Isaías 31:1 - Chayahuita (Shahui)

¹ Iquipitoroꞌsari catahuacaiso marëꞌ paapapisopita, ¡maꞌhuántacha nisapi paya! “Cahuarioroꞌsaꞌ, naꞌa sontaroꞌsa toronanquë paꞌpisopita, notohuaroꞌ cahuarioquë paꞌpisopita sontaroꞌsaꞌ, inapita catahuaponacoi,” topisopitantaꞌ, ¡maꞌhuantacha nisapi paya! Co Siniorori catahuacaiso ninapihuëꞌ. Inasoꞌ noyasáchin ninin niꞌton, Israirori chinotërin. Napoaponahuëꞌ, co ina nontopihuëꞌ. Ina marëꞌ ¡maꞌhuantacha nisapi paya!

Isaías 31:1 ပူးပေါင်းရင်းမြစ်များ

Génesis 47:17

Napotohuachina iquipitoroꞌsasoꞌ, pëꞌtahuanëna quëshipi: Cahuarionënaꞌ, ohuicanënaꞌ, ohuacanënaꞌ, moranënaꞌ, inapita quëshipi. Inapita marëꞌ naporo piꞌiquë trico canpiatërin.

Copo naporinso' 39:11

Chiníquën niꞌton, catahuainquënso marëꞌ camaihuatan, ¡co onporo catahuaponquënhuëꞌ!

Isaías 30:16

Co yanatëtomarahuëꞌ naporamaꞌ: “Coꞌchi paya. Cahuarioquë tëhuënchinso yaꞌmitëahuatoi taꞌapoi,” toconamaꞌ. Naporama niꞌquëhuarëꞌ, taꞌacamasoꞌ yaꞌhuëapon. “Chiníquën taꞌanaꞌpi toronanoꞌsaquë taꞌapoi,” tomantaramaꞌ. Naporama niꞌquëhuarëꞌ, chini chiníquën taꞌanapiroꞌsa imaponquëmaꞌ.

Isaías 43:15

Caso Sinioroco. Ca nohuanton israiroꞌsanquëma yaꞌhuëramaꞌ. Caso Yosëco noyasáchin nicato huaꞌanëntëranquëmaꞌ,” tënin.

Isaías 64:7

Co incoi tëranta chinotërainquënhuëꞌ. Quëmasáchin cancantaꞌhuaisoꞌ, co nohuantëraihuëꞌ. Napoaton naꞌpitatë pochin nitërancoi. Co noyahuëꞌ ninai niꞌton, aꞌporancoi.

Jeremías 2:13

Piyapinëhuëpitasoꞌ naꞌcon naꞌcon oshahuanpi. Caso inapita marëꞌ nanpirin iꞌsha huinan pochin nipirahuëꞌ, aꞌporinaco. Naporahuatona iꞌsha tapainanoꞌsa acopirinahuëꞌ, nopoatonpi niꞌton, co iꞌsha yaꞌhuëirinhuëꞌ. Ina pochin niconinsoꞌ imacaiso marëꞌ aꞌporinaco niꞌton, napopi.

Daniel 9:13

Moisësë pënëntërinsoꞌ quiricaquë ninshitërinso pochachin paꞌpi chiníquën parisitërai. Inapoapiraihuëꞌ, co chinotërainquënhuëꞌ. Co noyahuëꞌ ninaisopitanta co aꞌporaihuëꞌ. Noꞌtë nanan aꞌchintërancoisontaꞌ, co imaraihuëꞌ.

Oseas 11:9

Paꞌpi noꞌhuitopirahuë mini, ahuantarahuë. Inapoato co ataꞌhuantantaponquëmahuëꞌ. Caso Yosëco. Co piyapicohuëꞌ. Noyasáchin nicato canpita huáncana nisarahuë. Co ataꞌhuantaꞌhuanquëmaso marëhuëꞌ, oꞌmarahuë,” tënin.

Oseas 14:3

Asiriaroꞌsa co nichaꞌësarincoihuëꞌ. Co cahuarioroꞌsaquë taꞌatoi chaꞌëpoihuëꞌ. Quiyaora mamanshi nicatoi ‘yosënëhuëi,’ itopiraihuëꞌ, co huachi ina pochin nohuitapoihuëꞌ. Quëmasoꞌ Sinioro, saꞌahuaroꞌsa nosororan. Quëmasáchin chinotarainquën,” itahuaꞌ.

Habacuc 1:12

Napotohuachincora, carinta itaantapo: “Sinioro quëmaso Yosënquën niꞌton, chinotëranquën. Noyasáchin nicaton yaꞌhuëmiatëran. Quëmari inapita quëran anaꞌintancoiso marëꞌ papironiaroꞌsa huayonan. Quëmasoꞌ paꞌpoyarápirancoihuëꞌ, anaꞌintancoiso marëꞌ inapita achiniran.

Habacuc 3:3

Timan parti quëran Yosë huëꞌsarin. Inasoꞌ, noyasáchin nicaton Paran motopi quëran huëꞌsarin. Huënaratërinsoꞌ, yaꞌipi piꞌiroꞌtë aꞌpintërin. Yaꞌipi isoroꞌpaquëntaꞌ, inasáchin chinotapi.