Isaías 30:9 - Chayahuita (Shahui)

⁹ Isopitaso piyapinëhuëpita nipirinahuëꞌ, nisha nisha cancantatona co yanatërinacohuëꞌ. Co natantochináchinhuëꞌ cancantatonaꞌ, aꞌchintërahuësonta co nohuantopihuëꞌ natanacaisoꞌ.

Isaías 30:9 ပူးပေါင်းရင်းမြစ်များ

Isaías 1:10

Quirosarin huaꞌanoꞌsanquëmaꞌ. Canpitasoꞌ sotomaroꞌsa huaꞌanëna pochin niconamaꞌ. Comoraroꞌsa pochin nipiramahuëꞌ, Sinioro pënëntërinsoꞌ noya natanco: “Ama huachi maꞌsharoꞌsa ca marëꞌ quëcosohuëꞌ. Naꞌa carniroroꞌsa oshanëma marëꞌ yaꞌipi ahuiquitaramaꞌ. Toroaꞌhuaroꞌsanta tomaquën ahuiquitaramaꞌ. Tororoꞌsaꞌ, ohuicaroꞌsaꞌ, chiporoꞌsaꞌ, inapita huënainënantaꞌ, co huachi noya niꞌnahuëꞌ.

Isaías 1:2

Piꞌiroꞌtëquë, isoroꞌpaquë, inaquëpita yaꞌhuëramasoꞌ, yaꞌipinquëma Sinioro noninso natancoꞌ: “Huiꞌnahuëpita huaꞌhuishin quëran huarëꞌ asoꞌsorahuë. Inapotopirahuëꞌ, inahuaso co natërinacohuëꞌ.

Isaías 1:4

Oshahuanacasoráchin cancantëramasopita, ¡maꞌhuantacha nisarama paya! Canpitaso paꞌpi co noyahuëꞌ ninamaꞌ. Co noyahuëꞌ nipisopita huiꞌnarinquëmaꞌ. Nitapicancamiatëramaꞌ. Aꞌporamaco. Naporamaꞌ. Caso Yosëco noyasáchin ninahuë niꞌton, Israiro chinotërinco. Inaco nipirahuëꞌ, aꞌporamaco.

Isaías 30:1

Siniorori israiroꞌsa pënënaton itapon: “Canpitaso huiꞌnahuëpita pochin nipiramahuëꞌ, iráca quëran huarëꞌ co yanatëramacohuëꞌ. Maꞌsona tëranta nicacasoꞌ yonquihuatamara, co chinotëramacohuëꞌ. Co carima ayonquipiranquëmahuëꞌ, maꞌpitaso yaninamaꞌ. Inapoatomaꞌ, naꞌcon naꞌcon oshahuanamaꞌ. Ina marëꞌ canpitasoꞌ, ¡maꞌhuantacha nisarama paya!

Isaías 63:8

Inapita yonquiaton Sinioro tënin: “Inapitasoꞌ piyapinëhuëpita. Co onporonta nonpintarinacohuëꞌ,” tënin. Napoaton maꞌsha onpotohuachinara, inaora chachin maꞌsha onpotapiso pochin ninatanin. Ina pochin cancantaton nichaꞌësarin. Co aꞌna aꞌpaton nichaꞌësarinhuëꞌ. Inaora chachin paꞌsahuaton nichaꞌësarin. Nosoromiataton inapotarin. Opatëahuatë iporëso pochin nitarin. Iráca quëran huarëꞌ napotërinsoꞌ, inachachin nisárin.

Isaías 65:2

Co natantochináchinhuëꞌ cancantopisopita catahuacaꞌhuaso marëꞌ, nani tahuëri imirahuë ihuëtatë pochin nitërahuë. Inahuara nohuantopisoꞌ nicatona pëshonpirinahuëꞌ, inapotërahuë.

Jeremías 7:13

Canpitantaꞌ, co noyahuëꞌ ninamasoꞌ aꞌpocaso marëꞌ naquëranchin naquëranchin pënënanquëmaꞌ. Inapotopiranquëmahuëꞌ co yanatëramacohuëꞌ. Co natanamacoso tëranta nohuantëramahuëꞌ. Caso Sinioroco shaꞌhuitaranquëmaꞌ.

Jeremías 7:28

‘Canpitaso Sinioro yaotëatënquëma napotopirinquëmahuëꞌ, co nohuantëramahuëꞌ natëtamasoꞌ. Co ótëinquëmaso tëranta nohuantëramahuëꞌ,’ itëquëꞌ,” itërinco.

Jeremías 9:3

Sinioro naporin: “Israiroꞌsasoꞌ, pëꞌchinanquë shinërë aꞌparëso pochin nonpinchináchin cancantopi. Co huachi noꞌtëquën nonpihuëꞌ. Ninonpintápi. Napoaton aquë aquëtë co noyahuëꞌ yaꞌhuëpi. Co insonta yanohuitërincohuëꞌ. Ca Sinioroco shaꞌhuitaranquëmaꞌ:

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.

Deuteronomio 32:20

Napoaton naporin: ‘Tëhuënchachin co noyahuëꞌ nipi. Huiꞌnahuëpita pochin niꞌpirahuëꞌ, co huachi natërahuëꞌ. Napoaton aꞌporahuato co huachi catahuapohuëꞌ. ¿Onpoꞌina taꞌma paꞌ? tënahuë.

Apocalipsis 21:8

Aꞌnapitaso nipirinhuëꞌ parisitáponaꞌ. Ayaroꞌ tahuëri naꞌa piyapiꞌsaꞌ pënquë paꞌsapi. Tëꞌhuatonaꞌ aꞌpopisopita, co natëpisopitahuëꞌ, co natëtochináchinhuëꞌ cancantopisopita, tëpatonaꞌpiroꞌsaꞌ, monshihuaninsopita, pënotonoꞌsaꞌ, mamanshi chinotopisopita, nonpinaꞌpiroꞌsaꞌ, inapita panca sono shaꞌpimoꞌshirë chachin pën tënëntápaquë paꞌsapi. Inaquë parisitáponaꞌ. Huaranca huaranca piꞌipintaꞌ nipirinhuëꞌ, co onporontaꞌ pipiapihuëꞌ.

Apocalipsis 22:15

Aꞌnaquënso nipirinhuëꞌ, co onporontaꞌ Yosë yaꞌhuërinquë paꞌsapihuëꞌ. Niꞌni pochin cancantopisopita, pënotonoꞌsaꞌ, monshihuanaꞌpiroꞌsaꞌ, tëpatoroꞌsaꞌ, mamanshi chinotopisopita, inapita aipiran yaꞌhuëmiatapi. Aꞌnaquëontaꞌ nonpinápi niꞌton, co nohuantapihuëꞌ noꞌtën nanan imacaisoꞌ. Inapitantaꞌ co onporontaꞌ Yosëꞌpaꞌ paꞌsapihuëꞌ.