Isaías 32:10 - Chayahuita (Shahui)10 Iporaso mini noya yaꞌhuëapiramahuëꞌ, aꞌna piꞌi naꞌcon quëran pochin, paꞌyanatoma ropatapomaꞌ. Cosharoꞌ, oꞌoiꞌ, inapita pahuantaponquëma niꞌton, napoaramaꞌ. အခန်းကိုကြည့်ပါ။ |
Monshihuantë sanapisoꞌ, monshinpitarëꞌ poꞌninso marëꞌ maꞌsha quëtopi. Inapochachin israiroꞌsantaꞌ: ‘Mamanshi catahuarincoi niꞌton, oparoroꞌsaꞌ, iquiraroroꞌsaꞌ, inapita noya noya yaꞌhuëtërincoi,’ toconpi. Napopiso marëꞌ ina oparoroꞌsaꞌ, iquiraroroꞌsaꞌ, inapita, ataꞌhuantarahuë. Tanan maꞌsharoꞌsari pëꞌyapon. Ina noꞌparoꞌsantaꞌ, pacananoꞌsa atarantapo.
Inapochachin israiroꞌsantaꞌ, huaꞌqui co copirnohuanhuëꞌ nicaponaꞌ. Co maꞌsha huaꞌan tëranta yaꞌhuëtaponahuëꞌ. Chinotacaiso marëntaꞌ, co maꞌsha tëpaponahuëꞌ. Naꞌpiraꞌhuaroꞌsa Yosë nohuantërinsoꞌ nitotacaiso marëntaꞌ, co huachi yaꞌhuëaponhuëꞌ. Co huachi aꞌnaya tëranta corto huaꞌan yaꞌhuëaponhuëꞌ. Pëinënaquë mamanshiroꞌsa yaꞌhuëtopisopitantaꞌ, capa nisarin.
Inapotohuachina cantaꞌ, capa cancantarahuë. “Sinioro nichaꞌërinco huachi,” taꞌto napoarahuë. Iquiraroꞌsa co yancotopirinahuëntaꞌ, Sinioro chinotarahuë. Shaꞌtërëhuasopita co nitopirinahuëntaꞌ, napoarahuë. Ohuica huëntonoꞌsa capa nipirinahuëꞌ, ohuacaroꞌsanta pëinënaquë capa nipirinahuëꞌ, naporonta ina chinotarahuë.