Isaías 42:8 - Chayahuita (Shahui)

⁸ Ina quëran Sinioro taantarin: “Caso Sinioroco. Ina mini nininëhuë. Casáchin noya noyaco niꞌton, paꞌyatiinacoso yaꞌhuërin. Co mamanshiroꞌsasoꞌ noya nicatona natëcaiso yaꞌhuërinhuëꞌ.

Isaías 42:8 ပူးပေါင်းရင်းမြစ်များ

Salmos 66:2

Paꞌyapiro niꞌton, ina cantanën cantahuaꞌ. Noya noya nininso cantaroꞌsa cantatëhuaꞌ, chinotahuaꞌ:

Éxodo 34:14

Ama mamanshi chinotocosohuëꞌ. Caso Sinioroco paꞌpi aꞌpitëranquëmaꞌ.

Éxodo 4:5

Israiro huaꞌanoꞌsa niꞌtonënquë inapotëquëꞌ. Huaranën yaꞌhuan taraninso niꞌpachinaꞌ, yaꞌnotëranquënso natëtapi huachi: “Shimashonënpoapita Apraan, Isaco, Cacopo, inapitari Yosë chinotërin. Inari Moisësë yaꞌnotërin,” tosapi.

Isaías 43:11

Casáchin Yosëco. Casáchin nanitërahuë nichaꞌëtaꞌhuasoꞌ,” itërinquëmaꞌ.

Isaías 43:3

Caso Sinioroco niꞌto, napoarin. Carima nichaꞌësaranquëmaꞌ. Caso Yosëco noyasáchin ninahuë niꞌton, Israiro chinotërinco. Aꞌnapita huaꞌanëntapirinënquëmahuëꞌ, cari paꞌananquëmaꞌ. Iquipito, Itiopia, Sapa, inapita nacionoꞌsa pahuërë pochin quëtato, paꞌananquëmaꞌ.

Daniel 5:4

Inaquë huino oꞌosahuatonaꞌ, mamanshinënapita oro quëran nipisoꞌ, mosharápi. Prata, shaꞌpi huaꞌna, huaꞌnamia, nara, naꞌpi, inapita quëraonta nipisoꞌ, mosharápi.

Juan 5:23

Ina quëran yaꞌipi piyapiꞌsaꞌ noya niꞌsarinaco. Tatahuë noya niꞌpiso pochachin niꞌsarinaco. Ina marëꞌ nanan quëtërinco. Co noya niꞌpatamacohuëꞌ, Tatahuëntaꞌ co noya niꞌnamahuëꞌ. Ina aꞌpaimarinco.

Juan 8:58

—Noꞌtëquën shaꞌhuitëranquëmaꞌ. Coꞌhuara Apraan nasichatërasohuëꞌ, casoꞌ yaꞌhuárahuë, itërin.