Isaías 11:10 - Chayahuita (Shahui)

^10-16 (-)

Isaías 11:10 ပူးပေါင်းရင်းမြစ်များ

Génesis 49:10

Co inso tëranta huaꞌan quëran, quëmasoꞌ Cota, ocoiarinënhuëꞌ. Huara sëꞌquëranso co insonta mataponënhuëꞌ. Huaꞌanën chachin oꞌmaquë huarëꞌ co nanitapaponënhuëꞌ. Ina oꞌmahuachin, yaꞌipi nacionoꞌsari natëpona huachi.

Salmos 116:7

Sinioro nosoroatonco catahuarinco niꞌton, sano cancantaantarahuë.

Salmos 145:11

Noya noya huaꞌanëntëransoꞌ yonquiatonaꞌ, shaꞌhuiinaꞌ. Chini chiníquën nanantaton catahuatëransopitantaꞌ, shaꞌhuiinaꞌ.

Salmos 91:1

Siniorosoꞌ chini chiníquën nanantaton, yaꞌipi nanitaparin. Ina yaꞌipi cancanënpoa quëran imapatëhuaꞌ, sano yaꞌhuëarihuaꞌ. Chiníquën nanantaton aꞌpaiarinpoaꞌ.

Salmos 91:4

Anpiantëhuanoꞌsa huaꞌhuina toꞌcohuëtopiso pochin aꞌpaiarinpoaꞌ. Aꞌpaiarinpoa niꞌton, sano yaꞌhuëarihuaꞌ. Iscoto yaꞌcopirinpoaso pochin noꞌtëquën noninso paꞌpoyararinpoaꞌ.

Isaías 11:1

Nara motoꞌ itëquën quëran pichopitahuaton papotaantarinso pochin aꞌna tahuëri Quisi shiin copirno yaꞌconaton, huaꞌanëntapon.

Isaías 2:2

Ayaro tahuëri yaꞌcaritohuachin, Sinioro chinotacaso pëi yaꞌhuërinquë motopisoꞌ, Siniorori noya noya acoapon. Aꞌnapita motopiroꞌsa quëran ina inápa nisarin. Nisha nisha nacionquë yaꞌhuëpisopita inaquë huëcaponaꞌ.

Isaías 2:3

Notohuaroꞌ piyapiroꞌsa huëꞌsahuatonaꞌ: “Huëco Sinioro motopinënquë pantaꞌahuaꞌ. Israiroꞌsari chinotërinso pëinënquë pantaꞌahuaꞌ. Pënëntërinsopita aꞌchinchinpoaꞌ. Aꞌchintohuachinpoa noya natëahuaꞌ. Sion motopi quëran Yosë chachin aꞌchintarinpoaꞌ. Quirosarin ninano quëran nanamën aꞌchinapi,” tëcaponaꞌ.

Isaías 28:12

Nani iráca ina shaꞌhuitërinquëmaꞌ: “Cariáchin nanitërahuë asanocancanaꞌhuanquëmasoꞌ. Canotërëso pochin cancantohuatamaꞌ, caquë huëcatomaꞌ, chinotoco,” itërinquëmaꞌ. Napotopirinquëmahuëꞌ, co canpitaso natëramahuëꞌ.

Isaías 42:4

Co amichináchinhuë sacataton, isoroꞌpaquë noya nicatona yaꞌhuëcaiso catahuatapon. Marë yonsanquë yaꞌhuëpisopitantaꞌ, inari aꞌchintacaso ninaponaꞌ,” tënin.

Isaías 49:22

Sinioro naporin: “Niꞌquëꞌ. Nisha nisha piyapiꞌsa nisha nisha parti yaꞌhuëpisoꞌ, camaiato shaꞌhuitarahuë. Imirahuë quëran aꞌnotërëso pochin inapita nitarahuë. Quirosarin yaꞌhuëhuanoꞌsa iporahuatona quëcacaiso marëꞌ napotarahuë. Sanapi nipisopitanta paꞌmosorahuatonaꞌ, quëcacaiso marëꞌ napotarahuë.

Isaías 60:3

Noyasáchin nicatomaꞌ, tahuëri pochin nisaramaꞌ. Napoaton nisha nisha piyapiꞌsa huëcapayaponëmaꞌ. Tahuërianpitërëso pochin cancantëramaso marëꞌ, nisha nisha copirnoroꞌsa huëcapaiarinëmaꞌ.

Isaías 60:5

Inapita nicaton, capa cancantomiataran. Marë soꞌtonoꞌsaquë yaꞌhuëpisopita, maꞌsha naꞌcon naꞌcon paꞌtërinsoꞌ quëshiarinëmaꞌ. Nisha nisha piyapiꞌsa maꞌhuanatona huaꞌanëntopisoꞌ, quëtáponëmaꞌ.

Jeremías 6:16

Naquëranchin Siniorori piyapinënpita itapon: “Paꞌnamaquë ira niosërarinsoꞌ quënanconpatamara, chiniconamaꞌ. Noya niꞌsahuatoma iracaya ira huayonamaꞌ. Canpitanta chihuërëso pochin cancantohuatamaꞌ, nontoco noꞌtën ira aꞌnotërëso pochin nichinquëmaꞌ. Inasáchin paꞌtohuatamaꞌ sano cancantaramaꞌ,” itërin. Canpitaso napoaponahuëꞌ: “Co nohuantëraihuëꞌ ina ira paꞌtaꞌhuaisoꞌ,” toconamaꞌ.

Números 10:33

Ina pochin Sinioro motopinën quëran, israiroꞌsa paantapi. Cara tahuëri iratopi. Siniororëꞌ anoyatopiso caposonën quëpanaꞌpiroꞌsa quëchitapi. Sinioro nohuanton chitoro chiniconpachina, inaquë chinotapi huachi.

Mateo 12:21

Nisha nisha piyapiꞌsari natanahuatonaꞌ: ‘Inasáchin nichaꞌësarinpoaꞌ,’ tosapi huachi,” tënin Yosë quiricanënquë. Iráca Isaiasë ninorinso chachin nanirin niꞌton, Quisosori sanoanan quëran piyapiꞌsaꞌ pënënarin.

Mateo 8:11

Iporaso huachi nisha nisha parti quëran huëꞌsapi. Nisha piyapiꞌsaꞌ niponaraihuëꞌ, imatonaꞌ, Yosë huaꞌanëntërinquë yaꞌconapi. Inápaquë paꞌpachinaꞌ, Apraan, Isaco, Cacopo, inapita nohuitapi. Inapitarëꞌ huënsëapi coshatacaiso marëꞌ. Nóya yaꞌhuërapi huachi, tënahuë.

Lucas 2:32

Nisha nisha nananquë nonpisopita aꞌpintarin noꞌtëquën yonquicaiso marëꞌ. Israiroꞌsantaꞌ catahuaarin. Piyapinënpita niꞌton, noya noya acorarin,” itërin.

Juan 12:32

Co huaꞌquiya quëranhuëꞌ inápaquë achinpiarinaco. Ina quëran nisha nisha piyapiꞌsaꞌ imasarinaco, itërin.

Hechos 11:18

Natanahuatonaꞌ, co huachi noꞌhuipihuëꞌ. —Tëhuënchachin Yosë nohuanton, nisha piyapiꞌsantaꞌ co noyahuëꞌ yonquipisopita naniantatonaꞌ, imasapi. Inari catahuarin niꞌton, nanpimiatapi. Ma noyacha Yosëso paya, itopi.

Hechos 28:28

Napoaton shaꞌhuichinquëmaꞌ nitotocoꞌ. Yosëri nisha piyapiꞌsaꞌ nani shaꞌhuitërin cancanënaꞌ anoyatacaso marëꞌ. Inapitasoꞌ natërapi, tënin Paono. [

Hebreos 4:1

Yosë nani shaꞌhuitërinpoaꞌ. “Ipora huantaꞌ yacatahuaranquëmaꞌ sano cancantacamaso marëꞌ,” itërinpoaꞌ. Noya nanan nani natanëhuaꞌ. Iráca natanpirinahuëꞌ, co natëpihuëꞌ. “Yosë noꞌtëquën nontërinpoaꞌ,” co topihuëꞌ. Topinan quëran natanpi niꞌton, co Yosëri anoyacancantërinhuëꞌ. Niꞌcona canpitantaꞌ topinan quëran natantamaꞌ. Co natëhuatamahuëꞌ, co sano cancantaramahuëꞌ.

1 Pedro 5:10

Yosë paꞌpi nosororinpoaꞌ. Quisocristo imarëhuaꞌ niꞌton, aꞌna tahuëri inápaquë quëpantarinpoaꞌ. Iporasoꞌ maꞌsha onpopirëhuahuëꞌ, catahuarinpoaꞌ. Co huaꞌquiꞌ parisitarihuahuëꞌ. Ina quëran nosoroatonpoaꞌ, anoyatarinpoaꞌ. Achinicancanarinpoaꞌ. Noya noya acoarinpoaꞌ.

Apocalipsis 22:16

“Ca Quisosoco anquëninëhuë aꞌpatimaranquën. Nani nanan shaꞌhuitërinquën yaꞌipi imarinacosopita nitotacaiso marëꞌ. Aꞌnaya aꞌnaya niyontonpiquë aꞌpatëquëꞌ nonchinaꞌ. Iráca Tapi yaꞌhuapon, Yosëri shaꞌhuitërin: ‘Aꞌna tahuëri shiparin nóya nisarin. Yaꞌipi piyapiꞌsaꞌ nichaꞌësarin,’ itërin. Ca inaco. Tapi shiinco chachin. Casoꞌ huënio tayora huënaráchin aꞌpininso pochin aꞌpintaranquëmaꞌ,” itërinco Quisoso.

Apocalipsis 5:5

aꞌna ansiano shaꞌhuitërinco. —Ama naꞌnëquësohuëꞌ. Niꞌquëꞌ. Tapi shiin nani yaꞌipi minsërin. Cota huëntonënquë nasitaton, chini chiníquën nanantërin. Inari nanitërin toꞌni iꞌshotahuaton quirica oporinacasoꞌ, itërinco.