Isaías 33:6 - Chayahuita (Shahui)

⁶ Ina nohuanton chachin inaquë noya yaꞌhuëaponaꞌ. Inaquë yaꞌhuëpisopitasoꞌ, yonquínahuan nicatonaꞌ, nitotonoꞌsa nicaponaꞌ. Inapoatona chaꞌëponaꞌ. Sinioro tëꞌhuatatona natëpi niꞌton, maꞌsha paꞌton nininsoꞌ quënanëso pochin nipi.

Isaías 33:6 ပူးပေါင်းရင်းမြစ်များ

Copo naporinso' 4:6

Quëmasoꞌ noꞌtëquën Yosë natëran. Inapoaton noyasáchin ninan. Naporan nichinapon chachin, ‘Yosë mini anoyataantaponco,’ tëquëꞌ.

Isaías 11:9

Yaꞌipi huaꞌanëntërinquë noyasáchin nicaponaꞌ. Co insonta aꞌnapita maꞌsha onpotaponhuëꞌ. Marë iꞌshari mëntaitërinso pochachin yaꞌipiroꞌpaquënta Sinioro nohuitapi.

Isaías 32:17

Noyasáchin nicatonaꞌ, sano yaꞌhuëaponaꞌ. “Sinioro catahuarincoi,” tëcatonaꞌ, noya yaꞌhuëmiataponaꞌ.

Isaías 32:18

Sano yaꞌhuëpiquë piyapinëhuëpita yaꞌhuëaponaꞌ. Noyá acopinan pëiroꞌsaquë, nóya yaꞌhuëaponaꞌ. Tananoꞌsa aꞌnëatona tiquipirinahuë tërantaꞌ, ninanonta minsërahuatona taparo nitopirinahuë tërantaꞌ, canpitaso noya yaꞌhuëatomaꞌ, capa cancantomiataramaꞌ. Shaꞌtëramaso oporapitamaso marëꞌ, notohuaroꞌ iꞌsha yaꞌhuëtaponquëmaꞌ. Pastontaꞌ, tororoꞌsaꞌ, moraroꞌsaꞌ, inapita capacaiso marëꞌ co pahuanaponhuëꞌ.

Isaías 33:20

Quirosarin ninano niꞌcoꞌ. Inaquë nani piꞌiquë pita naꞌhuëcaso marëꞌ paꞌnëhuaꞌ. Inaso ninanoꞌ, noyá acopinan yaꞌhuërin huachi. Sontaroꞌsa nëꞌmëtë pëinëna noya ótënpiso pochin ninin. Inapita achinicaiso marëꞌ noninënpitasoꞌ, co incari tëranta oshitëaponhuëꞌ. Naranënpita paꞌhuacopisontaꞌ, co incari tëranta opanaponhuëꞌ.

Isaías 45:17

Israiroꞌsanpoaso nipirinhuëꞌ, Sinioro nichaꞌërinpoaꞌ. Yaꞌhuëmiatacaso marëꞌ nichaꞌërinpoaꞌ. Co onporonta taparo nisarëhuahuëꞌ.

Jeremías 31:34

Co huachi insonta aꞌnapita aꞌchintaponhuëꞌ. Co iin nontaton: ‘Sinioro nohuitëquëꞌ,’ co itaponhuëꞌ. Yaꞌipiya quëran nohuitarinaco. Huaꞌhuishinoꞌsa quëran mashoroꞌsaquë huarëꞌ nohuitarinaco niꞌton, co huachi niaꞌchintaponahuëꞌ. Inapitasoꞌ co noyahuëꞌ nicatona oshahuanpirinahuëꞌ, oshanëna inquitato nanan anoyatarahuë. Ca Sinioroco shaꞌhuitaranquëmaꞌ,” tënin.

Habacuc 2:14

Inapotohuatënquëmaꞌ, Iꞌshari marë mëntatërinso pochin yaꞌipi isoroꞌpaquë yaꞌhuëpisopita chini chiníquën nanantërahuëso nitotapi.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

2 Corintios 6:10

Sëtopiraihuëꞌ, Yosë yonquiatoi, noya cancantërai. Co naꞌcon maꞌsha yaꞌhuëtopirincoihuëꞌ, Yosë nanamën aꞌchintërai niꞌton, naꞌa piyapiꞌsaꞌ natëtonacoi, noya noya cancantapi. Co mantaꞌ yaꞌhuëtopirincoihuëꞌ, Yosë nohuitatoi, sano cancantërai. Co mantaꞌ noya nininsoꞌ pahuantërincoihuëꞌ.

1 Timoteo 4:8

Nani tahuëriya sacatohuatëhuara, chinipirëhuahuëꞌ, noya noya Yosë imacasoꞌ yonquihuatëhuaꞌ, achinicancaninpoaꞌ. Achinicancanpachinpoaꞌ, noya noya nisarëhuaꞌ, tënahuë. Noya noya imapatëhuaꞌ, isoroꞌpaquë noya nanpiarëhuaꞌ. Aꞌna tahuërintaꞌ Yosëꞌpaꞌ nanpimiatarihuaꞌ.

1 Timoteo 6:6

Noꞌtëquën Yosë imapatëhuaꞌ, tëhuënchachin canamiatarihuaꞌ. Co naꞌa maꞌsha yaꞌhuëtopirinpoahuëꞌ, sano cancantohuatëhuaꞌ, nóya yaꞌhuarihua huachi.