Isaías 43:12 - Chayahuita (Shahui)

¹² Ina quëran Sinioro taantarin: “Iráca chachin nichaꞌëcaꞌhuanquëmasoꞌ anitotëranquëmaꞌ. Napoaton nichaꞌëranquëmaꞌ. Co aꞌna mamanshi tëranta ina pochin nininhuëꞌ. Canpita nani niꞌnamaco.

Isaías 43:12 ပူးပေါင်းရင်းမြစ်များ

Isaías 43:10

Israiroꞌsanquëmaso nipirinhuëꞌ, nani niꞌnamaco. Piyapinëhuëpita nicacamaso marëꞌ huayonatënquëma acoranquëmaꞌ. Nohuitatomaco chinotamacoso marëꞌ acoranquëmaꞌ. Maꞌninsoꞌ ninahuësontaꞌ, nitotamaso marëꞌ acoranquëmaꞌ. Coꞌhuara ca yaꞌhuëyátërasocohuëꞌ, co aꞌna yosë yaꞌhuërinhuëꞌ. Ca piquërantaꞌ co aꞌna yaꞌhuëaponhuëꞌ.

Isaías 44:8

Ama tëꞌhuacosohuëꞌ, chiníquën cancantocoꞌ. Coꞌta cari iráca quëran huarëꞌ maꞌsona onpoamasoꞌ nani shaꞌhuitëranquëmaꞌ. Canpitaso nani natanamaco. Casáchin Yosëco. Co aꞌna yosë ca pochin paꞌpoyatonaꞌpi yaꞌhuërinhuëꞌ,” tënin.

Isaías 45:19

Maꞌsona yanipatora, co poꞌoana quëran nonato naporahuëꞌ. Cacopo shinpitanquëmantaꞌ: ‘Topinan tëranta chinotoco,’ co itëranquëmahuëꞌ. Caso Sinioroco noya coisë pochinco niꞌto, noꞌtëquënáchin nontëranquëmaꞌ,” itërinpoaꞌ.

Isaías 55:4

Nisha nisha piyapiroꞌsa naporahuësoꞌ shaꞌhuitacaso marëꞌ, cari ina acorahuë. Nisha nisha parti yaꞌhuëpisopita huaꞌanëntaton aꞌchintacaso marëꞌ acorahuë.

Deuteronomio 32:12

Sinioroíchin nipirinhuëꞌ noya quëninpoaꞌ. ¡Co inso mamanshiri tërantaꞌ, catahuacaso yaꞌhuërinhuëꞌ!

Deuteronomio 32:16

Yosëso mamanshiroꞌsa co quëꞌyapirinhuëꞌ, canpitaso inapita moshatomaꞌ, anoꞌhuitëramaꞌ. Inaporama niꞌton, aꞌpitatënquëma noꞌhuirinquëmaꞌ.

Deuteronomio 32:39

Casáchin Yosëco. Mamanshiroꞌsasoꞌ, co ca pochin nipihuëꞌ. Ca nohuanto piyapiꞌsa nanpirapi, ca nohuanto chiminapi. Ca nohuanto piyapiꞌsa maꞌsha onpopi. Ca nohuanto chachin noyataantapi. Anaꞌintaꞌhuaso chinotohuato, co insonta chaꞌëtarincohuëꞌ. Chini chiníquënco niꞌto, anaꞌintarahuë.