Isaías 41:10 - Chayahuita (Shahui)

¹⁰ Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 41:10 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Génesis 26:24

Naporo tashi Siniorori yaꞌnotahuaton itapon: “Caso Yosëco. Tataparin Apraan chinotërinco. Ama tëꞌhuaquësohuëꞌ. Carinquën caꞌtanatënquën catahuamiataranquën. Piyapinëhuë Apraan natërinco niꞌton, ca nohuanton shiparinpita naꞌamiatapon,” itërin.

Génesis 31:5

Huëꞌpachinara, itapon: —Tataparima co huachi iráca pochin noya niꞌnincohuëꞌ. Yosëso nipirinhuëꞌ, caꞌtanatonco catahuarinco. Inasoꞌ tatahuëri chinotërinsoꞌ.

Génesis 49:24

Quëmaso nipirinhuëꞌ, chini chiníquën tanpatëran. Pëꞌchinanënquë inimicoroꞌsa tëꞌyanantohuatan, co pacoitaranhuëꞌ. Yosë imarahuësoꞌ, chini chiníquën nanantërin. ¡Ina catahuarinquën inimicoroꞌsa minsëaran! Siniorosoꞌ ohuica huaꞌanën pochin niꞌton, aꞌpairinco. ¡Ina chachin quëmanta aꞌpaiatënquën catahuarinquën!

2 Samuel 22:19

Maꞌsha onpoasoco chachin pashitaꞌparinaco. Quëmasoꞌ Sinioro napoaponahuëꞌ, catahuaranco.

Salmos 145:14

Anotërinso pochin nipisopitasoꞌ, Siniorori achiniantarin. Sanpatopisopitantaꞌ, ahuaniantarin.

Salmos 27:1

Sinioro, quëmasoꞌ aꞌpintatonco nichaꞌëranco. ¡Co insonta tëꞌhuataꞌhuaso yaꞌhuërinhuëꞌ! Sinioro, quëmasoꞌ paꞌpoyaranco niꞌton, noya yaꞌhuëarahuë. ¡Co inso tëranta tëꞌhuatarahuëꞌ!

Salmos 33:12

Sinioro piyapinënpitasoꞌ capa cancanchinaꞌ. Inari huayoninsopita napoꞌinaꞌ.

Salmos 37:17

Inpioroꞌsasoꞌ, Siniorori ataꞌhuantapon. Noya piyapiroꞌsaso nipirinhuëꞌ, achiniapon.

Salmos 37:24

Anotërëso pochin nipirinhuë tërantaꞌ, co inaquëranchin quëparitarinhuëꞌ. Siniorori imirin quëran sëꞌquëatë pochin nitarin niꞌton, huaniantapon.

Salmos 46:11

Siniorosoꞌ yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Salmos 46:7

Siniorosoꞌ, yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Salmos 65:5

Quëmaso Yosënëhuëinquën. Nontohuatëinquëran noꞌtëquën aꞌpaniarancoi. Paꞌpi huëhuëpiro nininsopita nicaton aꞌpaniarancoi. Isoroꞌpaꞌ nanirinquë yaꞌhuëpisopita quëma ninaponën. Marë aquëtëran yaꞌhuëpisopita quëran huarëꞌ, ninaponën.

Éxodo 14:13

Napotopirinahuëꞌ, Moisësëriso itapon: —¡Ama paꞌyancosohuëꞌ! ¡Chiníquën cancantocoꞌ! Sinioro chachin nichaꞌërinpoasoꞌ, ipora niꞌsaramaꞌ. Inari canpita yaꞌhuërënamën ahuëtaton, iquipitoroꞌsa minsëarin. Napoaton co huachi onporo tëranta inapita quënanaramahuëꞌ, itërin.

Éxodo 20:20

—Ama paꞌyancosohuëꞌ, Yosë oꞌmarin tëniinquëmaso marëꞌ. Ina pochin yaꞌnotërinquëmaꞌ, ina tëꞌhuatatoma ama oshahuanamaso marëhuëꞌ, itërin.

Isaías 35:4

Tëꞌhuanaꞌpiroꞌsanta shaꞌhuitatomaꞌ: “¡Chiníquën cancantocoꞌ! ¡Ama paꞌyancosohuëꞌ! Sinioro oꞌmararin nichaꞌëinquëmaso marëꞌ. Inimiconëmapitasoꞌ, noꞌtëquën iꞌhuërëtarin,” itocoꞌ.

Isaías 43:5

Ama tëꞌhuacosohuëꞌ, carinquëma caꞌtanaranquëmaꞌ. Piꞌi pipirin parti quëran, yaꞌconin parti quëran, inaquëranpita yaꞌhuëramaquë chachin quëantaranquëmaꞌ.

Isaías 49:8

Siniorori chachin napotaantarin: “Nohuantasënquën chachin catahuaranquën. Nontohuatanco natanaranquën. Yanichaꞌëranquën niꞌton, catahuaranquën chaꞌëcaso marëꞌ. Quëmá quëran israiroꞌsarëꞌco anoyataꞌhuaso marëꞌ carinquën paꞌpoyararanquën. Inapohuato, yaꞌhuëpiso noꞌpaꞌ noya noya acoantarahuë. Inimiconënapitari noꞌpanëna tapitopirinahuëꞌ, piyapinëhuëpitari chachin huaꞌanëntaantaponaꞌ.

Isaías 50:9

Sinioro chachin catahuarinco niꞌton, ¡co insonta anaꞌintiincoso shaꞌhuiponhuëꞌ! Aꞌmorësoꞌ, aꞌshini pëꞌyarinso pochin, inimicotërinacosopitasoꞌ, taꞌhuantaponaꞌ,” tënin.

Isaías 52:7

¡Ma noyacha niꞌton, motopiaꞌhuaroꞌsataquëchin noya nanan shaꞌhuitaponpoa canquiarin paya! Sinioro nichaꞌërinpoa niꞌton, sano yaꞌhuëarihua huachi. Quirosarinquë yaꞌhuëpisopita itapon: “Yosë chinotëramasoꞌ, copirno yaꞌconin huachi,” tosarin.

Isaías 60:19

Co huachi piꞌi aꞌpintiimasoꞌ, nohuantapomahuëꞌ. Co yoqui tërantaꞌ, aꞌpintiimaso nohuantapomahuëꞌ. Ca Sinioroco chachin aꞌpintomiatáponquëmaꞌ. Yosënëmaco niꞌton, noya noya acoaranquëmaꞌ.

Daniel 6:16

Napotohuachinara, camaitërin: “Naniri quëcatomaꞌ, paꞌpiniꞌ yaꞌhuërinquë tëꞌyatocoꞌ,” tënin. Coꞌhuara tëꞌyachátërasoihuëꞌ: —Quëmaso Naniri, Sinioroíchin cancantaton natëran. Ina nichaꞌëinquën, itërin.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Lucas 1:30

—Ama Maria, paꞌyanquësohuëꞌ. Yosë noya niꞌninquën.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

2 Corintios 12:9

Sinioro shaꞌhuitërinco: “Ca nohuanto, ipora huantaꞌ parisitapiranhuëꞌ, nosoroatënquën, naꞌcon catahuaranquën. Carinquën achinicancanaranquën noya ahuantamaso marëꞌ. Co quëmaora nanitohuatanhuëꞌ, naꞌcon naꞌcon catahuaranquën. Maꞌsona tërantaꞌ onpohuatan, co onporontaꞌ pataranquënhuëꞌ,” itërinco. Napoaton co huachi sëtërahuëꞌ. “Co caora nanitohuatërahuëꞌ, Quisocristo naꞌcon naꞌcon catahuarinco,” taꞌto, noya cancantërahuë.

Efesios 3:16

Napoaton canpita yonquiatënquëmaꞌ, Yosë nontërahuë. “Quëmasoꞌ Sinioro chini chiníquën nanantëran. Noya noyanquën niꞌton, imarinënsopita nosoroaton, catahuaquëꞌ chiníquën cancanchinaꞌ. Ispirito Santori achinicancain noya noya imainënquën.

Filipenses 4:13

Co caora nanitapapirahuëꞌ, Quisocristo achinicancaninco niꞌton, yaꞌipiya nanitaparahuë. Maꞌsha onpoaporahuëntaꞌ, noya ahuantërahuë.

Josué 1:9

Carinquën camaiaranquën ama tëꞌhuatonhuëꞌ, chiníquën cancantacaso marëꞌ. Carinquën catahuaranquën. Insëquësona paꞌpatan caꞌtanaranquën. Napoaton ama paꞌyanquësohuëꞌ,” itërin Yosëri.

Jueces 6:16

—Carinquën catahuaranquën niꞌton, noya nanitapaaran. Aꞌnaíchin quëmapi minsërëso pochin, yaꞌipi matianoꞌsa minsëaran, itërin Siniorori.