Isaías 42:24 - Chayahuita (Shahui)

²⁴ Canpitaso Cacopo shinpitanquëmaꞌ, nani noyá nitotërama insosona nohuanton huëcapairahuatënënquëma minsërinënquëmasoꞌ. Inapotahuatënënquëma quiquirinënquëmasontaꞌ, ¡nani nitotëramaꞌ! ¡Sinioro mini nohuanton napotërinënquëmaꞌ! Co ina natëtomahuëꞌ oshahuanama niꞌton, napotërinquëmaꞌ. Onpopinsona nanpicasoꞌ nani pënënpirinquëmahuëꞌ, co ina pochin ninamaso marëhuëꞌ napotërinquëmaꞌ.

Isaías 42:24 ပူးပေါင်းရင်းမြစ်များ

Isaías 30:15

Naporahuaton, inaso taantarin: “Canpitaso nisha nisha cancantëramaꞌ. Huëco natëantatomaco sano cancantocoꞌ. Inapohuatamaꞌ, nichaꞌësaranquëmaꞌ. Sano cancantatoma casáchin chinotoco. Inapohuatamaꞌ, chiníquën nisaramaꞌ,” tënin Sinioro. Napopirinhuëꞌ, co canpitaso nohuantëramahuëꞌ.

Isaías 42:23

Inapotopiranquëmahuëꞌ, ¡co inso Israiro tërantaꞌ, yanatëtërinhuëꞌ! Naporahuaton co inquëma tëranta maꞌsha onporama quëran cancan yonquicamaso nohuantëramahuëꞌ.

Isaías 45:7

Ca nohuanton tahuëri yaꞌhuërin. Ca nohuanton chachin tashinta yaꞌhuërin. Ca nohuanton noya yaꞌhuëpi. Ca nohuanton chachin maꞌsha onpopi. Ca Sinioroco, yaꞌipi inapita acorahuë.

Isaías 63:10

Israiroꞌsaso napoaponahuëꞌ, co Sinioro yanatëpihuëꞌ. Inasoꞌ noyasáchin nipirinhuëꞌ, noꞌhuipi. Napotopiso marëꞌ inimiconënpita pochin nicaton, ahuërin.

Daniel 1:2

Sinioro nohuanton Napocotonosoꞌ canatahuaton, Coaquin manin. Yosë pëinënquë nisha nisha ohuarapisonta yaꞌhuërinsoꞌ, patoma naꞌcon manin. Inapita macaton yaꞌhuërinquë quëparin. Mamanshinënpita moshapiso pëiquë acoonin. Paꞌton nininsopita tapapiquë acorin. Coaquinta israiroꞌsarë chachin inátohua asacatacaiso marëꞌ quëparin.

Amós 3:6

Ninanoquë pomon irinpachina, piyapiꞌsa paꞌyanpi. Ninanoquë maꞌsha onpohuachinara, ca camaitërahuë niꞌton, napoarin.

Mateo 22:7

Copirnosoꞌ natantahuaton, chiníquën noꞌhuitërin. Sontaroꞌsaꞌ aꞌparin anaꞌintacaiso marëꞌ. Piyapinënpita tëpatopi niꞌton, inahuantaꞌ sontaroꞌsari tëparin. Napotahuatonaꞌ pëinënapita ahuiquitopi.

Deuteronomio 32:30

Napoaton israiroꞌsa napotërahuë: Tëhuënchachin mini tananpitëranquëmaꞌ. Napoaton aꞌnaíchin inimico sontaro nipirinhuëꞌ, huarancanquëma nitaꞌatërinquëmaꞌ. Catoyáchinta nipirinahuëꞌ, shonca huarancanquëma nitaꞌatërinquëmaꞌ. Carinquëma aꞌpaiápiranquëmahuë tananpitëranquëma niꞌton, ca nohuanto inimicoroꞌsa minsërinquëmaꞌ,’ itërahuë,” tënin.

Jueces 2:14

Napoaton Siniorori israiroꞌsa noꞌhuirin. Noꞌhuiton ihuatëroꞌsa aꞌpatërin maꞌshanëna matacaiso marëꞌ. Naporahuaton yaꞌyoranpisopita inimicoroꞌsari huëcapaipi. Huëcapairahuatona ahuëpachinara, canaipi. Co nanitopihuëꞌ, chinitatona minsëcaisoꞌ.