Isaías 30:3 - Chayahuita (Shahui)

³ Napopiramahuëꞌ, inaso co catahuainquëmaso nanitarinhuëꞌ. Sanohuaninquë naꞌirëso pochin nicamaso marëꞌ Iquipitoquë paꞌmaramasoꞌ, atapanaponquëmaꞌ.

Isaías 30:3 ပူးပေါင်းရင်းမြစ်များ

2 Reyes 18:21

‘Iquipitoroꞌsa catahuaponacoi,’ tënama ipora. Napopiramahuëꞌ, iquipitoroꞌsaso piquiranan nopantë pochin niconpi. Piquiranan nopantëquë piquëëtohuatëra, pápi papitarinpoꞌ. Inapochin Iquipito copirnori yaꞌipi catahuacaiso marëꞌ chinotopisopita nitapon.

Jeremías 2:36

¡Catahuainëmaso marëꞌ ama aꞌna aꞌna yonícosohuëꞌ! Iquipitoroꞌsanta yonípiramahuëꞌ, co manta catahuaponquëmahuëꞌ. Asiriaroꞌsa napotërinquëmaso pochachin inapitanta nitarinquëmaꞌ.

Romanos 10:11

“Insosona Quisocristo natëhuachin, co sëtarinhuëꞌ. Co aꞌpoarahuëꞌ,” tënin Yosë quiricanënquë.

Romanos 5:5

Inasáchin ninahuatëhuaꞌ, tëhuënchachin co naniantarinpoahuëꞌ niꞌton, co tapanarihuahuëꞌ. Ispirito Santo aꞌpatimarinpoaꞌ. Yaꞌcoancantohuachinpoaꞌ: “Ma noyacha Yosë nosororinpoa paya,” tarihuaꞌ. Ispirito Santo chachin Yosë nosororinpoasoꞌ anitotërinpoaꞌ.