Isaías 1:9 - Chayahuita (Shahui)

⁹ Siniorosoꞌ yaꞌipi nanitapaton, carayanpoa quëparitahuaso marëꞌ aꞌpairinpoaꞌ. Coꞌsoꞌ inaporinhuë naporini, Sotoma, Comora, inapita ninanoroꞌsa pochin, nani taꞌhuanchitërihuahuëꞌ.

Isaías 1:9 ပူးပေါင်းရင်းမြစ်များ

Génesis 18:26

Napotohuachina, Siniorori itapon: —Aꞌnatërápo shonca co tëhuëpisopitahuëꞌ, Sotoma ninanoquë yaꞌhuëhuachin, inapita nosoroato yaꞌipi ina ninanoquë yaꞌhuëpisopita nichaꞌësarahuë, itërin.

Génesis 18:32

Apraani naquëranchin nontaantarin: —Iporaíchin Sinioro nontaantaranquën. Ina quëran co huachi apiponquënhuë niꞌton, ama noꞌhuicosohuëꞌ. Shoncaíchin co tëhuëpisopitahuëꞌ quënanpatan: ¿Onpoarantaꞌ? itërin. Napotohuachina, Siniorori itaantarin: —Shoncaya tëranta co tëhuëpisopitahuëꞌ yaꞌhuëhuachinaꞌ, co ninano ataꞌhuantarahuëꞌ.

Génesis 19:24

Naporoꞌ Siniorori, pën oꞌnan pochin aꞌpaimarin. Shaꞌpi moꞌshirë chachin, aꞌpaimarin. Sotoma, Comora, inapita ninanoroꞌsa aipi aꞌpaimarin.

2 Reyes 19:4

Sinioroso Yosënën niꞌton, yaꞌipi nitotërin. Asiria copirnori huaꞌanoꞌsa aꞌparinsopita quëran pinorinsontaꞌ, natanin. Maꞌcha ina natanaton anaꞌintërin naporini, noya niitonhuëꞌ. Quëmanta Sinioro nontëquë yaꞌhuëarëhuasoꞌ, catahuainpoaꞌ, tënin Isiquiasë,’ itoncoꞌ,” itërin.

Isaías 1:8

Quirosarin ninanoáchin quëparitërin. Oparo aꞌpaicaiso marëꞌ ina huancánachin pëi acopiso pochin quëparitërin. Pipinoroꞌ huáncana naꞌicaiso marëꞌ pëi acopiso pochin ninin. Inimicoroꞌsari ninano tancapitërinso pochin inaora quëparitërin,” tënin Sinioro.

Isaías 46:3

Yosë chachin naporin: “Cacopo quëran pipiramasopita natancoꞌ. Yaꞌipi israiroꞌsa quëparitëramasoꞌ natancoꞌ: Coꞌhuara nasichátërapomahuëꞌ, carima pëꞌpëatë pochin quëparanquëmaꞌ. Ipoatë pochin quëpatënquëma aꞌpairanquëmaꞌ.

Isaías 6:13

Pasayaꞌpi quëran shonca tëranta quëparitohuachina, inapitanta taꞌhuantaponaꞌ. Napoaponahuëꞌ, aꞌnaquën nara aꞌnëhuatëra papotaantarinso pochin, Sinioro marëꞌ nipisopitasoꞌ, yaꞌhuëantaponaꞌ,” itërinco.

Jeremías 23:14

Quirosarinquë pënëntonaꞌpiroꞌsa yaꞌhuërinsontaꞌ, napopisoꞌ niꞌnahuë. Paꞌpi co noyahuëꞌ nicatona saꞌina tëhuananpitopi, nonpinpi, napopi. Co noyahuëꞌ nipisopita achinicancanpi niꞌton, co insonta co noyahuëꞌ nininsoꞌ yaaꞌporinhuëꞌ. Ina pënëntonaꞌpiroꞌsaꞌ, yaꞌhuëhuanoꞌsaꞌ, inapitaso sotomaroꞌsaꞌ, comoraroꞌsaꞌ, inapita pochin niꞌnahuë.

Joel 2:32

Sinioro chinotopisopitaso nipirinhuëꞌ, chimirin quëran chaꞌësapi. Sinioro naporinso chachin huayoninsopitasoꞌ, chaꞌësapi. Quirosarin ninanoquë chaꞌëcaiso yaꞌhuëapon niꞌton, napoapi.

Amós 4:11

Naquëranchin Sinioro taantarin: “Sotoma, Comora, inapita ninanoroꞌsaꞌ, huëhuëpiro nitato iráca ataꞌhuantërahuë. Inapochachin canpitantaꞌ, naꞌaquëma ataꞌhuantëranquëmaꞌ. Ina quëran chaꞌëramasopitasoꞌ, pënaya pën quëran ocoipiso pochin ninamaꞌ. Inapoápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Habacuc 3:2

Nonansopita natanahuë, acoransopitanta niꞌnahuë. Inapita yonquiato: ¡Ma noyacha Sinioroso paya! tënahuë. Iráca shimashonëhuëipita catahuaranso pochachin ipora tahuëriꞌsanta catahuacoi. Inapotatoncoi catahuacoi quiyanta nohuichinquën. Co noyahuëꞌ ninaiso marëꞌ noꞌhuiponcoirahuëꞌ, nosorochináchin cancantëransoꞌ, aꞌnotocoi.

Romanos 9:27

Isaiasëntaꞌ ninoton, ninshitërin. “Huaꞌhuayatërahuëꞌ israiroꞌsaꞌ yaꞌhuëpirinahuëꞌ, co yaꞌipiya chaꞌësapihuëꞌ. Marë yonsanquë inotëraꞌhuaya yaꞌhuërinso nápoꞌ yaꞌhuëpirinahuëꞌ, caraíchin Yosëri nichaꞌësarin.

Romanos 9:29

Coꞌhuara ina ninshichatërasohuëꞌ, Isaiasë ninoton, tapon: “Sinioro yaꞌipinpoaꞌ huaꞌanëntërinpoaꞌ. Iráca ina nohuanton, yaꞌipi Sotomaquë yaꞌhuëpisopita taꞌhuantopi huachi. Comoraquë yaꞌhuëpisopitantaꞌ taꞌhuantopi. Canpoantaꞌ caraíchin nipirëhuahuëꞌ nosoroatonpoaꞌ, nichaꞌërinpoaꞌ. Co nosororinpoahuëꞌ naporini, canpoantaꞌ yaꞌipinpoaꞌ taꞌhuanchitërihuahuëꞌ,” tënin.

2 Pedro 2:6

Ina quëran Sotomaquë yaꞌhuëpisopitantaꞌ anaꞌintërin. Co noyahuëꞌ cancantohuachinara, Sotoma, Comora, catoꞌ ninano chachin noyá ahuiquitërin. Yaꞌipiya chiminpi. Ayonquiinpoaso marëꞌ inapita aninshitërin. “Co noyahuëꞌ nipatëhuaꞌ, chiníquën anaꞌintarinpoaꞌ,” tënëhuaꞌ.

Apocalipsis 11:8

Quirosarinquë chachin tëpararin. Inaquë iráca Quisosontaꞌ tëpapi. Inaquë yaꞌhuëpisopita paꞌpi co noyahuëꞌ cancantopi. Sotomaquë, Iquipitoquë inaquëpita yaꞌhuëpisopita pochin cancantatonaꞌ, oshahuanacaisoáchin yonquipi. Catoyaꞌpi tëpahuachinaꞌ, cachiquë tëꞌyatapi. Co paꞌpitapihuëꞌ.