ, nisha nisha piyapiꞌsasoꞌ Sinioroco niꞌto, chiníquën nanantërahuëso nitotapi: “Israiroꞌsasoꞌ, noꞌtën Yosë chachin chinotopi,” tëcaponaꞌ. Ca Sinioroco niꞌto, shaꞌhuitëranquëmaso chachin nisarahuë.

Ezequiel 36:32

Ama ninonpintocosohuëꞌ. Co canpita noya ninamaso marëꞌ ina pochin acoaranquëmahuëꞌ. Canpitaso co noyahuëꞌ ninama niꞌton, tapanamaso yaꞌhuërin.

Marcos 2:7

“¿Ma quëmapitaꞌ isosoꞌ Yosë yayaꞌhuërëtërin? Co ínsontaꞌ nanitërinhuëꞌ oshanënpoaꞌ inquitinpoasoꞌ. Yosëíchin nanitërinsoꞌ,” topi yonquiatonaꞌ.

Lucas 5:21

Ina natanahuatonaꞌ, cotio maistroꞌsaꞌ, parisioroꞌsaꞌ, inapita yonquipi. “¿Ma quëmapitaꞌ isosoꞌ? Yosë yayaꞌhuërëtërin. Co insontaꞌ nanitërinhuëꞌ oshanënpoaꞌ inquitinpoasoꞌ. Yosëíchin nanitërinsoꞌ,” topi yonquiatonaꞌ.

Hechos 3:19

Napoaton iyaroꞌsaꞌ yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ.

Romanos 5:20

Iráca Moisësë pënëntërin oshahuanëhuasoꞌ anitotinpoaso marëꞌ. Ina quëran naꞌcon oshahuanëhuasoꞌ nitotërëhuaꞌ. Naꞌcon oshahuanpirëhuahuëꞌ, inaora nohuanton, Yosë naꞌcon naꞌcon nosororinpoaꞌ.

Efesios 1:6

Huiꞌnin naꞌcon nosororin. Ina imapatëhuaꞌ, canpoantaꞌ naꞌcon nosoroarinpoaꞌ. Ina yonquiatëhuaꞌ, “Ma noyacha Tata Yosësoꞌ niꞌton, inaora nohuanton, nosororinpoa paya,” tosarëhuaꞌ.

Efesios 1:8

Nosoroatonpoaꞌ, naꞌcon catahuarinpoaꞌ noꞌtëquën yonquicaso marëꞌ. Yonquinën chachin anitotërinpoaꞌ.

Hebreos 10:17

Co huachi oshanënaꞌ yonquiarahuëꞌ. Yaꞌipi co noyahuëꞌ nipisopita naniantarahuë,” tënin.

Hebreos 8:12

Naꞌcon nosoroato, yaꞌipi co noyahuëꞌ yonquipisopita inquitarahuë. Co huachi oshanënaꞌ yonquiarahuë,” tënin Yosë.