Isaías 35:1 - Chayahuita (Shahui)

¹ Inotëroquëso co manta noyatatonhuëꞌ, sëtatë pochin noꞌpaꞌ nisárin. Napopirinhuëꞌ, Yosë nohuanton noyatohuachinaꞌ, capa ancantonaꞌpi pochin nisarin.

Isaías 35:1 ပူးပေါင်းရင်းမြစ်များ

Salmos 96:12

¡Sharoꞌsanta noya noyataponaꞌ! Nararoꞌsantaꞌ, capa cancantërëso pochin noya noyataponaꞌ.

Isaías 40:3

Natanco, aꞌna quëmapi chiníquën shaꞌhuirarin: “Sinioro yaoꞌmarin niꞌton, ira tapacoꞌ. Inotëroquë ira yaꞌhuërinso ótëcoꞌ. Panënoꞌsa papatahuatomaꞌ, iconantërinsopita mëntarotocoꞌ. Naꞌpiroꞌsanta chiꞌhuincacoꞌ. Inapochachin canpitantaꞌ, cancanëma anoyatocoꞌ.

Isaías 42:11

Ninanoroꞌsa inotëroquë yaꞌhuërinsopita, ina chinotatona capa cancanchinaꞌ. Quitaro huënton piyapiroꞌsantaꞌ, nëꞌmëtë pëinënaquë capa cancanchinaꞌ. Sira ninanoquë yaꞌhuëpisopitantaꞌ, capa cancantatona cantainaꞌ. Motopiroꞌsa huiꞌnimotëna quëran huarëꞌ chiníquën cantainaꞌ.

Isaías 43:19

Aꞌna huachi nasha nisarahuë. Ipora chachin naporahuësoꞌ niꞌsaramaꞌ. Naquëranchin inotëroquë ira aꞌpatë pochin nisarahuë. Co manta maꞌsha noyatërinquëhuëꞌ, iroꞌsa acoarahuë.

Isaías 6:11

Napotohuachincora, natanahuë: “¿Onporo huaꞌquita Sinioro ina pochin cancantaponaꞌ?” itohuatora: “Ninanoroꞌsa ataꞌhuantohuachinaꞌ, tanahuantápai huarëꞌ napoapi. Pëiroꞌsaꞌ, iminoꞌsaꞌ, inaquëpitanta sacorápona huachi.

Isaías 7:21

Ina tahuëriꞌsa nanihuachin, inso tëranta aꞌnara ohuacaꞌ, cato ohuica, inaíchin pëꞌtahuaponahuëꞌ, notohuaroꞌ shoꞌshoiꞌ ocoiapon. Atachirotatonpita capon. Ninoiꞌ iroapon, napoapon. Inimicoroꞌsari quiquicaiso nipirinhuëꞌ chaꞌëpisopitasoꞌ, tëhuënchachin inapoaponaꞌ.

Ezequiel 36:35

Ina nicatonaꞌ: “Iso noꞌpaso tananhuantápirinhuëꞌ. Iporasoꞌ shaꞌtantatona noya noya acopi. Itinquë nararo yaꞌhuërinso pochin yaꞌnorin. Ninanonënapitanta ataꞌhuantatona tapitopirinahuëꞌ, iporasoꞌ naquëranchin noya niacorapitonaꞌ, yaꞌhuëantarapi,” taponaꞌ.