Isaías 43:16 - Chayahuita (Shahui)

¹⁶ Siniorosoꞌ, marëquënta ira aꞌparëso pochin ninin. Paꞌpi anpo nipirinhuëꞌ, naporin.

Isaías 43:16 ပူးပေါင်းရင်းမြစ်များ

Nehemías 9:11

Marë patomaihuatana, yanirotaquëchin piyapinënpita pëntonpi. Imaquipisopitaso nipirinhuëꞌ, anpoquë naꞌpi tëꞌyaitërëso pochin nitëran.

Éxodo 14:16

Quëmanta huaranën ihuëtaton, marë patomaiquëꞌ. Yaniro paꞌtatonaꞌ, piyapinëhuëpita pëntonacaiso marëꞌ inapotëquëꞌ.

Éxodo 14:29

Israiroꞌsaso nipirinhuëꞌ, noya pëntonpi. Ahuënan quëran inchinan quëran iꞌ paira pochin ninin niꞌton, inataquëchin noya pëntonpi.

Isaías 43:2

Pëntoitamasoꞌ nipachin, carima aꞌpaiaranquëmaꞌ. Pancairoꞌsaquë tëranta pëntoitohuatamaꞌ, co paꞌitaramahuëꞌ. Pën tënëntarintaquëchin pëntonpatamaꞌ co huiquitaramahuëꞌ. Co pën tëranta ahuiquitarinquëmahuëꞌ.

Isaías 44:27

Cariso marë camairahuë naporini, aꞌnaroáchin yaniitonhuëꞌ. Iroꞌsantaꞌ napoꞌitonhuëꞌ.

Jeremías 31:35

Siniorosoꞌ, yaꞌipi nanitaparin. Ina nohuanton piꞌisoꞌ, tahuëri aꞌpinin. Yoqui, tayora, inapitaso tashi aꞌpinin. Ina nohuanton marënta coꞌsacaitohuachina, tënëntërin. Ina Sinioro chachin naporin:

Apocalipsis 16:12

Ina quëran aꞌna anquënintaꞌ paꞌsahuaton, minëquë yaꞌhuërinsoꞌ panca iꞌquë tëꞌyaitërin, Iyopiratisiiꞌ itopiquë. Inaquë tëꞌyaitohuachina, pancaiꞌ niponahuëꞌ, huinquintomaton, yaniromarin. Copirnoroꞌsaꞌ noya pëntonacaiso marëꞌ yaniromarin. Piꞌi pipirin parti quëran huëꞌsapi quira nicacaiso marëꞌ.