Isaías 41:11 - Chayahuita (Shahui)

¹¹ Noꞌhuirinënquëmasopita atapanarahuë. Chinitërinënquëmasopitantaꞌ, ataꞌhuantarahuë.

Isaías 41:11 ပူးပေါင်းရင်းမြစ်များ

Éxodo 11:8

Inapotohuachinquëmaꞌ, yaꞌipi catahuarinënquënso huaꞌanoꞌsaꞌ, paapaponaco. Paapatonaco isonahuatona moshaponaco: ‘Paquë huachi. Israiroꞌsanta quëpaquëꞌ,’ itaponaco. Naporo huarëꞌ isëran paꞌsarahuë,” itërin. Noya noꞌhuitahuaton, Moisësë copirno pëinën quëran pipirin.

Éxodo 12:29

Yono tashi nisapasoꞌ, yaꞌipi Iquipitoquë paninanoꞌsa quëmapi nipisoꞌ, Siniorori tëparin. Copirno huiꞌnin paninantërinsontaꞌ, chiminin. Inari paꞌpin huaꞌanëntacaso nani catahuarapirinhuëꞌ, chiminin. Tashinan pëiquë apinaꞌpiroꞌsa paninantopisopitantaꞌ, chiminpi. Pëꞌtahuanëna quëmapi yaꞌnan huaꞌhuatopiso quëran huarëꞌ chiminpi.

Isaías 40:17

Yaꞌipi nacionoꞌsanta ina marësoꞌ, co máquënoꞌsahuëꞌ. Co manta paꞌtërinsopitahuë pochin niconpi.

Isaías 40:2

Noyasha nontatoma piyapinëhuëpita catahuaco chiníquën cancanchinaꞌ. Sontaro sirihuitërinso pochin nininsoꞌ, nani nanirin. Tëhuëpiso marëꞌ anaꞌintërahuësoꞌ, nani pahuërëtatë pochin nipi. Oshanëna marëꞌ nani naꞌcon naꞌcon parisitopi,” tënin.

Isaías 41:24

Napotopiranquëmahuëꞌ, canpitaso co máquëmahuëꞌ. ¡Co manta nicacasoꞌ nanitaparamahuëꞌ! Chinotiinëmaso marëꞌ huayoninquëmasopitasoꞌ, apiroꞌsa niꞌton, napopi.

Isaías 41:29

¡Yaꞌipi mamanshiroꞌsasoꞌ co máquënhuëꞌ! Co manta nicacaisoꞌ nanitopihuëꞌ. Capanantë mamanshiroꞌsa niconpi,” itërin.

Isaías 49:25

Siniorosoꞌ, naporin: “Nanitopi mini. Chiníquën piyapi maꞌsha maninso nipirinhuëꞌ, aꞌnari nanitërin osërëtacasoꞌ. Noꞌhuitërayanta canatërinsoꞌ, aꞌnari nanitërin matacasoꞌ. Inapochachin canta nisarahuë. Aꞌnaquën maꞌsha yaonpotohuachinquëmaꞌ, cari chinitarahuë. Cari chachin Quirosarin yaꞌhuëhuanoꞌsa nichaꞌësarahuë.

Isaías 49:26

Aparisitërinëmasopita, cari camaiarahuë inahuara noshinëna capatë pochin inahuara capini nitëpacaisoꞌ. Huënainënantaꞌ, huino oꞌotona noꞌpipiso pochin noꞌhuitonënaquë co nitënorocaisohuëꞌ camaiarahuë. Inapotohuato, yaꞌipi piyapiroꞌsa nichaꞌëranquëmasoꞌ nitotaponaꞌ: ‘Sinioro niꞌton, Cacopo quëran pipipisopita nichaꞌërin. Chiníquën nanantaton naporin,’ tosapi,” tënin.

Isaías 54:15

Insosona yaahuëhuachinquën, co ca nohuanton napoarinhuëꞌ. Pashitaꞌpapirinënquëontaꞌ, quëmari minsëaran.

Isaías 54:17

Napoaponahuëꞌ, co inso tëranta ataꞌhuantiinquëmaso marëꞌ huaꞌna acoaponhuëꞌ. Insosona shaꞌhuirapihuachinquën, quëmari acopitëraꞌpiapon. Inpitasona natëhuachinaco, ca nohuanton minsëtaponaꞌ. Sinioro chachin naporin,” tënin.

Jeremías 2:3

Naporoꞌ canpitasoꞌ, carima huaꞌanëntëranquëmaꞌ. Sharoꞌsa yaꞌnan cayarinso pochin ca marëꞌ ninamaꞌ. Inpitasona maꞌsha onpotërinquëmasoꞌ, cari anaꞌintërahuë. Nisha nisha quëran anaꞌintato iꞌhuërëtërahuë. Ca Sinioroco shaꞌhuitaranquëmaꞌ,’ tënin,” itërinco.

Daniel 4:35

Isoroꞌpaquë yaꞌhuëpisopita quëma marësoꞌ, co máquënoꞌsahuëꞌ. Inápaquë yaꞌhuëpisopita, nohuantëransoráchin nipi. Isoroꞌpaquëntaꞌ, ina pochachin nipi. Chini chiníquën nanantëran niꞌton, co insonta nanitarinhuëꞌ, chinitiinquënsoꞌ. Maꞌsha nipataontaꞌ: ‘¿Onpoatonta ina pochin nisaran?’ co itiinënso yaꞌhuërinhuëꞌ,” itërahuë.

Hechos 16:39

Napoaton tashinan pëiquë paꞌsahuatonaꞌ, noya nontopi. “¿Canpitantaꞌ Noma piyapinquëmaꞌ ti?” itohuachina, “Inacoi mini,” tënin Paono. “Coꞌchi nitotëraihuë paya. Co nitotatoihuëꞌ ahuërainquëmaꞌ, co ahuëcaꞌhuainquëmasohuëꞌ nipirinhuëꞌ,” itërin. Ina quëran noya ocoirahuatonaꞌ, “Aꞌna parti pacoꞌ,” itopi.

Apocalipsis 3:9

Aꞌnaquën nonpintatënënquëmaꞌ, ‘Yosë piyapinënpitacoi quiyantaꞌ,’ itopirinënquëmahuëꞌ, Satanasë huëntonënquë yaꞌconpi. Aꞌna tahuëri ca nohuanto, inapitantaꞌ isonahuatonaꞌ, noya nontarinënquëmaꞌ. ‘Tëhuënchachin noꞌtëquën imaramaꞌ. Quisocristo nosororinquëmaꞌ,’ itarinënquëmaꞌ.