Isaías 2:5 - Chayahuita (Shahui)

⁵ Cacopo shinpitanpoasoꞌ, ¡huëco Sinioro natëahuaꞌ! Piꞌi aꞌpininquë noya paꞌnëso pochin noya yonquiantaꞌahuaꞌ.

Isaías 2:5 ပူးပေါင်းရင်းမြစ်များ

Salmos 89:15

Noya ancantatonaꞌ chinotohuachinën, tëhuënchachin capa cancantapi. Quëmari Sinioro aꞌpintatë pochin quëpaaran niꞌton, noya paꞌsapi.

Salmos 89:16

Nani tahuëri quëma yonquiatënën capa cancantapi. Noꞌtëquënáchin yonquiranso marëꞌ paꞌyatërinën.

Isaías 2:3

Notohuaroꞌ piyapiroꞌsa huëꞌsahuatonaꞌ: “Huëco Sinioro motopinënquë pantaꞌahuaꞌ. Israiroꞌsari chinotërinso pëinënquë pantaꞌahuaꞌ. Pënëntërinsopita aꞌchinchinpoaꞌ. Aꞌchintohuachinpoa noya natëahuaꞌ. Sion motopi quëran Yosë chachin aꞌchintarinpoaꞌ. Quirosarin ninano quëran nanamën aꞌchinapi,” tëcaponaꞌ.

Isaías 58:1

Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Lucas 1:79

Tashinan pochin cancantopirëhuahuëꞌ, aꞌpintatë pochin nitarinpoaꞌ noya nanpicaso marëꞌ. Anoyacancantohuachinpoaꞌ, sano cancantarihuaꞌ,” tënin Sacariasë.

Efesios 5:8

Iráca tashi pochin cancantopiramahuëꞌ, iporasoꞌ Yosë imaramaꞌ niꞌton, anoyacantërinquëmaꞌ tahuëri pochin nicacamaso marëꞌ. Napoaton tahuëri pochin nicoꞌ.

1 Juan 1:5

Noya nanan Quisocristo anitotërincoi. Ina nanan chachin shaꞌhuitaranquëmaꞌ. “Yosësoꞌ noyasáchin ninin. Tahuëri pochin cancantërin. Co piꞌpisha tërantaꞌ tashi pochin cancantërinhuëꞌ,” itërincoi.

1 Juan 1:7

Yosësoꞌ noyasáchin ninin. Tahuëri pochin cancantërin. Canpoantaꞌ tahuëri pochin yonquihuatëhuaꞌ, Yosë nohuitarihuaꞌ. Naporahuaton, noya niniꞌtëhuaꞌ yaꞌhuarihuaꞌ. Huiꞌnin chachin chiminin niꞌton, yaꞌipi oshanënpoaꞌ inquitarinpoaꞌ. Huënainën quëran anoyacancantarinpoaꞌ.