Isaías 31:5 - Chayahuita (Shahui)

⁵ Inairanta huaꞌhuinpita paꞌpoyaton, pëꞌpëtën aipi yanpo yanpónantarin. Inapochachin canta yaꞌipi nanitapato, Quirosarin aꞌpaiapo, paꞌpoyapo, nichaꞌëpo, inapotapo.

Isaías 31:5 ပူးပေါင်းရင်းမြစ်များ

Génesis 1:2

Naporoꞌ isoroꞌpasoꞌ, co ipora pochin nishátërarinhuëꞌ. Yaꞌipi marësáchin ninin, paꞌpi anpotërin. Tashiri noyá iꞌcopitërin. Naporo chachin Yosë ispiritonënsoꞌ, iꞌ aipi yanpo yanpónantarin.

2 Reyes 19:34

Cari chachin iso ninano paꞌpoyato nichaꞌësarahuë. Piyapinëhuë Tapi natërinco niꞌton, napoarahuë. Ca napoarahuë niꞌton, inapotaꞌhuanquëmaso yaꞌhuërin,” tënin Sinioro, itërin.

Salmos 37:40

Siniorori catahuararin taꞌacasoꞌ. Inpioroꞌsari maꞌsha yaonpotërin quëran taꞌacasoꞌ catahuapon. Paꞌpoyacaso marëꞌ ina nontopi niꞌton, nichaꞌësarin.

Salmos 46:5

Yosë chachin inaquë yaꞌhuërin niꞌton, co incari tëranta minsëarinhuëꞌ. Tahuëririahuachina Siniorori catahuararin.

Salmos 46:6

Ina nonpachina, isoroꞌpaꞌ soquiarin huachi. Nacionoꞌsaquë nisha nisha copirnoroꞌsari huaꞌanëntërinso noꞌhuitapirinahuëꞌ, ropatatona huaꞌya huaꞌyantáponaꞌ.

Salmos 91:4

Anpiantëhuanoꞌsa huaꞌhuina toꞌcohuëtopiso pochin aꞌpaiarinpoaꞌ. Aꞌpaiarinpoa niꞌton, sano yaꞌhuëarihuaꞌ. Iscoto yaꞌcopirinpoaso pochin noꞌtëquën noninso paꞌpoyararinpoaꞌ.

Éxodo 19:4

Nani niꞌnama iquipitoroꞌsa anaꞌintërahuësoꞌ. Canpitaso noya aꞌpaiatënquëma yaꞌhuërahuëquë huarëꞌ quënanquëmaꞌ. Panca onian anpiantënquë huaꞌhuin aꞌmitahuaton quëparin. Inapochachin carimantaꞌ, noya quënanquëmaꞌ.

Isaías 35:4

Tëꞌhuanaꞌpiroꞌsanta shaꞌhuitatomaꞌ: “¡Chiníquën cancantocoꞌ! ¡Ama paꞌyancosohuëꞌ! Sinioro oꞌmararin nichaꞌëinquëmaso marëꞌ. Inimiconëmapitasoꞌ, noꞌtëquën iꞌhuërëtarin,” itocoꞌ.

Zacarías 9:14

Piyapinënpita ahuëtacaiso marëꞌ paꞌpachinara, inapita yaꞌhuëapiso aipi Sinioro yaꞌnopon. Shinërënënpita quëran inantohuachin, oꞌcori pochin nisharápon. Tronpita pihuirahuaton, pëꞌnatë parti quëran ihuan huëꞌninso huáncana huëcapon.

Deuteronomio 32:11

Panca onian yaquëpatërinsoꞌ, yonquicoꞌ. Huaꞌhuinpita yaquëpaton yanpo yanpónantarin. Aꞌnara tëniton atatërin. Anotapirinhuëꞌ, naꞌhuëtëramarahuaton anpiantën quëran pancapirin. Inapotaton quëpanantarin. Ina pochachin Sinioronta nitatonpoaꞌ, aꞌchintërinpoaꞌ. Nisha nisha huëhuëpiro quëran ocoirinpoa aꞌnitotiinpoaso marëꞌ.