Isaías 30:16 - Chayahuita (Shahui)

¹⁶ Co yanatëtomarahuëꞌ naporamaꞌ: “Coꞌchi paya. Cahuarioquë tëhuënchinso yaꞌmitëahuatoi taꞌapoi,” toconamaꞌ. Naporama niꞌquëhuarëꞌ, taꞌacamasoꞌ yaꞌhuëapon. “Chiníquën taꞌanaꞌpi toronanoꞌsaquë taꞌapoi,” tomantaramaꞌ. Naporama niꞌquëhuarëꞌ, chini chiníquën taꞌanapiroꞌsa imaponquëmaꞌ.

Isaías 30:16 ပူးပေါင်းရင်းမြစ်များ

2 Reyes 25:5

Taꞌarapirinahuëꞌ, Papironia sontaroꞌsari imapi. Quirico canonamatë parti icantopi. Inaquë Sitiquiasësoꞌ, sontaronënpitari taꞌananpitona yanquëënanpipi.

Copo naporinso' 39:11

Chiníquën niꞌton, catahuainquënso marëꞌ camaihuatan, ¡co onporo catahuaponquënhuëꞌ!

Salmos 33:17

Cahuarioroꞌsasoꞌ, chiníquënoꞌsaꞌ. Napopirinahuë tërantaꞌ, co ina aipi yaꞌmitëatona chaꞌësapihuëꞌ.

Isaías 31:1

Iquipitoroꞌsari catahuacaiso marëꞌ paapapisopita, ¡maꞌhuántacha nisapi paya! “Cahuarioroꞌsaꞌ, naꞌa sontaroꞌsa toronanquë paꞌpisopita, notohuaroꞌ cahuarioquë paꞌpisopita sontaroꞌsaꞌ, inapita catahuaponacoi,” topisopitantaꞌ, ¡maꞌhuantacha nisapi paya! Co Siniorori catahuacaiso ninapihuëꞌ. Inasoꞌ noyasáchin ninin niꞌton, Israirori chinotërin. Napoaponahuëꞌ, co ina nontopihuëꞌ. Ina marëꞌ ¡maꞌhuantacha nisapi paya!

Isaías 31:3

Iquipitoroꞌsasoꞌ, co yosëroꞌsahuëꞌ. Topinan piyapiroꞌsa inahuantaꞌ. Cahuarionënapitantaꞌ, topinan maꞌsharoꞌsaꞌ, co ispiritoroꞌsahuëꞌ. Siniorori anaꞌintacaso nanihuachin, paꞌpoyapisopita taꞌhuantaponaꞌ. Paꞌpoyatonaꞌpiroꞌsanta napoaponaꞌ. Yaꞌipi napopináchin quiraquë taꞌhuantaponaꞌ.

Amós 9:1

Naquëranchin huaꞌnarëso pochin Sinioro quënaantarahuë. Inasoꞌ, artaro pirayan huaniton shaꞌhuitërinco: “Chinotërinacoso pëi onënënpita aipi motën pochin acotopisoꞌ, ahuëquëꞌ. Inapotohuatan, chinotërinacoso pëi nacontapon. Pairanënpita, pëi aꞌcanpisoꞌ, inapita nacontatona piyapiꞌsa aipi anochinaꞌ. Nopoato nopoatotatonaꞌ, piyapiꞌsa niꞌpiꞌin. Ina quëran chaꞌëpisopitasoꞌ, ca nohuanton sahuëni quëran tëpaponaꞌ. Yataꞌapirinahuëꞌ, co aꞌnaya tëranta chaꞌëponhuëꞌ.

Miqueas 1:13

Naquisi ninanoquë yaꞌhuëramasopita, canpita aꞌchinama quëran israiroꞌsa nisha cancantopi. Quirosarinquë yaꞌhuëpisopitantaꞌ, anishacancantëramaꞌ. Ina marëꞌ canpitantaꞌ, inimico taꞌananpiamaso marëꞌ toronanoꞌsa cahuarioroꞌsaquë aꞌsontocoꞌ.

Habacuc 1:8

Cahuarionënapitasoꞌ, nioparto paꞌpiniroꞌsa quëran chini chiníquën taꞌapi. Inotëro asaniroꞌsa quëran tëꞌhua tëꞌhuatoro yaꞌnopi. Huaꞌhuayátërahuë sontaroꞌsa inapitaquë yaꞌmitëatona paꞌpi. Inimico quënanpachinara, aquëquëranchin pashitaꞌpapi. Panca onian maꞌsha maninso pochin nisapi.