Isaías 42:2 - Chayahuita (Shahui)

² Nonpachin co chiníquën yaitosáponhuëꞌ. Co cachiroꞌsaquë iquianan quëran pënëntaponhuëꞌ.

Isaías 42:2 ပူးပေါင်းရင်းမြစ်များ

Isaías 42:1

Sinioro naporin: “Natanco shaꞌhuichinquëmaꞌ. Piyapinëhuë nohuitocoꞌ. Cari chachin ina achiniapo. Huayonahuëso niꞌton, nóya niꞌnahuë. Ispiritonëhuë nani ayaꞌcoancantërahuë. Noya coisë pochin nicaton, yaꞌipi nacionoꞌsa noꞌtëquën shaꞌhuitapon.

Isaías 42:3

Aꞌnaquën piquira yanopantërinso pochin co huachi nanitopirinahuëꞌ, inari achiniantarin. Nanparin yatacopirinso pochin Yosë yaaꞌpopirinahuëꞌ, catahuaantarin noya imaantacaisoꞌ. Noya coisë pochin yaꞌipi piyapiꞌsa noꞌtëquën shaꞌhuitapon.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Mateo 11:29

Co carinquëmaꞌ nocananquëmahuëꞌ. Sanoanan quëran pënënanquëmaꞌ. Casáchin natanco aꞌchinchinquëmaꞌ. Nani tahuëri catahuaranquëmaꞌ noya cancantacamaso marëꞌ. Ina pochin imapatamaco, sano cancantarama huachi.

Lucas 17:20

Ina quëran Parisioroꞌsari huëcapairahuatonaꞌ, itaponaꞌ: —¿Onporotaꞌ Yosë isoroꞌpaquë huaꞌanëntarin? itopi. —Yosë huaꞌanëntohuachin iyaroꞌsaꞌ, co aꞌninquëchin yaꞌnoarinhuëꞌ.

2 Timoteo 2:24

Sinioro piyapinënpoaꞌ nipatëhuaꞌ, co piyapiꞌsaꞌ noꞌhuicasoꞌ yaꞌhuërinhuëꞌ. Noya nontacasoꞌ yaꞌhuërin. Noya nitotatëhuaꞌ, aꞌchintahuaꞌ. Noꞌhuipirinpoahuëꞌ, ama noꞌhuiahuasohuëꞌ, ahuantahuaꞌ. Sanoanan quëran nontahuaꞌ.

1 Pedro 2:23

Inimiconënpitari pinopachinara, co yaiꞌhuërëtërinhuëꞌ. Aparisitopirinahuëꞌ, co noꞌhuirinhuëꞌ. “Aꞌna tahuëri Yosëri noꞌtëquën anaꞌintarin,” taꞌton, Yosëíchin natërin.