Isaías 43:18 - Chayahuita (Shahui)

¹⁸ Inari chachin piyapinënpita nontaton: “Ama huachi iráca naporahuësoꞌ yonquicosohuëꞌ.

Isaías 43:18 ပူးပေါင်းရင်းမြစ်များ

Isaías 46:9

Iráca quëran huarëꞌ nani maꞌsha onpopisoꞌ yonquicoꞌ. Casáchin Yosëco. ¡Co aꞌna ca pochin yaꞌhuërinhuëꞌ! Caso Yosëco. ¡Co insonta aꞌna ca pochin yaꞌhuërinhuëꞌ!

Isaías 65:17

Ina quëran Sinioro taantarin: “Niꞌquëꞌ. Aꞌna tahuëri nasha piꞌiroꞌtë acoarahuë. Isoroꞌpantaꞌ, nasha acoarahuë. Ipora yaꞌhuërinsopitasoꞌ, co huachi insonta yonquiaponhuëꞌ.

2 Corintios 3:10

Iráca Moisësë noya pënëntopirinhuëꞌ, iporasoꞌ noya noya yaꞌhuëtërinpoaꞌ.

2 Corintios 5:17

Quisocristo imapatëhuaꞌ, Yosë anoyacancantarinpoaꞌ. Nasha cancan yaꞌhuëtarinpoa huachi. Iráca yonquirëhuasopita naniantërëhuaꞌ. Nashamiachin pochin cancantatëhuaꞌ, noya noya yonquiarihua huachi.

Deuteronomio 7:18

Ama inapita yonquiatoma tëꞌhuacosohuëꞌ. Sinioronënpoasoꞌ Yosë niꞌton, Iquipito copirno piyapinënpitarë chachin co oshatarinhuëꞌ minsëapon. Ina yonquicoꞌ.

Deuteronomio 8:2

Catapini shonca piꞌi inotëro parti paꞌtasëmaꞌ, Sinioro nohuanton nisha nisha maꞌsha onporamaꞌ. Inapotatënquëmaꞌ, natëtochináchin cancantamaso marëꞌ napotërinquëmaꞌ. Onpopinsona cancantëramasoꞌ, nitotacaso marëꞌ tënirinquëmaꞌ. Naporahuaton: ‘¿Tëhuënchachin taꞌma natërëꞌponaco to?’ taꞌton napotërinquëmaꞌ. Inaso nipirinhuëꞌ, co patërinquëmahuëꞌ. Ama ina naniantocosohuëꞌ.