Isaías 35:10 - Chayahuita (Shahui)

¹⁰ Siniorori nichaꞌërinsopita Quirosarinquë huënantaponaꞌ. Capa cancantatona cantarëꞌnachin huënantaponaꞌ. Noya yaꞌhuëatona capa cancantaponaꞌ. Co huachi iquitacaisoꞌ yaꞌhuëaponhuëꞌ. Co huachi naꞌnëcaisoꞌ yaꞌhuëaponhuëꞌ.

Isaías 35:10 ပူးပေါင်းရင်းမြစ်များ

Salmos 107:2

Inimicoroꞌsa quëran Sinioro nichaꞌërinpoasopita, napoaꞌahuaꞌ.

Salmos 126:5

Parisitatoi naꞌnërëꞌnachin shaꞌtërai. Napoaponahuëꞌ, shaꞌtëraisoꞌ nanitohuachina, capa cancantatoi masarai.

Salmos 14:7

¡Maꞌcha Quirosarin quëran Sinioro huëꞌsahuaton, israiroꞌsanpoa nichaꞌërinpoahuë paya! Piyapinënpitanpoa nipirëhuahuëꞌ, aꞌna parti quëninënpoaꞌ. Sinioro nohuanton yaꞌhuërëhuaquë panantahuatëhuaꞌ, Cacopo shinpitanpoa noya ancantarihuaꞌ. Yaꞌipi israiroꞌsanpoa napoarihuaꞌ.

Salmos 51:8

Co noyahuëꞌ nicato chiníquën sëtopirahuëꞌ. Anoyacancantohuatanco, capa cancantarahuë huachi.

Salmos 84:7

Yaꞌcaritapona pochin, chini chiníquën cancantëraponaꞌ. Quirosarinquë canconpachinara, Yosë chachin quënanëso pochin nicaponaꞌ.

Isaías 1:27

Quirosarinquë yaꞌhuëpisopita casáchin tahuërëtaantahuachinaco, nichaꞌësarahuë. Caso noyaco niꞌto, napotarahuë.

Isaías 30:19

(-)

Isaías 35:2

Nirio yanco huësoatërinso pochin capa cancantomiachin. Yosë nohuanton Nipano tanan pochin nicapon. Carmiro motopi, Saron motopiana, inapita noyaroꞌparoꞌsaquë pochin nani maꞌsha shaꞌpachinaꞌ, noya noyatapon. Inapohuachinaꞌ, Yosë chini chiníquën nanantërinsoꞌ niꞌsapi. Noya noya nininsoꞌ yaꞌnopon huachi.

Isaías 41:14

Canpitaso israiroꞌsanquëmaꞌ, co naꞌashanquëmahuëꞌ. Chaꞌcho co chinirinsohuë pochin nipiramahuëꞌ, carima chachin catahuaranquëmaꞌ. Caso Yosëco noyasáchin ninahuë niꞌton, chinotëramaco. Carinquëma nichaꞌësaranquëmaꞌ.

Isaías 41:16

Trico pintiarëso pochin nitohuatamaꞌ, panca ihuani quiquirinso pochin yaꞌipi inimiconëmapita ataꞌhuantapomaꞌ. Canpitaso napoaponahuëꞌ, Sinioro yonquiatoma capa cancantaramaꞌ. Naporahuatomaꞌ: ‘Ma noyacha Sinioro imarai paya,’ tosaramaꞌ. Caso noyasáchin ninahuë niꞌton, Israiro chinotërinco.

Isaías 60:20

Piꞌisoꞌ, co huachi yaꞌconaponhuëꞌ. Yoquinta co huachi ayamaponhuëꞌ. Caso Sinioroco aꞌpintomiataranquëmaꞌ. Inapotatënquëmaꞌ, sëtëramasoꞌ inquitaranquëmaꞌ.

Isaías 61:7

Canpitasoꞌ inimiconëmapita naꞌcon naꞌcon noꞌhuitënëmaꞌ, taparo nitërinëmaꞌ. Paninanoꞌsa naꞌcon naꞌcon maꞌsha quëtopiso pochin nitërënëmaꞌ. Napoaton yaꞌhuëramaso noꞌpaquë chachin naꞌcon naꞌcon capa cancantomiatapomaꞌ. Paninanoꞌsa naꞌcon naꞌcon paꞌton nininsopita quëtopiso pochin nitaponëmaꞌ,” tënin.

Isaías 65:18

Inapoarahuëso yonquiatomaꞌ, capa cancantomiatocoꞌ. Noya noya yaꞌhuëcaiso marëꞌ aꞌna Quirosarin acoarahuë. Ina yaꞌhuëhuachin, capa cancantatona inaquë yaꞌhuëaponaꞌ.

Isaías 65:19

Ina ninano yonquiato capa cancantarahuë. Piyapinëhuëpitanta yonquiato, capa cancantarahuë. Inaquësoꞌ, co huachi onporonta naꞌnëponahuëꞌ. Co huachi napion ancantatonaꞌ, nontaponacohuëꞌ.

Mateo 20:28

Cantaꞌ Yosë quëran quëmapico niporahuëꞌ, co aꞌnapita camaicaꞌhuaso marëꞌ oꞌmarahuëꞌ. Piyapiꞌsaꞌ catahuacaꞌhuaso marëꞌ oꞌmarahuë. Chiminarahuë naꞌa piyapiꞌsaꞌ nichaꞌëcaꞌhuaso marëꞌ, itërin Quisosori.

Juan 16:22

Inapochachin canpitantaꞌ ipora sëtapiramahuëꞌ, naquëranchin quënaantaranquëmaꞌ. Naporoꞌ nóya cancantaramaꞌ. Co huachi insontaꞌ nanitarinhuëꞌ asëtainëmasoꞌ. Nóya cancantomiataramaꞌ.

1 Timoteo 2:6

Quisocristo inaora nohuanton, nichaꞌëinpoaso marëꞌ chiminin. Chiminaton, oshanënpoaꞌ inquitërinpoaꞌ. Tahuëri nanihuachinaꞌ, Yosë yanichaꞌërinpoasoꞌ anitotërinpoaꞌ.

Judas 1:21

Inapotatomaꞌ, nani tahuëri nóya cancantocoꞌ Yosë nosoroꞌinquëmaꞌ. Ina naꞌcon nohuantocoꞌ. Quisocristo yonquiatomaꞌ, oꞌmantacasoꞌ tahuëri ninacoꞌ. Oꞌmantahuachin, nosoroatonpoaꞌ, chimirin quëran nichaꞌësarinpoaꞌ. Yosëꞌpaꞌ nanpimiatarihuaꞌ.

Apocalipsis 18:20

Yaꞌipi inápaquë yaꞌhuëramasopitaso nipirinhuëꞌ, ama ina marëꞌ sëtocosohuëꞌ. Imaramaꞌ niꞌton, noya cancantocoꞌ. Aparisitopirinënquëmahuëꞌ, nani Yosëri anaꞌintërin huachi. Ina marëꞌ Quisoso caꞌtaninsopita, pënëntonaꞌpiroꞌsaꞌ, inapitantaꞌ noya cancanchinaꞌ.

Apocalipsis 21:4

Yosëri chachin naꞌnëiꞌ amirayatarin. Co huachi chiminaponahuëꞌ. Co huachi sëtaponahuëꞌ. Co huachi naꞌnëponahuëꞌ. Co piꞌpisha tërantaꞌ iquitaponahuëꞌ. Iráca naꞌcon parisitopirinahuëꞌ, co huachi ina pochin yaꞌhuaponahuëꞌ. Noya noya yaꞌhuaponaꞌ, tënin.