Isaías 31:2 - Chayahuita (Shahui)

² Co chinotopiramahuëꞌ, inaso yonquínahuan niꞌton, maꞌsha onpotiinquëmasoꞌ nitotërin. Maꞌsona nicacasoꞌ shaꞌhuihuachina, ina inachachin nisarin. Inasoꞌ, co noyahuëꞌ nipisopita ataꞌhuantapon. Inapita catahuapisopitantaꞌ, inapotapon.

Isaías 31:2 ပူးပေါင်းရင်းမြစ်များ

Copo naporinso' 5:13

Yonquinahuanoꞌsasoꞌ, yamonatopi. Napopirinahuëꞌ, Yosëso yonqui yonquínahuan niꞌton, minsëaton atapanarin. Piyapiꞌsa maꞌsha onpotacaisoꞌ yonquipirinahuëꞌ, Yosëri yonquipiso tapiarin.

Isaías 1:4

Oshahuanacasoráchin cancantëramasopita, ¡maꞌhuantacha nisarama paya! Canpitaso paꞌpi co noyahuëꞌ ninamaꞌ. Co noyahuëꞌ nipisopita huiꞌnarinquëmaꞌ. Nitapicancamiatëramaꞌ. Aꞌporamaco. Naporamaꞌ. Caso Yosëco noyasáchin ninahuë niꞌton, Israiro chinotërinco. Inaco nipirahuëꞌ, aꞌporamaco.

Isaías 30:3

Napopiramahuëꞌ, inaso co catahuainquëmaso nanitarinhuëꞌ. Sanohuaninquë naꞌirëso pochin nicamaso marëꞌ Iquipitoquë paꞌmaramasoꞌ, atapanaponquëmaꞌ.

Isaías 31:3

Iquipitoroꞌsasoꞌ, co yosëroꞌsahuëꞌ. Topinan piyapiroꞌsa inahuantaꞌ. Cahuarionënapitantaꞌ, topinan maꞌsharoꞌsaꞌ, co ispiritoroꞌsahuëꞌ. Siniorori anaꞌintacaso nanihuachin, paꞌpoyapisopita taꞌhuantaponaꞌ. Paꞌpoyatonaꞌpiroꞌsanta napoaponaꞌ. Yaꞌipi napopináchin quiraquë taꞌhuantaponaꞌ.

Isaías 32:6

Co noyahuëꞌ nipisopitasoꞌ, naponin nonaponaꞌ. Yonquinënaquë co noyahuëꞌ nicacaisoꞌ yonquiapi. Mantanta nicatonaꞌ, co Yosë pënëntërinsoꞌ natëpihuëꞌ. Sinioropita yanonpinapipitërapi. Tanapisopita co aꞌcapihuëꞌ. Yamoropisopitantaꞌ, co yaoꞌshitopihuëꞌ.

Isaías 45:7

Ca nohuanton tahuëri yaꞌhuërin. Ca nohuanton chachin tashinta yaꞌhuërin. Ca nohuanton noya yaꞌhuëpi. Ca nohuanton chachin maꞌsha onpopi. Ca Sinioroco, yaꞌipi inapita acorahuë.

Jeremías 36:32

Napotohuachincora, aꞌna soꞌnanpi quirica maantarahuato, Paroco ninshitonaꞌpi quëtërahuë. Ina quëran iꞌhua Coaquin copirnori ahuiquitërinquë yaꞌhuërinso pochachin aninshitaantarahuë. Iꞌhua aninshitërahuë quëran, naꞌcon naꞌcon pochin aninshitocoantarahuë.

Amós 3:6

Ninanoquë pomon irinpachina, piyapiꞌsa paꞌyanpi. Ninanoquë maꞌsha onpohuachinara, ca camaitërahuë niꞌton, napoarin.

Números 10:35

Yosë caposonëonta ipora quëpasoi chachin, Moisësë Yosë nontarin: “¡Huanitë pochin nicaton Sinioro, inimiconënpita aꞌpaquëꞌ! Co quëꞌyarinënquënsopitahuëꞌ nicatënën, taꞌainaꞌ,” itërin. Nani yapaꞌpiquë naporin.

Números 23:19

Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Mateo 24:35

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipi shaꞌhuitëranquëmaso chachin naniarin huachi.

Romanos 16:27

Yosëíchin chinotacasoꞌ yaꞌhuërin. Inaíchin yaꞌipi nitotërin. Quisocristo catahuarinpoaꞌ noya noya ina chinotacaso marëꞌ. Ipora quëran huarëꞌ inasáchin chinotahuaꞌ. Ama onporontaꞌ naniantahuasohuëꞌ. Amen. Nani ninshitëranquëma huachi. Paono

1 Samuel 2:3

Ama inso tëranta nocanchinsohuëꞌ. Ama aquëtëꞌ: ‘Ca tëhuënchinsoꞌ,’ chinasohuëꞌ. Siniorosoꞌ Yosë niꞌton, yaꞌipi naporëhuaso nitotërin. Pëꞌtënatë quiro nitotërëso pochin, naporëhuaso nitotaton, noꞌtëquën shaꞌhuitarinpoaꞌ.