Isaías 35:3 - Chayahuita (Shahui)

³ Sanpatërëso pochin cancantopisopita, achinicancancoꞌ. Canotërëso pochin cancantopisopitantaꞌ, catahuaco chiníquën cancanchinaꞌ.

Isaías 35:3 ပူးပေါင်းရင်းမြစ်များ

Esdras 1:6

Ina nicatona niyacapapisopitari prata, oro, maꞌsha paꞌton nininsopita, pëꞌtahua, inapita quëran catahuapi. Naporahuaton inahuara nohuanton Yosë chinotacaso pëi nicacaiso marëꞌ nani maꞌsha acopi.

Éxodo 17:12

Tanpaquën ihuërápaton canotërin niꞌton, Aaron, Ori, inapitari huënsëcaso marëꞌ naꞌpi acotopi. Naporahuaton catoari chachin tanpaquën achinipi niꞌton, co huachi aꞌpamarinhuëꞌ. Piꞌi yaꞌconaquë huarëꞌ co aꞌpamarinhuëꞌ.

Lucas 22:32

Caso nipirinhuëꞌ iyasha, nani Yosë nontërahuë ama aꞌpoancoso marëhuëꞌ. Napoaton co naniantomiatarancohuëꞌ. Noya imaantahuatanco, iyanpita achinicancanquëꞌ, itërin.

Lucas 22:43

Nani nontohuachina, anquëni inápa quëran oꞌmarahuaton, achinirin.

Hechos 18:23

Huaꞌquimiáchin inaquë yaꞌhuërin. Ina quëran naquëranchin yonquirin paaton nasha imapisopita nicacaso marëꞌ. Carasia parti paꞌsahuaton, pënënaꞌpiarin. Naporahuaton, Piriquia partintaꞌ paꞌsahuaton, pënënaꞌpiarin. Aꞌnaya aꞌnaya ninanoroꞌsaquë Quisoso imapisopita achinicancanaꞌpiarin. Achinicancanpachina, noya noya imasapi.

Hebreos 12:12

Napoaton iyaroꞌsaꞌ, chiníquën cancantahuaꞌ. Ama amiatëhuarahuëꞌ, chiníquën Yosë imahuaꞌ. Niꞌcoꞌ. Aquë paꞌpatëra, canotërëꞌ, sacaiꞌ iratërëꞌ. Aꞌnaquëmaꞌ ina pochin cancantatomaꞌ, co huachi yaꞌipi cancanëma quëran Yosë imaramahuëꞌ. Ama huachi canotërëso pochin cancantocosohuëꞌ.

Jueces 7:11

Inaquë paꞌmahuatan maꞌsona nonpisoꞌ natanquëꞌ. Naporoꞌ chiníquën cancantaton, ahuëtaran huachi,” itërin. Napotohuachina, piyapinënë chachin inimicoroꞌsa yaꞌhuëapiꞌpaꞌ paꞌmarin. Aquë aquë aꞌpaitopisopita nisapiquë huarëꞌ yaꞌcariimapi.