Isaías 43:17 - Chayahuita (Shahui)

¹⁷ Ina nohuanton panca sontaroꞌsa huënton ina paꞌtopi. Cahuarioroꞌsaꞌ, toronanoꞌsaꞌ, inapitarë chachin paꞌsapirinahuëꞌ, ataꞌhuantërin. Marë huancoanaiꞌ iiri imotohuachina, yaꞌipi taquiitopi. Nanparin tacopirinso pochin nipi.

Isaías 43:17 ပူးပေါင်းရင်းမြစ်များ

Salmos 118:12

Cancan pochin yamotopirinacohuëꞌ, nahuan huëyarapirinhuëꞌ tacopirinso pochin noꞌhuitopisoꞌ sano sanoapi. Sinioro chachin nanan quëtërinco niꞌton, inapita minsërahuë.

Éxodo 15:19

Iquipito copirnosoꞌ, sontaronënpitarë chachin, israiroꞌsa imarin. Aꞌnaquën toronanoꞌsaquë. Aꞌnaquëontaꞌ, cahuarioroꞌsaquë imarin. Imatona marëquë yaꞌconpi. Yaꞌconpachinara, Yosë nohuanton marë inachachin niantarin. Napoaton yaꞌipiya chimiitopi. Israiroꞌsaso nipirinhuëꞌ, noya pëntonpi. Yaniro paꞌtatonaꞌ, noya pëntonpi.

Éxodo 15:4

Toronanoꞌsaꞌ, copirno sontaronënpita, inapita marëri imotërin. Sontaro huaꞌanoꞌsanta chiníquën nanantopirinahuëꞌ, Quëhuai marëquë tiquiitërin.

Isaías 1:31

Chiníquënoꞌsanquëma nipomarahuëꞌ, shinpitë yanimë pochin nisaramaꞌ. Co noyahuëꞌ ninamasopitasoꞌ, pën noꞌhuitërinso pochin nisarin. Huëchinpitohuachina, naporo chachin huëyapoma huachi. Co incari tëranta atacopitaponhuëꞌ,’ tënahuë,” tënin.

Mateo 12:20

Aꞌnaquën piquira yanopantërinso pochin nicatonaꞌ, co huachi chiníquën cancantopihuëꞌ. Inapitasoꞌ achinicancanarin. Nanparin yatacopirinso pochin cancantatonaꞌ, piꞌpianchin Yosë shiaꞌpopi. Co inapitantaꞌ noꞌhuiarinhuëꞌ. Noꞌtëquën aꞌchintahuaton, naꞌa piyapiꞌsaꞌ anoyacancantarin. Inapotaton, sopai minsëarin huachi.

Jueces 4:16

Inapoaso Paracontaꞌ, sontaronënpitarë chachin inimico sontaroꞌsa imapi. Toronanoꞌsaquë paꞌnapiroꞌsanta Arosi-coimo ninanoquë huarëꞌ imapi. Naporo tahuëri Sisara sontaronënpita yaꞌipi tiquipi.