Isaías 41:22 - Chayahuita (Shahui)

²² Onpoatonsona iráca napopisopita naporinsoꞌ, aꞌna tahuërinta maꞌsona onpocaso yaꞌhuëarinsoꞌ, inapita shaꞌhuitocoi. Napohuatamaꞌ, yonquirápoi. Noꞌtëquën nanihuachin, natëarainquëma huachi.

Isaías 41:22 ပူးပေါင်းရင်းမြစ်များ

Isaías 41:26

¡Co inso mamanshinquëma tërantaꞌ, coꞌhuara ina naniyátërasohuëꞌ shaꞌhuiramahuëꞌ! Insonquëma tëranta coꞌhuara ina naniyátërasohuëꞌ shaꞌhuirama naporini, ‘tëhuënchachinchi noꞌtëquën shaꞌhuipi paya,’ chitohuëꞌ. Co inquëma tëranta ina shaꞌhuiramahuëꞌ. Co insonta nonamasoꞌ nataninhuëꞌ.

Isaías 42:9

Niꞌcoꞌ. Yaꞌnan shaꞌhuirahuësopitasoꞌ nani nanirin. Iporaso coꞌhuara naniyátërasohuëꞌ, nasha nininsopita yaꞌhuërëꞌ, shaꞌhuitaantaranquëmaꞌ,” tënin.

Isaías 44:7

Aꞌna ca pochin yaꞌhuëhuachin, huëꞌsahuatona shaꞌhuichinaco. Casáchin caniaritërin quëran huarëꞌ aꞌna tahuëri maꞌsona onpocasoꞌ shaꞌhuirahuë.

Isaías 45:21

Huëco paꞌahua coisëquë. Noꞌtëquën yonquihuatamaꞌ, aꞌpaniaramaco: ¿Inta caniaritërin quëran maꞌpitaso onpocasoꞌ nani shaꞌhuirin? ¿Inta iráca quëran huarëꞌ inapita shaꞌhuirin? Ca mini Sinioroco niꞌto, inapita nani shaꞌhuirahuë. Co aꞌna Yosë ca pochin yaꞌhuërinhuëꞌ. Casáchin noꞌtëquën yonquirahuë. Casáchin nanitërahuë minsëtato nichaꞌëtaꞌhuasoꞌ.

Isaías 45:22

Nisha nisha parti isoroꞌpaquë yaꞌhuëramasopita, huëco caquë nichaꞌëinquëmaꞌ. Casáchin Yosëco niꞌto, paꞌpi áquë yaꞌhuëpiramahuëꞌ, huëcoꞌ.

Isaías 46:10

Tahuëri caniaritërin quëran huarëꞌ taꞌhuantacaisoꞌ shaꞌhuitërahuë. Aꞌna tahuëri maꞌsona onpocaisoꞌ iráca quëran huarëꞌ shaꞌhuitërahuëꞌ. Maꞌpitasona nicaꞌhuasoꞌ yonquihuatora, ina inachachin nisarin. Maꞌsona nicaꞌhuasoꞌ yonquirahuësopita, nisarahuë.

Juan 13:19

Apira nitotato, shaꞌhuitëranquëmaꞌ. Maꞌsha onpotohuachinaco, yonquiaramaꞌ. ‘Inasoꞌ tëhuënchachin Cristo niꞌton, ninorin,’ tosaramaꞌ.

Juan 16:14

Ca nonahuëso chachin aꞌchintarinquëmaꞌ niꞌton, noya noya niꞌsaramaco.