Isaías 42:10 - Chayahuita (Shahui)

¹⁰ Nasha canta cantatomaꞌ, Sinioro chinotocoꞌ. Aquë noꞌparoꞌsaquë yaꞌhuëpisopita, ina chinochinaꞌ. Marë paꞌtopisopitantaꞌ, ina chinochinaꞌ. Inaquë maꞌsharoꞌsa yaꞌhuërinsopita, marë yonsanoꞌsaquë yaꞌhuëpisopita, yaꞌipi inapitantaꞌ, ina chinochinaꞌ.

Isaías 42:10 ပူးပေါင်းရင်းမြစ်များ

Salmos 150:6

Yaꞌipi nanpirëhuasopita inasáchin chinotahuaꞌ. ¡Ma noyacha Sinioroso paya! itahuaꞌ.

Salmos 33:3

Nasha canta ocoirahuatoma cantacoꞌ. Noya cantatomaꞌ, noyasha piꞌnicoꞌ.

Salmos 40:3

Inapotërinco niꞌton, nasha cantanën ocoiato cantarahuë. “Ma noyacha Yosë catahuarinco paya,” tënahuë cantato. Ina nicatonaꞌ, naꞌa piyapiroꞌsa Yosë tëꞌhuatopi. Ina tëꞌhuatatonaꞌ, natëpi huachi.

Salmos 65:5

Quëmaso Yosënëhuëinquën. Nontohuatëinquëran noꞌtëquën aꞌpaniarancoi. Paꞌpi huëhuëpiro nininsopita nicaton aꞌpaniarancoi. Isoroꞌpaꞌ nanirinquë yaꞌhuëpisopita quëma ninaponën. Marë aquëtëran yaꞌhuëpisopita quëran huarëꞌ, ninaponën.

Salmos 72:10

Noya nicatonaꞌ, nani maꞌsha quëchinaꞌ. Copirno marëꞌ nininsonta pahuërëchinaꞌ. Tarsis copirnoroꞌsaꞌ, Soꞌtonoꞌsaquë copirnoroꞌsa yaꞌhuëpisoꞌ, inapitarinta inapochinaꞌ. Sapa, Sipa, inaquëpita copirnoroꞌsa yaꞌhuëpisontaꞌ, inapochinaꞌ.

Salmos 96:11

Inápaquë yaꞌhuëpisopita capa cancanchinaꞌ. Isoroꞌpaquë yaꞌhuëpisopitanta capa cancanchinaꞌ. Marënta tënënchin. ¡Nani maꞌsha inaquë yaꞌhuëpisopitanta capa cancantatona tënënchinaꞌ!

Éxodo 15:1

Inapotaton Siniorori nichaꞌëpachina, Moisësëso yaꞌipi israiroꞌsapitarë chachin Yosë cantanën cantapi. Cantatonaꞌ, itaponaꞌ: “Sinioro nichaꞌërinpoa niꞌton, cantahuaꞌ. Inimiconënpoapitaso huëꞌpirinahuëꞌ, inari paꞌpi huëhuëpiro nitaton, minsërin. Sontaroꞌsaꞌ, cahuarioroꞌsaꞌ, yaꞌipi marëquë tiquiitërin.

Éxodo 20:11

Saota tahuëri quëran yaꞌipi acorahuësopita tënirahuë. Inápaquë, isoroꞌpaquë, marëquë, inaquëpita yaꞌhuërinso tënirahuë. Tahuëririnquë chinotërahuë. Napoaton, ina tahuëri noya nicato, chinoto tahuëri acorahuë: Naporo tahuëri chinotatomaꞌ, casáchin yonquico.

Isaías 42:4

Co amichináchinhuë sacataton, isoroꞌpaquë noya nicatona yaꞌhuëcaiso catahuatapon. Marë yonsanquë yaꞌhuëpisopitantaꞌ, inari aꞌchintacaso ninaponaꞌ,” tënin.

Isaías 44:23

Piꞌiroꞌtëꞌ, quëmanta piyapi pochin nicaton cantaquëꞌ. Sinioro naporinso yonquiaton cantaquëꞌ. Capa cancantaton, inapoquëꞌ. Noꞌpaꞌ acoporonta piyapi pochin nicaton, “yai, yai,” charaꞌin. Motopiroꞌsaꞌ, tananoꞌsaꞌ, yaꞌipi nararoꞌsaꞌ, canpitanta capa cancantocoꞌ. Nichaꞌësahuatonpoaꞌ, Sinioro chiníquën nanantërinsoꞌ aꞌnotërinpoaꞌ.

Isaías 49:13

Piꞌiroꞌtëquë yaꞌhuëpisopita, capa cancanchinaꞌ. Capa cancantatonaꞌ: ‘yai,’ charaꞌinaꞌ. Isoroꞌpaquëntaꞌ, inapochachin capa cancanchinaꞌ. Motopiroꞌsa quëran huarëꞌ piyapiꞌsa pochin capa cancantatonaꞌ, ‘yai,’ charaꞌinaꞌ. Sinioro piyapinënpita parisitapisoꞌ, inari noya acoantarin. Nosoroaton napotarin niꞌton, ina pochin nicoꞌ,” itërin.

Isaías 49:6

Ina Sinioro chachin shaꞌhuitaantarinco: ‘Cacopo quëran pipipisopita huëntonoꞌsaꞌ, quëmari anoyataantapon. Inimicoroꞌsari quëpapirinahuëꞌ, quëmari ayontoantapon. Napoaponahuëꞌ, co inaíchin nicacaso marëꞌ acoranquënhuëꞌ, nisha piyapiꞌsanta aꞌchintaton, anohuitaancoso marëꞌ acoranquën. Aꞌpintërëso pochin nanamëhuë anitotaran. Yaꞌipi parti piyapiꞌsa chaꞌëcaiso marëꞌ aꞌchintëraꞌpiapon,’ itërinco,” tënin.

Isaías 60:6

Yaꞌipi noꞌpanëma nanirinquë chachin camiyo huëntonoꞌsa pëꞌpëtohuanáchin huëꞌsapiso niꞌsaramaꞌ. Matian parti quëran, Ipa parti quëran, ina quëranpita huëꞌsapi. Yaꞌipi camiyoroꞌsa Sapa parti yaꞌhuëpisontaꞌ, oro quësapi. Yonarin pochin nininsonta quësapi. “Sinioro maꞌsona nipachina, noya noya ninin,” taꞌcaiso marëꞌ napoapi.

Isaías 60:9

Panca nancharoꞌsa napopináchin huëcatona naporiapi. Tarsis ninanoquë nipisopita quëchitëriapi. Aquë quëran Quirosarin yaꞌhuëhuanoꞌsa quësapi. Oronënaꞌ, pratanënaꞌ, inapitarë chachin huëꞌsapi. Sinioro noya nicatona quëtacaiso marëꞌ napoapi. Inasoꞌ Yosë noyasáchin ninin. Napoaton Israirori chinotërin Ina mini noya noya acoarinquëma huachi.

Apocalipsis 14:3

Nasha cantanën inápaquë cantarapi. Yosë notënanquë cantarapi. Ansianoꞌsaꞌ, catapini maꞌsharoꞌsa pochin nininsopita, inapitantaꞌ natanapi. Pasa catapini shonca catapini huaranca imapisopita cantapisoꞌ. Isoroꞌpaquë yaꞌhuaponaꞌ, Quisosori nichaꞌërin. Oshanëna marëꞌ chiminaton, anoyacancantërin niꞌton, inapitaráchin nanitopi ina cantacaisoꞌ.

Apocalipsis 5:9

Chinotatonaꞌ, inahuara yonquinëna quëran nasha cantanën cantarapi. “Noya noyanquën, Sinioro, niꞌton, nanan yaꞌhuëtërinquën quirica niꞌcamasoꞌ. Toꞌni iꞌshotohuatan, nani maꞌsha anitotarancoi. Iráca tëparinënquën. Chiminaton, piyapiꞌsaꞌ sopai quëran ocoiran Yosë imacaiso marëꞌ. Napoaton quëmasáchin nanitëran yaꞌipiya huaꞌanëntacasoꞌ. Nisha nisha parti yaꞌhuëpirinahuëꞌ, imarinënquën, Sinioro. Nisha nisha nananquë nonpisopita imarinënquën. Nisha nisha copirnori huaꞌanëntërinsopita niponaraihuëꞌ, natërinënquën.