Isaías 40:22 - Chayahuita (Shahui)

²² Yosësoꞌ, piꞌiroꞌtë tahuirinso aipi huaꞌanëntarin. Inatohua quëran canpoasoꞌ sëquërë pochin niꞌninpoaꞌ. Naꞌicaso marëꞌ nëꞌmëtë ótënëso pochin piꞌiroꞌtënta ótënin. Nëꞌmëtë pëi ótënatë pochin nitërin.

Isaías 40:22 ပူးပေါင်းရင်းမြစ်များ

Génesis 1:6

Ina quëran Yosë taantarin: “¡Niquë niquë iꞌ yaꞌhuëcaso marëꞌ yaꞌcopinamën yaꞌhuëꞌin!” tënin. Topachina, inachachin yaꞌhuërin huachi.

Salmos 104:2

Quëmasoꞌ noyasáchin nicaton, tahuëri pochin cancantëran. Nëꞌmëtëquë paꞌshintërëso pochin piꞌiroꞌtënta acoran.

Salmos 19:4

Napoaponahuëꞌ, nisha nisha parti, inachachin anitotarin. Yaꞌipi isoroꞌpaquë nahuinin. Piꞌinta yaꞌhuëcaso marëꞌ inápaquë pëi pochin acotërin.

Salmos 2:4

Siniorosoꞌ, inápaquë huaꞌanëntërin. Piyapiꞌsari noꞌhuipisoꞌ natanaton, tëhuarin.

Proverbios 8:27

Marë inápaquë yaꞌhuërinsoꞌ yaꞌcopinamën acoasoꞌ, nani canta inaquë nisarahuë.

Isaías 40:15

Nacionoꞌsa panca nipirinahuëꞌ, Sinioro marësoꞌ, aꞌna shiꞌtaíchin iꞌsha pochin niconpi. Marë yonsan noꞌparoꞌsaquë yaꞌhuëpisopitantaꞌ, amocan pochin co manta paꞌtopihuëꞌ.

Isaías 40:17

Yaꞌipi nacionoꞌsanta ina marësoꞌ, co máquënoꞌsahuëꞌ. Co manta paꞌtërinsopitahuë pochin niconpi.

Isaías 42:4

Co amichináchinhuë sacataton, isoroꞌpaquë noya nicatona yaꞌhuëcaiso catahuatapon. Marë yonsanquë yaꞌhuëpisopitantaꞌ, inari aꞌchintacaso ninaponaꞌ,” tënin.

Isaías 42:5

Siniorosoꞌ Yosë niꞌton, piꞌiroꞌtë acorin. Ina acoaton nëꞌmëtë pëi ótënëso pochin nitërin. Isoroꞌpantaꞌ, nani maꞌsha yaꞌhuërinsopitarë chachin acorin. Ina nohuanton piyapiꞌsa inaquë nanpipi. Inari chachin niinta acotërin.

Isaías 44:24

Siniorosoꞌ nichaꞌërinquëmaꞌ. Coꞌhuara nasichátërasënquëmahuëꞌ acorinquëmasoꞌ, naporin: “Ca mini Sinioroco. Yaꞌipi maꞌsha cari acorahuë. Cari piꞌiroꞌtë nëꞌmëtë pëi pochin ótënahuë. Ca nohuanton isoroꞌpanta chinirin. Caoraíchin acorahuë. Co insonta catahuarincohuëꞌ.

Isaías 66:1

Naquëranchin Sinioro taantarin: “Piꞌiroꞌtësoꞌ, huaꞌanëntërahuëso shiranëhuë pochin ninin. Isoroꞌpantaꞌ, nantëhuë ayaꞌnanahuëquë pochin ninin. Ina pochin niꞌton, ¡co insëquë tërantaꞌ, pëi nitamacoso marëꞌ nanirinhuëꞌ! ¡Co insëquë tëranta chinotaꞌhuaso marëꞌ nitamacosoꞌ nanitëramahuëꞌ!

Números 13:33

Panca piyapi Anaco itopisoꞌ shinpitanta quënanai. Inapita pirayan huanihuatoira, sëquërëya pochin ninatanai. Inapitanta nicatoncoi, ina pochin cancantërinacoi, itopi.