Isaías 32:14 - Chayahuita (Shahui)

¹⁴ Noya pëiroꞌsa yaꞌhuëtërinquëmaso patapomaꞌ. Ninanoquënta notohuaroꞌ yaꞌhuëpiramahuëꞌ, tanahuantápon. Noyá niacorapiramasopitantaꞌ, patomiatarama huachi. Tanan moraroꞌsa inaquë noya yaꞌhuëaponaꞌ. Nisha nisha pëꞌtahuaroꞌsanta inaquë coshataponaꞌ.

Isaías 32:14 ပူးပေါင်းရင်းမြစ်များ

2 Reyes 25:9

Inasoꞌ, sontaronënpitarë chachin Yosë chinotacaso pëi iꞌchinpitërin. Copirno huaꞌanëntërinso pëiꞌ, yaꞌipi noya noya pëi nipisopita, inapitanta inapotërin.

Salmos 104:11

Inaquë tanan maꞌsharoꞌsa oꞌopi. Tanan moraroꞌsanta ina oꞌotonaꞌ, yamoro inquipi.

Isaías 6:11

Napotohuachincora, natanahuë: “¿Onporo huaꞌquita Sinioro ina pochin cancantaponaꞌ?” itohuatora: “Ninanoroꞌsa ataꞌhuantohuachinaꞌ, tanahuantápai huarëꞌ napoapi. Pëiroꞌsaꞌ, iminoꞌsaꞌ, inaquëpitanta sacorápona huachi.

Isaías 7:23

Ina tahuëriꞌsa nanihuachin, iminoꞌsa pantatápon. Aꞌnaquën oparo huaranca yaꞌhuë yaꞌhuëtërinsoꞌ, huarancatë coriqui paꞌtopirinhuëꞌ, pantataton, shihuarino niantapon.

Jeremías 14:6

Tanan moraroꞌsanta tomaroꞌtë panënoꞌsaquë huanitonaꞌ, asaniroꞌsa pochin ihuansaꞌ oꞌhuaconpi. Capa pasto niꞌton, tana tapinantopitërapi,” tënin.

Oseas 2:3

Coꞌsoꞌ natëtohuachinhuëꞌ, sanapi noyá iꞌnanpiratahuatona patopiso pochin canpita noꞌpanëma nitarahuë. Yaꞌnan acoapo yaꞌhuërinso pochin acoarahuë. Noꞌpaꞌ yaniro nipachina, sharoꞌsa iꞌsha pahuanin quëran taquipiso pochin nitarahuë.

Miqueas 3:12

Naporamaso marëꞌ chinotëramacoso pëi ohuatapona niꞌton, pantatápon. Quirosarin ninanontaꞌ, ina pochachin nitapi,’ tënahuë,” tënin.

Lucas 21:20

Notohuaroꞌ sontaroꞌsaꞌ nisha parti quëran huëcatonaꞌ, Quirosarin tancapitapi. Ina niꞌpatamaꞌ, nani tahuëri nanirinsoꞌ nitotaramaꞌ. ‘Quirosarin ataꞌhuantapi,’ tosaramaꞌ.

Lucas 21:24

Inimicoroꞌsaꞌ huëcatonaꞌ, naꞌa piyapiꞌsaꞌ sahuëniquë tëparapi. Nisha nisha sontaroꞌsari yaꞌhuëpiquë quëparapi asacatacaiso marëꞌ. Nisha piyapiꞌsaꞌ Quirosarinquë yaꞌconahuatonaꞌ, camaitapi. Huaꞌquiꞌ inaquë yaꞌhuaponaꞌ. Tahuërinën nanihuachina, Yosë nohuanton, pipiapi.