Isaías 43:21 - Chayahuita (Shahui)

²¹ Piyapinëhuëpitasoꞌ, chinotiinacoso marëꞌ cari acorahuë.

Isaías 43:21 ပူးပေါင်းရင်းမြစ်များ

Isaías 42:12

“¡Ma noyacha Sinioroso paya!” taꞌtonaꞌ, Marë yonsanquë yaꞌhuëpisopita ina chinochinaꞌ.

Isaías 43:1

Israiroꞌsanquëmaꞌ, nininquëmasoꞌ nontarinquëma natancoꞌ. Canpitaso Cacopo shinpitanquëma niꞌtomaꞌ, noya natancoꞌ: “Carinquëma nichaꞌëranquëma niꞌton, ama tëꞌhuacosohuëꞌ. Carima nininëma quëran përaranquëma niꞌton, huaꞌanëntëranquëmaꞌ.

Isaías 50:7

Sinioro catahuarinco niꞌton, noꞌhuipirinacohuëꞌ, co manta tënahuëꞌ. ‘Co atapanarinacohuëꞌ,’ taꞌto chiníquën cancantërahuë.

Isaías 60:21

Yaꞌipi inaquë yaꞌhuëramasopita, noya nicatënëmaꞌ, natëponëmaꞌ. Noꞌpanëma huaꞌanëntomiataramaꞌ. Shanëhuë, papoyantërinso pochin nisaramaꞌ. Chini chiníquën nanantërahuësoꞌ aꞌnocaꞌhuaso marëꞌ carima noya noya acoaranquëmaꞌ.

Isaías 61:3

Quirosarinquë yaꞌhuëpisopita canapi niꞌton sëtápirinahuëꞌ, inahua yaꞌhuërëꞌ canatohuachinaꞌ, yancotë yancopiso pochin acoarahuë. Naꞌnërápirinahuëꞌ, noya acancantaantarahuë. Co napion ancantápirinahuëꞌ, catahuarahuë niꞌton, Sinioro chinotatona cantaponaꞌ. Nisha nisha piyapiꞌsari: ‘Ma noyacha Siniorosoꞌ nanitapaton, piyapinënpita shacatë pochin nitërin. Noyanpinanyanchin nopri nararoꞌsa pochin acorin,’ taꞌcaiso marëꞌ ina pochin catahuapo.

Malaquías 3:17

Inapita yonquiaton Sinioro tapon: “Inapitaso noya yonquirinaco niꞌton, noya nicato piyapinëhuëpita pochachin niantarahuë. Anaꞌintaꞌhuaso tahuëri nanihuachin, inapitaso noya noya nicato, nichaꞌësarahuë. Huiꞌnini noya natëhuachin, paꞌpini nosororinso pochachin inapitantaꞌ, nosoroarahuë.

1 Corintios 10:31

Maꞌsona tërantaꞌ nipatamaꞌ, Yosë yonquiatomaꞌ, noya nicoꞌ aꞌnapitantaꞌ Yosë noya yonquicaiso marëꞌ. Napoaton coshatohuatamaꞌ, oꞌopatamaꞌ, maꞌsona tërantaꞌ nipatamaꞌ, ina yonquicoꞌ.

Efesios 3:21

“Ma noyacha Tata Yosëso paya,” itahuaꞌ. Quisocristo noya imapatëhuaꞌ, aꞌnapitantaꞌ nicatënënpoaꞌ, Yosë yonquiapi. Yaꞌipi piyapiꞌsari ina chinochinaꞌ. Ama onporontaꞌ ina naniantahuasohuëꞌ. Ipora quëran huarëꞌ inasáchin yonquiaꞌahuaꞌ. Amen.

Colosenses 1:16

Yosë nohuanton, inarë chachin yaꞌipi maꞌsha ninin. Inápaquë yaꞌhuërinsopita, isoroꞌpaquë yaꞌhuërinsopita, inapita acorin. Aꞌnaquën quënanëꞌ. Aꞌnaquënso co quënanëhuëꞌ. Anquëniroꞌsaꞌ, inápaquë chiníquën nanantërinsopita, nisha nisha nininsopita, inapitantaꞌ ninin. Quisocristoíchin chinotacaiso marëꞌ yaꞌipiya yaꞌhuërin. Ina marëꞌ acorin.

Tito 2:14

Iráca canpoa marëꞌ chiminin oshanënpoaꞌ inquitinpoaso marëꞌ. Anoyacancantërinpoaꞌ piyapinënpita nicacaso marëꞌ. Huëntonënquë chachin yaꞌconpatëhuaꞌ, noya nicacasoráchin nohuantarihuaꞌ.

Hebreos 13:15

Napoaton iporasoꞌ co huachi maꞌsha tëparihuahuëꞌ Yosë chinotacaso marëꞌ. Nani tahuëri ina chinotatëhuaꞌ, “Ma noyanquëncha Tata Yosë quëmaso paya. Quisocristoíchin anoyacancantërincoi niꞌton, ‘Yosparinquën Sinioro,’ itërainquën,” itahuaꞌ.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.