Isaías 40:13 - Chayahuita (Shahui)

^13-14 ¡Co insoari tëranta Siniorosoꞌ ótëarinhuëꞌ! ¡Co insoari tëranta maꞌsona nicacasoꞌ, ina aꞌchintërinhuëꞌ! ¡Co insoari tërantaꞌ, pënënaton yonquínahuan ina acorinhuëꞌ!

Isaías 40:13 ပူးပေါင်းရင်းမြစ်များ

Génesis 1:2

Naporoꞌ isoroꞌpasoꞌ, co ipora pochin nishátërarinhuëꞌ. Yaꞌipi marësáchin ninin, paꞌpi anpotërin. Tashiri noyá iꞌcopitërin. Naporo chachin Yosë ispiritonënsoꞌ, iꞌ aipi yanpo yanpónantarin.

Isaías 41:28

Napoato niꞌpirahuëꞌ, co aꞌna mamanshi tëranta yaꞌnorinhuëꞌ. Co inso tëranta maꞌsona noya nicacaisoꞌ shaꞌhuicaso yaꞌhuërinhuëꞌ. Natanahuësopitanta aꞌpaniinacosoꞌ, co insonta yaꞌhuërinhuëꞌ.

Jeremías 23:18

Napoaponahuë yonquirahuësopitasoꞌ, ¡co ina pënëntonaꞌpiroꞌsa nitotopihuëꞌ! ¡Co insonta nicatonco nonahuësoꞌ nataninhuëꞌ! ¡Co aꞌnaya tëranta noya natanatonco, natëcasoꞌ nohuantërinhuëꞌ!

Lucas 10:22

Ina quëran aꞌparinsopita itantarin. “Tata Yosë nohuanton, chiníquën nanantërahuë. Yaꞌipi nanamën anitotërinco piyapiꞌsaꞌ aꞌchintaꞌhuaso marëꞌ. Huiꞌninco niꞌto, tatahuësáchin noyá nohuitërinco. Inapochachin cantaꞌ Tata Yosë nohuitërahuë. Casáchin noyá nohuitërahuë. Aꞌnaquën piyapiꞌsantaꞌ caora nohuanto, anohuitërahuë. Inapitantaꞌ Yosë nohuitapi huachi,” itërin.

Juan 1:13

Yaꞌipinpoaꞌ piyapi quëran nasitërëhuaso nipirëhuahuëꞌ, co ina quëran Yosë huëntonënquë yaꞌconëhuahuëꞌ. Co piyapi nanitërinhuëꞌ ayaꞌcoꞌinpoasoꞌ. Co canpoara nohuanton, yaꞌconëhuahuëꞌ. Yosëíchin ayaꞌconinpoaꞌ. Ina quëran huiꞌninpita pochin niꞌninpoaꞌ.

Romanos 11:34

“Co insonta inaora Yosë yonquirinsoꞌ nitotërinhuëꞌ. ¡Co incari tërantaꞌ nanitërinhuëꞌ noya noya ayonquicasoꞌ!

1 Corintios 2:16

Quiricanënquë naporin: “¡Co insontaꞌ Yosë yonquirinsoꞌ nitotërinhuëꞌ! ¡Co incari tërantaꞌ nanitërinhuëꞌ ina aꞌchintacasoꞌ!” tënin. Canpoaso nipirinhuëꞌ Quisocristo imapatëhuaꞌ, yonquirinso chachin ayonquiarinpoa huachi.

Efesios 1:11

Inaora nohuanton, acorinpoaꞌ piyapinënpita nicacaso marëꞌ. Quisocristo imapatëhuaꞌ, huiꞌnin pochin niꞌsarinpoaꞌ. Napoaton aꞌna tahuëri Yosëꞌpaꞌ noya noya acoarinpoaꞌ. Iráca chachin yonquirinpoaꞌ niꞌton, huëntonënquë ayaꞌconinpoaꞌ.