Isaías 40:7 - Chayahuita (Shahui)

⁷ Panpatoroso pacahuatëra, aꞌnaroáchin yanirin. Yancoroꞌsanta aꞌnaroáchin ahuirin. Sinioro nohuanton inapita co chinirinsohuë pochin, piyapiꞌsantaꞌ, co chinipihuëꞌ.

Isaías 40:7 ပူးပေါင်းရင်းမြစ်များ

Copo naporinso' 14:2

Yanco huësohuatochina ahuiantarin. Inapochachin piyapicointaꞌ, aꞌnaroáchin capa nisarai. Huaꞌyanëhuëi piꞌiquë, aꞌnaroáchin naꞌhuërinso pochin ninai.

Copo naporinso' 4:9

Panca ihuan paꞌpachina, nani maꞌsha tapirin. Inapochachin Yosërintaꞌ, aꞌnanaya inapita noꞌhuiton ataꞌhuantarin.

Salmos 103:15

Isoroꞌpaquë canpoasoꞌ panpatoro pochin niconëhuaꞌ. Yanco huësoatërinso pochin ninëhuaꞌ.

Salmos 103:16

Inasoꞌ ihuani pihuitë pochin nipachina, aꞌnaroáchin capa ninin huachi. Inapochachin canpoanta chiminpatëhuaꞌ, aꞌnaroáchin naniantërinënpoaꞌ.

Salmos 90:5

Chiniiri quëparinso pochin nitërancoi. Huaꞌnaraiso pochin co huaꞌqui nanpiraihuëꞌ.

Salmos 90:6

Pacatoro yancotërinso pochin ninai. Inasoꞌ, tashíramiachin noyápiachin yaꞌnorin. Iꞌhuaraya huarëso nipirinhuëꞌ, ahuirin. Inapochachin quiyanta co huaꞌqui yaꞌhuëraihuëꞌ.

Isaías 11:4

Noya coisë pochin, sanpatopisopita maꞌsona onpotacasoꞌ shaꞌhuitapon. Popriyatopisopitanta paꞌpoyaton, catahuapon. Noꞌhuitërayaroꞌsasoꞌ, topinan noncharapirinhuëꞌ anaꞌintapon. Co noyahuëꞌ nipisopitantaꞌ, pihuitëꞌ aꞌparëso pochin ataꞌhuantapon.

Isaías 40:24

Ina marësoꞌ huaꞌanoꞌsantaꞌ, sharoꞌsa nasha pichopitopiso pochin niconpi. Ipora huarëꞌ itëaꞌhuain pipiarinso pochin, co manta chinipihuëꞌ. Siniorori pihuitë pochin nitohuachina, chiminatona ahuiánahuanapi. Panca ihuan paꞌpachina, trico shaꞌhuëtë quiquirinso pochin nitërin.

Santiago 1:10

Aꞌnaquëmaso nipirinhuëꞌ naꞌa coriqui, maꞌsha, inapita yaꞌhuëtërinquëmaꞌ. Ina niponahuëꞌ Quisocristo imaramaꞌ niꞌton, co maꞌsharáchin yonquicamasoꞌ yaꞌhuërinhuëꞌ. Aꞌna tahuëri chiminarihuaꞌ. Yaꞌipi maꞌsha papotërinsontaꞌ taꞌhuantaponaꞌ. Quisocristo naꞌcon yonquiatomaꞌ, noya cancantocoꞌ.

Santiago 1:11

Niꞌcoꞌ. Piꞌi chiníquën picatohuachina, papotërinsoꞌ aꞌnaroáchin ahuirin. Yanconëontaꞌ anotohuachina, co huachi noyápiachin nininhuëꞌ. Ahuirin huachi. Inapochachin maꞌhuanoꞌsantaꞌ aꞌna tahuëri chiminapi antaꞌ. Sacatápirinahuëꞌ, chiminaponaꞌ. Nani maꞌsha yaꞌhuëtopirinahuëꞌ, patapi.