Isaías 43:2 - Chayahuita (Shahui)

² Pëntoitamasoꞌ nipachin, carima aꞌpaiaranquëmaꞌ. Pancairoꞌsaquë tëranta pëntoitohuatamaꞌ, co paꞌitaramahuëꞌ. Pën tënëntarintaquëchin pëntonpatamaꞌ co huiquitaramahuëꞌ. Co pën tëranta ahuiquitarinquëmahuëꞌ.

Isaías 43:2 ပူးပေါင်းရင်းမြစ်များ

Copo naporinso' 5:19

Naquëranchin naquëranchin huëhuëpiro ninin quëran nichaꞌësarinquën. Ina nohuanton co nosorotáponhuëꞌ.

Salmos 23:4

Chiminchináchin nipirahuë tërantaꞌ, co manta tëꞌhuataꞌhuaso yaꞌhuërinhuëꞌ. Quëmasoꞌ Sinioro co patarancohuëꞌ. Ohuicaroꞌsasoꞌ, huaꞌanëni huaranën quëran paꞌpoyarin. Inapochachin canta noya niꞌsaranco niꞌton, chiníquën cancantarahuë.

Salmos 32:6

Inapotëranco niꞌton, imarinënquënsopita nontaponën. Yacatahuatëranso tahuëriꞌsa nontaponën. Paquiitërinso pochin maꞌsha onpocaso tahuëri nanipon. Napopirinhuëꞌ, imarinënquënsopitaso sano cancantaponaꞌ.

Salmos 66:10

Napoaton ina nontato: “Quëmasoꞌ Yosënëhuëinquën. Prata asoquirëso pochin tënirancoi.

Salmos 66:12

Tananpitërancoi niꞌton, apinapicharoꞌsanta toꞌpi toꞌpitatë pochin nitërinacoi. Pancaiꞌ apëntontërëso pochin nitatoncoi, aparisitërancoi. Naporahuaton pënquë poꞌmorëso pochin maꞌsha onpotërancoi. Napoaponahuëꞌ, napoin quëran noya noya acoantarancoi.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Éxodo 14:29

Israiroꞌsaso nipirinhuëꞌ, noya pëntonpi. Ahuënan quëran inchinan quëran iꞌ paira pochin ninin niꞌton, inataquëchin noya pëntonpi.

Éxodo 3:12

—Coꞌta carinquën catahuaranquën. Caꞌtanaranquën niꞌton natëco. Catahuaranquënso nitotamaso marëꞌ, noꞌtëquën shaꞌhuitaranquën. Israiroꞌsa ocoirahuaton, iso motopiquë chachin chinotaramaco, itërin.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 41:14

Canpitaso israiroꞌsanquëmaꞌ, co naꞌashanquëmahuëꞌ. Chaꞌcho co chinirinsohuë pochin nipiramahuëꞌ, carima chachin catahuaranquëmaꞌ. Caso Yosëco noyasáchin ninahuë niꞌton, chinotëramaco. Carinquëma nichaꞌësaranquëmaꞌ.

Isaías 43:5

Ama tëꞌhuacosohuëꞌ, carinquëma caꞌtanaranquëmaꞌ. Piꞌi pipirin parti quëran, yaꞌconin parti quëran, inaquëranpita yaꞌhuëramaquë chachin quëantaranquëmaꞌ.

Malaquías 4:1

Naquëranchin Sinioro shaꞌhuitaantarinpoaꞌ: “Caso Sinioroco yaꞌipi nanitapato shaꞌhuitaranquëmaꞌ: ‘Niꞌcoꞌ. Co huaꞌquiya quëranhuëꞌ, anaꞌintaꞌhuaso tahuëri naniarin. Ina tahuëri nanihuachin, ornoquë pën huënaratërinso pochin nisarin. Nocantopisopita, co noyahuëꞌ nipisopita, yaꞌipi inapita anaꞌintarahuë. Panca pënquë shinpitë aꞌnaroáchin huëyarinso pochin co noyahuëꞌ nipisopita anaꞌintarahuë.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

2 Timoteo 4:17

Taꞌananpipirinacohuëꞌ, Quisocristo catahuarinco. Co patërincohuëꞌ. Achinicancaninco niꞌton, inaquëntaꞌ yaꞌipi Yosë nanamën shaꞌhuirahuë. Nisha nisha piyapiꞌsaꞌ nani natanpi. Paꞌpiniꞌ yamaninposo pochin yatëpapirinacohuëꞌ, Yosë catahuarinco, chaꞌërahuë.

2 Timoteo 4:22

Sinioro Quisocristo achinicancainquën. Yaꞌipinquëmaꞌ imaramasopita inaora nohuanton, noya catahuainquëmaꞌ. Nani huachi. Paono

Hebreos 11:29

Ina quëran yaꞌipi israiroꞌsaꞌ Yosë natëtonaꞌ, noya pipipi. “Yosë catahuarinpoaꞌ,” taꞌtonaꞌ, Quëhuai marë aquëtëran paꞌpi. Pancaiꞌ niponahuëꞌ, Yosë nohuanton, aꞌnaroáchin nipatomairin niꞌton, panca ira pochin yaniro yaꞌnorin. Ina paꞌtatona pëntonpi. Iquipito sontaroꞌsaso nipirinhuëꞌ co nanitopihuëꞌ pëntonacaisoꞌ. Imatapirinahuëꞌ, iiri imotërin niꞌton, chimiitopi.

Josué 1:5

Nanpisënquën, co inso tëranta nanitarinhuëꞌ minsëinquënsoꞌ. Moisësë catahuarahuëso pochachin quëmanta catahuaranquën. Co naniantaranquënhuëꞌ. Co pataranquënhuëꞌ.

Josué 1:9

Carinquën camaiaranquën ama tëꞌhuatonhuëꞌ, chiníquën cancantacaso marëꞌ. Carinquën catahuaranquën. Insëquësona paꞌpatan caꞌtanaranquën. Napoaton ama paꞌyanquësohuëꞌ,” itërin Yosëri.