Isaías 40:30 - Chayahuita (Shahui)

³⁰ Huiꞌnapiꞌsa niponaraihuëꞌ, canotatona nëꞌca nëꞌcatopi. Huaꞌhua huiꞌnapiꞌsantaꞌ, iꞌparahuatona anotopi.

Isaías 40:30 ပူးပေါင်းရင်းမြစ်များ

Salmos 33:16

Panca sontaroꞌsa huënton tërantaꞌ, co copirnonëna nichaꞌësarinhuëꞌ. Chiníquënoꞌsa nipirinahuë tërantaꞌ, co inaora chaꞌëcaiso nanitapihuëꞌ.

Salmos 34:10

Paꞌpiniaꞌhuaroꞌsanta cosharo pahuantopi. Pahuantohuachinara, tana natanpi. Sinioroíchin yonihuatëhuasoꞌ, nani maꞌsha noya nininsoꞌ co onporo pahuantarinpoahuëꞌ.

Eclesiastés 9:11

Isopitantaꞌ, isoroꞌpaquë niꞌnahuë: Taꞌapisopita nicanahuachinara, co chini chiníquën taꞌapisopitaráchin canatopihuëꞌ. Ahuëtohuachinarantaꞌ, co chiníquën cancantopisopitaráchin canatopihuëꞌ. Co yonquínahuan nipisopitaráchin cosharohuanpihuëꞌ. Co yonqui yonquicharapisopitaráchin maꞌhuanpihuëꞌ. Co nitotonoꞌsaráchin piyapiꞌsari noya niꞌpihuëꞌ. Yaꞌipinpoa capainchiaquë huarëꞌ noya ninëhuaꞌ.

Jeremías 9:21

Sëtatona oshaahuachina napoꞌinaꞌ: ‘Pëinënpoapitaquë chimirin yaꞌcotërinpoaꞌ. Noya noya pëiroꞌsaquënta yaꞌconin. Cachiroꞌsaquë notohuaroꞌ huaꞌhuaroꞌsa tiquipi. Prasaroꞌsaquënta huiꞌnapiroꞌsa inapotopi.

Amós 2:14

Chiníquën taꞌapiramahuëntaꞌ, co chaꞌësaramahuëꞌ. Chini chiníquën nininso tëranta co huachi napoarinhuëꞌ. Chini chiníquën cancantërinso tëranta co chaꞌësarinhuëꞌ.