Isaías 11:3 - Chayahuita (Shahui)

³ Co papinanquë piyapiꞌsa maꞌsona onpotacasoꞌ shaꞌhuiponhuëꞌ. Co nanan natëtaton piyapiꞌsa maꞌsona onpotacasoꞌ shaꞌhuiponhuëꞌ.

Isaías 11:3 ပူးပေါင်းရင်းမြစ်များ

1 Reyes 3:28

Naporinso yaꞌipi israiroꞌsa natantopi. Ina natantatonaꞌ, paꞌyanpi huachi: “Tëhuënchachin Yosëri catahuarin. Napoaton yonquínahuan pochin noꞌtëquën shaꞌhuirin,” topi.

1 Reyes 3:9

Ina pochin nacionsoꞌ, co insonta nanitërinhuëꞌ inaora noya huaꞌanëntacasoꞌ. ¡Quëmari anitotohuatan tëhuënchinsoꞌ, noya camaitapon! Napoaton yonquínahuan nicaꞌhuaso marëꞌ catahuaco. Noya nininsoꞌ, co noyahuëꞌ, nininsoꞌ inapita nitochi. Inapita nitotohuato piyanënpita noya huaꞌanëntarahuë,” itërin.

Isaías 33:6

Ina nohuanton chachin inaquë noya yaꞌhuëaponaꞌ. Inaquë yaꞌhuëpisopitasoꞌ, yonquínahuan nicatonaꞌ, nitotonoꞌsa nicaponaꞌ. Inapoatona chaꞌëponaꞌ. Sinioro tëꞌhuatatona natëpi niꞌton, maꞌsha paꞌton nininsoꞌ quënanëso pochin nipi.

Miqueas 4:3

Naporoꞌ Siniorosoꞌ coisë pochin nicaton, nisha nisha piyapiꞌsa noꞌtëquën shaꞌhuitapon. Notohuaroꞌ piyapiꞌsa nanan yaꞌhuëtopisoꞌ, áquë yaꞌhuëpirinahuëꞌ, maꞌsona onpotacaisoꞌ shaꞌhuitapon. Shaꞌhuitohuachin, inahuaso sahuëninëna quëran noꞌpaꞌ ohuërënanoꞌsa ocoiaponaꞌ. Nansanëna quëraontaꞌ, yaquitonanoꞌsa ocoiaponaꞌ. Naporosoꞌ, co huachi niahuëcaiso niaꞌchintaponahuëꞌ. Naporahuaton co huachi niahuëaponahuëꞌ.

Lucas 2:52

Naporahuaton, Quisoso huiꞌnapitarin huachi. Noya noya yonquirin. Yosëri noya niꞌnin. Piyapiꞌsarintaꞌ noya niꞌpi.

Juan 7:24

Ama quënanamasoráchin yonquiatomaꞌ, shaꞌhuirapicosohuëꞌ. Yonquinënpoa quëran huarëꞌ Yosë niꞌsarinpoaꞌ. Ina nitotatomaꞌ, noꞌtëquën yonquicoꞌ, itërin Quisosori.

Hebreos 5:14

Chinotonoꞌsaso nipirinhuëꞌ, cosharomia caꞌpi. Inapochachin noya noya imapisopitasoꞌ noꞌtëquën yonquiapi. Noya nicacasoꞌ noꞌquitonaꞌ, co noyahuëꞌ nininsoꞌ aꞌnaroáchin aꞌporapi.

1 Samuel 16:7

Inariso napoaponahuëꞌ, itapon: “Noyapintërinsoꞌ, naporopitërinsoꞌ, ama inasáchin nicaton noya niꞌquësohuëꞌ. Carisoꞌ, co ina nohuantërahuëꞌ. Piyapinquëmasoꞌ, aipi yaꞌnorinsoráchin nicatoma noya niꞌnamaꞌ. Caso nipirinhuëꞌ, acopo cancanën quëran yonquirinso nitotërahuë. Insosona noya yonquihuachina, noya niꞌnahuë,” itërin. Napotërin niꞌton, Samoiroso co Iriapo huayoninsohuëꞌ, nitotërin.